Luka 15:6 - Chakfem (ckyc)

⁶ dum tuluh. Mihh ji'wull kihh nyi tuluh bhi nyi p'ee peet shaar niy mwopp kihhsheh kihh shaar'tong keeniy mwopp weett satt diy mwopp le, ‘Wu bham a'n rettyit e'h; p'ee ih kad tihm keena w'u dyinn lakham shi seh 'y!’

Luka 15:6 ပူးပေါင်းရင်းမြစ်များ

Luka 1:58

Shaar'tong khinyi kihh wu'myaa nyi mwopp klihng rooh Naan kamm gag kaahdhoonn keeniy wu'dhess Elizabet, bhi mwopp sh'in rettyit kihshag kihh nyi.

Luka 15:10

Ih kihh satt wunn, rettyit p'ee piin dhen kihkyeen mhi'lop khi Naan mwopp a kihhsheh zag p'ee gu'shigbis kihmeh w'u tu'wapp.”

Luka 15:24

P'ee em na mhize gyet baa mih'muut, dhangg mwasseh baa'ji kihh seen, gyet baa lhi-lakh'am, dhangg mwasseh bhi mwopp kad nyi.’ A nyi seh bhi mwopp yakhal y'aa rettyit.

Luka 15:5

Mihh kad, bhi nyi p'ee m'ang bii niy dhen kihh tookk niy, y'aa rettyit

Luka 15:7

Ih kihh satt wunn, mwopp p'ee sh'in rettyit kih dhengNaan a kihhsheh zag p'ee gu'shigbis kihmeh w'u tu'wapp. Rettyit ni p'ee mett rooh mwopp p'ee sh'in nyi kaah mhi-shigrett laar pwoghofeerr kihh pwoghofeerr w'u wu'mwopp wall ruh m'ee tu'wapp mou.