Marcos 12:10 - Kagayanen

¹⁰ Paryo kaw inyo na ula kabasa ta ambal naan ta sinulat na pulong ta Dyos na iling ti: ‘Bato an na ta isip ta mga manug-ubra ta balay dili magamit, yon gid pamag-ang na bato.

Marcos 12:10 ပူးပေါင်းရင်းမြစ်များ

Mateo 12:3

Sabat Jesus, “Paryo kaw inyo na ula kabasa parti ta pabuat Ari David anay pa sa na nletem gid kanen daw iya na mga duma!

Mateo 19:4

Sabat Jesus, “Sigurado na nabasa nyo en daw nlaman nyo na ta una gid na timpo ‘pabuat ta Dyos mga ittaw na danen mama daw bai,’

Mateo 21:16

Ta kagilek ta mga pari an daw mga manugtudlo, gambal danen ki Jesus, “Ino, ula ka kamati ta pasinggit ta mga kabataan? Man-o tak ula no sawaya danen an!” Sabat din, “Simpri namatian ko. Paryo kaw inyo na ula kabasa naan ta sinulat na pulong ta Dyos ambal ya na, ‘Bisan mga derse na kabataan daw mga bata na gasuso nang pa patudluan na magdayaw ki kaon!’”

Mateo 21:42

Ambal Jesus, “Igo nyan. Piro, paryo kaw inyo na ula kabasa ta ambal naan ta sinulat na pulong ta Dyos na iling ti, ‘Bato an na ta isip ta mga manug-ubra ta balay dili magamit, yon gid pamag-ang na bato. Yi tanan pagbeet ta Ginuo Dyos daw gatingala ki gid.’”

Mateo 22:31

Parti man ta pagbannaw, paryo kaw inyo na ula kabasa ta ambal ta Dyos ki kyo naan ta sinulat na pulong din,

Marcos 12:26

Parti man ta pagbannaw, paryo kaw inyo na ula kabasa ta ambal ta Dyos naan ta sinulat Moises. Naan ta isturya parti ta tanem na galegleg, Dyos gambal ki Moises, ‘Yaken i Dyos danen Abraham, Isaac daw Jacob.’

Marcos 12:9

Pagtapos Jesus ta isturya, painsaan din mga gadumala an ta mga Judio, “Ta, ino buaten ta tag-iya? Simpri ilingan din mga gaagsa ya daw patayen daw paagsa din iya na ubasan naan ta duma na mga ittaw.

Marcos 13:14

Ambal pa Jesus, “Ta timpo na mabot, makita nyo na naan ta dili dapat betangan ‘sikad malain na betang na gainsulto ta balay ta Dyos’.” -- Kyo na gabasa ta nasulat na i, intindien nyo gid daw ino beet ambalen. Ambal pa gid Jesus, “Daw iling tan makita nyo naan ta dili dapat betangan, beet ambalen abot en timpo na mga ittaw na gaistar naan ta prubinsya Judea dapat magbakwit naan ta mga bukid.

Marcos 2:25

Sabat Jesus, “Paryo kaw inyo na ula kabasa parti ta pabuat Ari David naan ta timpo Abiatar na pinakadatas na manugdumala ta mga pari na nletem gid David ya daw iya na mga duma tak ula makaan! Giling David ya naan ta balay ta Dyos daw gakaan ta tinapay na paalad para ta Dyos. Patagan din man iya na mga duma. Piro, maskin mga pari nang patugutan na maan ta tinapay na paalad para ta Dyos, buat ya danen Ari David ula pabilang na kuntra ta mga sugo Moises.”

Lucas 6:3

Sabat Jesus, “Paryo kaw inyo na ula kabasa parti ta pabuat Ari David anay pa sa na nletem gid kanen ya daw iya na mga duma.

Roma 9:33

“Lagen nyo! May papadala a naan ta syudad Sion. Paryo kanen ta bato na masandaran daw paryo man ta unay na bato na tenaan na mga ittaw madagpa. Piro, bisan kino na magtuo ki kanen, dili magayyaan tenged ki kanen.”