Luka 16:15 - Chakfem (ckyc)

¹⁵ Bhi Jesu satt mwopp le, “A wunn a mwooh kihh le runn a mhi-shigrett kihkyeen gurum mwopp, dhangg Naan man phitukhup wu. P'ee bii w'u zhepp gurum kihh tihghin mwopp pwetd, bhi mwopp a bii-nyakklong kihkyeen Naan.

Luka 16:15 ပူးပေါင်းရင်းမြစ်များ

Luka 10:29

Bhi gwoh ni, tihh mang'am diy kaah shin, bhi nang phi Jesu le, “Uwou, a wuyeh a shaar'tong keena?”

Luka 11:39

Bhi Daah Jesu satt nyi le, “Wunn Farisiiy mwopp wu kihh sar kihbwoon zhangg kihh kihbwoon kong mwopp, dhangg dhighin phitukhup wu gam a kihh bukhurpee, kihh v'ur dhakk'wubis.

Luka 18:11

Farisiiy ni dharr kihh yibyid shin diy dhangNaan le, ‘Daah Naan, ih plang gha p'ee baah wu'an a kaa kakhar gurum mwopp mou: mwopp a mhi rang'gang, mwopp a mhishiin-zeenn, mwopp a mhigaa; h'aa kooh a kaa gu'lappwapp mhize se mou.

Luka 18:14

Jesu satt gurum ni mwopp le, “Ih kihh satt wunn, gu'lappwapp mhizeh ni waa dum tuluh keeniy kihh mihhseh'wurett kihkyeen Naan mett Farisiiy mhizeh. P'ee koohweeh w'u kihh eepkaah niy, bhi mwopp p'ee sam kihh nyi, dhangg gwooh kihh sam kihh kaah niy, bhi mwopp p'ee eep nyi.”

Luka 18:21

Bhi gwoh ni satt Jesu le, “Ih y'aa kyeer w'aar mhizeh ni mwopp bhi a'n kudyi a l'aa wu'shomm.”

Luka 18:9

Jesu satt shumpwoo mhize mwooh kihh m'ang le runn a mhi-shigrett pwetd, harr mwopp kihh bheez mwoohzeh. Satt le,

Luka 20:20

A nyi seh, bhi mwopp y'aa lang'bhongg Jesu nett-nett. Mwopp lop m'ee wer keeru lhidum kihpee nyi diy a pin'shig gurum, tihh mwopp dwallass nyi diy dhighin m'ee pwoo w'u dhok diy satt, tihh mwopp kad arr y'aa nyi diy pihh sarr Govno.

Luka 20:47

A mwopp a mhi zhwam shwarabkaah tihh mwopp chakk bii diy lapp sarr mwopp bhangg-bhangg. Dhangg mihh yakhal bhi mwopp kihh raanaan gab'zhakham m'ee dhangNaan w'u kwer-kwer. Ai gurum wu'kihhsheh ni mwopp aa'h! Naan p'ee shandyeell w'u shishwal mwopp.”