Marcos 8:29 - Kagayanen

²⁹ Insa din pa, “Kyo a, ino maambal nyo daw kino yaken i?” Sabat Pedro, “Kaon yan Pinili Ta Dyos Na Mag-ari.”

Marcos 8:29 ပူးပေါင်းရင်းမြစ်များ

Marcos 4:11

Gambal kanen i, “Kyo na mga tinudluan ko patagan ta Dyos ta pribiliyo na mlaman nyo mga ula din pasugira anay pa sa na parti ta iya na pagdumala. Piro, duma na mga ittaw natudluan parti ta iya na pagdumala paagi nang ta mga paanggid na isturya

Lucas 9:20

Insa din pa, “Kyo a, ino maambal nyo daw kino yaken i?” Sabat Pedro, “Kaon yan Cristo, Pinili Ta Dyos Na Mag-ari!”

Juan 11:27

Sabat Marta, “Ee, Ginuo. Gapati a gid na kaon Pinili Ta Dyos Na Mag-ari daw kaon man Bata Ta Dyos na papaabot nay na miling ta kalibutan i.”

Juan 4:42

Mga ittaw na gatuo gambal ta bai ya, “Anduni, gatuo kay ki Jesus dili tenged nang ta imo na sugid. Gatuo kay ki kanen tenged kami i kamati ta iya na tudlo daw nlaman nay en na kanen gid Manluluwas para ta tanan na mga ittaw ta bilog na kalibutan.”

Juan 6:68

Sabat Simon Pedro ki Jesus, “Ginuo, ula kay duma na dangepan daw dili, kaon nang tak gatudlo ka parti ta kabui na ula katapusan.

Juan 6:69

Gapati kay ki kaon daw nlaman nay man na kaon yan alin gid ta Dyos.”

Mga Binuatan 8:36

Ta pagpadayon danen, kasampet danen an naan ta lugar na may waig daw gambal upisyal an, “Lagen no! May waig di! Pwidi a mabautismuan?”

Mga Binuatan 9:20

Gaumpisa dayon kanen i ta pagwali naan ta mga balay tipunan na Jesus an Bata Ta Dyos.

1 Pedro 2:7

Gani, kyo yan na mga gatuo nlaman nyo na kanen an na paryo pamag-ang na bato impurtanti gid ki kyo. Piro, mga ittaw an a na ula gatuo ki kanen, iran na pagsikway ki kanen paryo ta nabetang naan ta sinulat na pulong ta Dyos, “Bato an na ta isip ta mga manug-ubra ta balay dili magamit, yon gid pamag-ang na bato,”

1 Juan 4:15

Bisan kino na mag-ako na Jesus an Bata Ta Dyos, gapadayon na Dyos an naan ki kanen daw gapadayon man na kanen an naan ta Dyos.

1 Juan 5:1

Tanan na mga ittaw na gapati na Jesus an Cristo na Pinili Ta Dyos Na Mag-ari, danen an pabuat ta Dyos na iya na mga bata. Tanan na mga ittaw na gagugma ta Dyos Amay, gagugma man danen an ta mga ittaw na pabuat ta Dyos na iya na mga bata.