Tito 1:14 - Kagayanen

¹⁴ Ambalan no man danen an na dili en magpati ta mga isturya na imo-imo nang ta mga Judio daw mga sugo ta mga ittaw na dili miag na magpati ta kamatuuran parti ta pagtuo ki Cristo.

Tito 1:14 ပူးပေါင်းရင်းမြစ်များ

Mateo 15:9

Ula pulos iran an na pagsimba ki yaken tak danen an gatudlo na naan kon alin ki yaken mga sugo an na naan nang alin ta mga ittaw.’”

Marcos 7:7

Ula pulos iran an na pagsimba ki yaken tak danen an gatudlo na naan kon alin ki yaken mga sugo an na naan nang alin ta mga ittaw.’

Galacia 4:9

Anduni, kyo yan gakala ta matuod na Dyos daw mas miad pa gid na ambalen na kyo yan kala ta Dyos. Man-o tak gasunod kaw isab ta mga kaugalian daw mga patian parti ta mga ispiritu naan ta kalibutan na danen an mga ispiritu na dili katabang ki kyo daw ula man pulos?

Colosas 2:22

Dili kaw magsunod ta iran na patudlo tak parti nang ta mga betang na dili maglugay daw iran an na mga kaugalian daw patudlo buat-buat nang danen.

2 Timoteo 4:4

Dili en danen an mamati ta kamatuuran parti ta pagtuo ki Jesu-Cristo tak mas liag danen na mapati ta mga kinaraan na isturya na imo-imo nang ta mga ittaw.

Tito 3:11

tak nlaman no na kanen an gatalikod ta igo na tudlo daw pirmi gabuat ta sala. Paagi ta iya na mga buat na sala napakita na kanen an dapat silutan.

Hebreo 12:25

Siguraduon nyo na matuman nyo gid ambal ta Dyos. Mga ittaw anay pa sa ula danen nalikawan iya na silot tak ula danen ya gapati ta mga paandam na alin ki Moises na ittaw nang. Tenged ula danen nalikawan silot ta Dyos, sigurado na daw dili ki magpati ta mga paandam na alin gid ta Dyos, dili ta man malikawan iya na silot.

2 Pedro 2:22

Pabuat ya danen pamatuod ta mga ambalanen na “Ayam an gabalik naan ta iya na suka daw kan-enen,” daw, “Baboy an maskin bag-o tapos languyan, gabalik naan ta lapukan daw magtubog.”