Luka 11:41 - Chakfem (ckyc)

⁴¹ Wu put kihh bii w'u dhighin phitukhup wu seh, kaa zhukhum w'u mwopp kihh put kihh nyi se, bhi koohmeeh p'ee dhen a wu'bhangg wunn.

Luka 11:41 ပူးပေါင်းရင်းမြစ်များ

Luka 12:33

Wu seett kihh bii w'u wunn kihh mwopp wu sh'in zhukhum mhipyaah mwopp dyishig. Mihh wuh sh'in kihhsheh, bhi wunn phi twan a daam'shaghal w'u baa kihh mak kus mou shuk. Daam'shaghal w'u a long w'u baah kihh cham kyess mou tihngg kih dhengNaan; pee w'u baah m'ee watt kihh mak wull diy, kooh dih'gub kihh mak t'u bii nhighin mou.

Luka 16:9

Pee'mhinyi, bhi ih kihh satt wunn, wu yak shaar sh'i long mhi yill mhizeh, kooh bhalang phirooh nyi a bii wu'bis, tihh p'ar mihh kyes diy bhi mwopp lapp wunn dhighin luh'tong w'u harr ngaa-ngaa.

Luka 18:22

Kaarooh Jesu klihng bii w'u gwoh ni satt, bhi satt nyi le, “A bii kihmeh kudyi kihh wonn gha. Dum ghi seett kihh bii w'u gha kihh mwopp weett, ghi shin zhukhum mhipyaah mwopp dyishig. Mihh ghi sh'in kihhsheh bhi gha p'ee kwed kihh long kih dhengNaan, bhi ghi ji dhak ghi langdang na.”

Luka 19:8

Kaarooh mwopp nhighin, bhi Zakka yakhal dharr bhi satt Daah Jesu le, “Gwoohyon, ghi naah mwasseh kihhshe, bhi a'n p'ee shap long keena der vel. An p'ee pihh shapp wu'zeh mhipyaah mwopp. Yakhal mihh ih cham bukhur menguh, bhi a'n p'ee kwatkopp ni gwoh ni yit feerr.”