Mga Binuatan 27:10 - Kagayanen

¹⁰ “Mga arey, napanilagan ko na dilikado en daw magdiritso ki pa. Dili nang mga pangarga daw sakayan i marwad basi asta ate i na kabui marwad man.”

Mga Binuatan 27:10 ပူးပေါင်းရင်းမြစ်များ

Mga Binuatan 21:3

Na nabantaw nay en pulo Cipre, galayag kay na pulo an naan dapit ta wala nay daw rumbo nay an pabagat munta naan ta prubinsya Siria. Pag-abot nay naan ta Siria, gadungka kay naan ta banwa na Tiro tak gaaw-as ta mga kargaminto.

Mga Binuatan 27:31

piro Pablo i gambal ki Kumander Julio daw ta mga sundalo, “Daw dili magpabilin mga gurmiti an naan ta sakayan, ula kaw paglaem na makalambot naan ta baybay.”

Mga Binuatan 27:34

Gani, gapangabay a ki kyo na maan kaw maskin tise nang tak kinanglan nyo gid aged magbiskeg inyo na lawa. Ula may marwad ki kyo, bisan isya nang na naet ta inyo na buok.”

1 Pedro 4:18

Naan ta sinulat na pulong ta Dyos may ambal, “Tenged mga ittaw na gatuman ta liag ta Dyos maluwas alin ta silot na ula katapusan piro maagian danen mga kabellay, ino pa gid taan matabo an ta mga ittaw na ula gid ta iran na isip Dyos an daw makasasala man?”