Marcos 12:34 - Kagayanen

³⁴ Nlaman Jesus na igo gid sabat ta manugtudlo daw ambal din, “Dili madyo na bilangen ka ta Dyos na isya man ta mga ittaw na iya na padumalaan.” Pagtapos Jesus ta ambal, ula may nangiseg na mag-insa pa ki kanen.

Marcos 12:34 ပူးပေါင်းရင်းမြစ်များ

Mateo 12:15

Na nlaman Jesus na paplanuan kanen i ta mga Pariseo na patayen, galin kanen ta lugar ta mga Pariseo na ya. Tama na mga ittaw gasunod ki kanen daw tanan ki danen na may masakit paayad din.

Mateo 12:20

Miad kanen an daw magtabang man ta mga ittaw na galuya iran an na pagsalig na paryo kanen an ta ittaw na ula gabali ta tanem na gaapay daw ula man gapatay ta lampraan na gapaleng-paleng. Padayunon din iya na buat na iling tan asta matuman ake na liag na mga ittaw bilangen ko na matareng.

Mateo 22:46

Ula gid may gasabat ki kanen daw umpisa sa na adlaw, ula may nangiseg na mag-insa pa ki kanen.

Lucas 20:40

Iling sa ambal danen tak ula may nangiseg na mag-insa pa ki kanen.

Roma 7:9

Na ula ko pa nlami kan-o mga sugo ta Dyos na naan ta Mga Sinulat Moises, ta ake na isip, ula a nakasala. Piro, na natudluan a ta mga sugo, naintindian ko en na nakasala a daw bayad ta ake na sala na dapat masintinsyaan a ta silot na ula katapusan.

Galacia 2:19

Piro, dili a malik ta dati ko na pagsalig tak ta ake na pagtingwa ta pagsunod ta mga sinulat kan-o naintindian ko na maskin sikad gid ake na pagtingwa, dili a man gyapon buaten na matareng. Yon na, ula aren gapadayon ta ake na pagtingwa ta pagsunod ta mga sinulat aged libri a na magtingwa na tanan na buat ko para nang na Dyos sirbian ko.

Colosas 4:6

Dapat man na dayad inyo na pag-isturya naan ta duma aged intrisado danen na mamati. Daw iling tan buaten nyo, dayad pagsabat nyo an ta bisan kino na mag-insa ki kyo parti ta inyo na pagtuo.