Marcos 8:23 - Kagayanen

²³ Paibitan din mama an na bulag naan ta lima daw paguyod din mwa ta banwa. Pag-abot danen ta gwa, paileban din mata ya ta bulag daw patakleban din ta iya na lima. Pagkamang din ta iya na lima, painsaan din bulag ya, “Ta, may nakita ka en?”

Marcos 8:23 ပူးပေါင်းရင်းမြစ်များ

Marcos 5:23

daw gapakiluoy gid, “Ake na bata na dalagita tagumatayen en. Miling ki naan ta ame na balay. Daw maimo nang, itungtong no imo na lima naan ki kanen para mayad daw mabui.”

Marcos 7:33

Pabelag Jesus mama an alin ta tama na mga ittaw na gatipon dya. Pabetang Jesus timbang din na tudlo naan ta darwa na talinga ta mama. Paileban din iya na tudlo daw patandeg din dila ya ta mama.

Marcos 8:24

Gatan-aw mama na bulag naan ta palibot daw mambal, “Kita ko en mga ittaw an na gapanaw, piro pagluag ko, paryo nang danen an ta mga kaoy.”

Marcos 8:26

Papauli Jesus mama an daw paambalan, “Magdiritso ka nang en uli ta inyo na balay na dili magi naan ta banwa.”

Mga Binuatan 23:19

Pagmati ta kumander, paibitan din lima ta gamangken an Pablo daw padala naan ta lugar na danen nang daw painsaan din, “Ino isugid no ki yaken?”

Mga Binuatan 9:8

Gabangon Saulo i, piro pagmuklat din, dili en kanen i kakita. Pasagabay nang danen kanen i asta kabot naan ta Damasco.

Hebreo 8:9

Bag-o na kasugtanan dili paryo ta kasugtanan na paatag ko anay pa sa ta iran na alinan na mga kaapuan naan ta timpo na iran na alinan na mga kaapuan padala ko mwa alin ta Egipto. Iran na alinan na mga kaapuan ula gatuman ta ake na kasugtanan. Gani, ula ko danen an paintindia. Yon ambal ta Ginuo Dyos.

Mga Papakita 3:18

Yi laygay ko ki kyo: Malit kaw ki yaken ta blawan na paimo na puro paagi ta apoy aged magmanggaranen kaw gid ta usto. Malit kaw man ta puti na bayo na suuton nyo aged dili kaw magayya na palaw kaw. Malit kaw man ta bulong na pangpaid ta inyo na mata aged makakita kaw en.