Mateo 21:9 - Kagayanen

⁹ Mga ittaw na gauna ki Jesus daw duma na gasunod man gasinggit, “Dayawen ta Apo Ari David! Dayawen gabot an na papadala ta Ginuo Dyos! Dayawen ta Dyos an na naan ta langit!”

Mateo 21:9 ပူးပေါင်းရင်းမြစ်များ

Mateo 21:10

Na gaselled en Jesus i ta Jerusalem, naguluan mga ittaw ta bilog na syudad daw gainsaay, “Kino na ittaw nyan?”

Mateo 21:15

Piro, mga manugdumala na mga pari daw mga manugtudlo ta Mga Sinulat Moises gagilek na nakita danen mga katingalaan an na pabuat din daw namatian danen mga kabataan an na gasinggit ta pagdayaw ki kanen naan ta Timplo, “Dayawen ta Apo Ari David!”

Mateo 23:39

Sugiran ta kyo na dili a nyo makita isab asta mabot adlaw na mambal kaw, ‘Dayawen ta kanen an na papadala ta Ginuo Dyos na miling di en.’”

Mateo 9:27

Pag-alin Jesus ta lugar na naan dya paayad din bata ya, may gasunod ki kanen na darwa na mama na bulag. Gasinggit danen an ki kanen, “Apo Ari David! Maluoy ka ki kami!”

Lucas 13:35

Tenged iling tan nabuat nyo, anduni syudad nyo an daw Timplo pabay-an nang en ta Dyos. Sugiran ta kyo na dili a nyo makita isab asta mabot adlaw na mambal kaw, ‘Dayawen ta kanen an na papadala ta Ginuo Dyos na miling di en.’”

Lucas 2:14

“Naan ta langit tanan na pagdayaw paatag naan ta Dyos. Naan ta kalibutan katawway ta kabui ta mga ittaw na gaatag ta kalipay ki kanen.”