Mga Binuatan 2:27 - Kagayanen

²⁷ tak nlaman ko na dili a no dilian naan ta Hades na lugar ta mga patay daw dili no man tugutan na malunot lawa an ta imo gid na Manugsirbi.

Mga Binuatan 2:27 ပူးပေါင်းရင်းမြစ်များ

Mateo 11:23

“Mga ittaw man na taga-Capernaum! Salig gid danen na dayawen danen an ta Dyos. Piro, dili din danen an dayawen. Iulog din danen an naan ta Hades na lugar ta mga patay daw naan dya danen an silutan! Daw naan ta Sodoma pabuat mga katingalaan na paryo ta nabuat ko naan ta Capernaum, sigurado na magnelsel danen an daw asta inta anduni may banwa pa na Sodoma.

Marcos 1:24

“Jesus na taga-Nazaret, man-o tak anen ka di? Giling ka di taan aged silutan kay? Kala ta kaw daw kino ka! Kaon yan alin gid ta Dyos!”

Lucas 1:35

Sabat ta angil ki Maria, “Dyos Ispiritu Santo an mabot ki kaon daw magbagnes ka paagi ta paglekkep ki kaon ta gaem ta Dyos Na Labaw Ta Tanan. Gani, bata an na matao ki kaon alin gid ta Dyos daw umawen kanen an na Bata Ta Dyos.

Lucas 16:23

Naan ta Hades na lugar ta mga patay, manggaranen ya pasilutan ta segeng na kasakit. Nabantaw din Abraham daw nabantaw din man Lazaro na naan dapit ta kilid Abraham.

Lucas 24:44

Gambal kanen i ki danen, “Na gadumaay ki pa kan-o, gambal a daan ki kyo na naan ta plano ta Dyos na matuman tanan na nasulat parti ki yaken na naan ta Mga Sinulat Moises, Mga Sinulat Ta Mga Prupita daw Mga Salmo.”

Lucas 4:34

“Ara! Jesus na taga-Nazaret, man-o tak anen ka di? Giling ka di taan aged silutan kay? Kala ta kaw daw kino ka! Kaon yan alin gid ta Dyos!”

Juan 11:39

Ambal Jesus, “Ligiren nyo bato an.” Sabat Marta na utod Lazaro, “Ginuo, sikad bao en kanen an tak appat en adlaw na nalebbeng.”

Mga Binuatan 2:26

Nyan gid nalipay ake na tagipusuon daw sikad sadya ake an na mga paambal tenged ki kaon, O Ginuo. Bisan mapatay a, may palaeman a pa

Mga Binuatan 2:28

Patudlo no ki yaken daw ino paagi na mangabui aged may kabui na ula katapusan daw malipay a tenged kaon ake na maduma.’”

Mga Binuatan 2:31

Nlaman en daan David parti ta pagbannaw ya ta Pinili Ta Dyos Na Mag-ari. Gani, gambal David ya na Pinili Ta Dyos Na Mag-ari, dili kanen an pabay-an ta Dyos naan ta Hades na lugar ta mga patay daw dili man malunot iya na lawa.

Mga Binuatan 3:14

Kanen an alin gid ta Dyos daw matareng, piro pasikway nyo daw imbis na papangabay nyo ki Pilato na buy-an kanen an, papangabay nyo gid na buy-an ki kyo isya ya na manugpatay.

Mga Binuatan 4:27

O Ginuo Dyos, iling gid tan natabo naan ta yi na syudad na danen ya Herodes, Poncio Pilato, mga dili linai Israel daw mga linai Israel man gakuntra ki Jesus na imo gid na Manugsirbi daw Pinili Na Mag-ari.

1 Corinto 15:52

Sikad dasig iya na pagbag-o ta ate na mga lawa paryo kadasig ta isya nang na pagkipat ta mata. Iling tan matabo dengngan ta pag-eyep ta trumpita na sinyalis na abot en katapusan na adlaw. Na mamatian tunog ta trumpita, mga napatay an bannawen ta Dyos na ula en danen an kamatayen daw kiten man na mga bui pa, ate na lawa bag-uon din

1 Corinto 15:55

“Kamatayen, napirdi ka en! Kamatayen, ino pa imo na sarang para manakit ki kami?”

1 Juan 2:20

Piro, naan ki kyo Dyos Ispiritu Santo tenged Cristo an, kanen an na alin gid ta Dyos, paatag din Dyos Ispiritu Santo ki kyo. Yon na nlaman nyo kamatuuran parti ki Cristo.

Mga Papakita 1:18

Yaken paumaw ya na Kanen Na Bui. Napatay a, piro tandaan no. Anduni yaken i bui daw mabui a ta ula katapusan. Yaken may uturidad parti ta Hades na lugar ta mga patay daw may uturidad a man na buien ko mga patay.

Mga Papakita 20:13

Naan gid dya ta tubangan ta truno papatipon tanan na mga ittaw na napatay en na naan ta lugar na paumaw na Kamatayen daw Hades asta man mga ittaw na napatay na naan ta dagat. Kada isya ki danen paukuman ta Dyos sunod ta iran na mga nabuat.

Mga Papakita 3:7

Kanen ya na gaambal ki yaken, ambal din pa, “Yi isulat no naan ta angil na gabantay ta mga gatipon-tipon na gatuo na naan ta Filadelfia: “Yi na laygay alin ki yaken na gasunod gid ta liag ta Dyos, masaligan daw gibit ta yawi Ari David. Daw ino pabukasan ko, dili masaraan ta bisan kino. Yon man, daw ino pasaraan ko, dili mabukasan ta bisan kino.