Mateo 4:8 - Kagayanen

⁸ Pagsabat Jesus, padala Satanas kanen i naan ta sikad datas na bukid daw papakita ki kanen tanan na nasyon ta kalibutan daw iran an na manggad.

Mateo 4:8 ပူးပေါင်းရင်းမြစ်များ

Mateo 16:26

Daw may ittaw na maangken din tanan na manggad naan ta kalibutan i piro dili din malikawan silot na ula katapusan naan ta impirno, ula man gyapon pulos tanan na naangken din. Ula gid betang na pwidi iatag aged balyo ta kabui na ula katapusan.

Mateo 4:5

Pagsabat Jesus, padala Satanas kanen i naan ta Jerusalem na syudad ta Dyos daw patindeg naan ta pinakadatas na parti ta Timplo.

Juan 5:20

Ake na Amay gapalangga ki yaken na Bata din. Gani, papakita din ki yaken tanan din na buat. Ipabuat din pa ki yaken katingalaan na mas pa kaysa ta mga pabuat ko en aged kyo magtingala gid.

1 Pedro 1:24

Iling man tan nabetang naan ta iya na sinulat na pulong parti ta iya na ambal, “Mga ittaw lipo nang kabui paryo ta lamunon daw tanan na dayad na naan ki danen dili nang maglugay paryo ta bulak ta lamunon. Lamunon magkeseg daw iya man na bulak manlatak,

Mga Papakita 11:15

Sunod na nakita ko naan ta ake na panan-awan pangpitto na angil gaeyep ta iya na trumpita daw naan ta langit may mga gambal na bakod iran na kagi, “Umpisa anduni, tanan na mga ittaw ta kalibutan dumalaan ta ate na Ginuo Dyos daw Cristo na iya na Pinili Na Mag-ari. Mag-ari kanen an asta ta ula katapusan.”