Lucas 7:38 - Kagayanen

³⁸ Gaprani kanen an naan dapit ta tudtod Jesus daw gatindeg naan ta batiisan. Gagal kanen an daw natuluan ta lua din batiis Jesus. Papairan din ta iya na buok batiis an daw paarekan daw pabanyusan ta paammot.

Lucas 7:38 ပူးပေါင်းရင်းမြစ်များ

Mateo 5:4

May angken na kalipay alin ta Dyos mga ittaw na gangasebe anduni tak danen an lipayen ta Dyos.

Lucas 22:62

Pagdemdem Pedro, gagwa kanen i daw magal ta tudo ta pagnelsel.

Lucas 6:21

May angken na kalipay alin ta Dyos kyo yan na nletem anduni tak mabusog kaw. May angken na kalipay alin ta Dyos kyo yan na gaug-og anduni tak magtawa kaw.

Lucas 7:37

Naan ta yon man na banwa may bai na kanen an kala na makasasala. Namatian din na Jesus i gakaan naan ta balay ta Pariseo. Pagmati din, giling kanen dya na may dala na tise na tibod na buat alin ta bato na alabastro na may ugsak na maalen na paammot.

Lucas 7:39

Pariseo na gaimbitar ki Jesus, gagumod kanen an na nakita din pabuat ta bai ya. Ambal din ta iya na kaugalingen, “Daw matuod gid na ittaw na i prupita, inta nlaman din daw kino bai na gatandeg ki kanen. Inta nlaman din daw ino klasi na bai nan. Kanen an makasasala na bai!”

Juan 11:2

Maria i, kanen Maria na ta uryan magbubo ta paammot naan ta batiis Ginuo Jesus daw pairan din man ta iya na buok. Kanen man Maria na utod Lazaro ya na gamasakit.

Santiago 4:9

Tenged ta inyo na mga sala, dapat na mangasebe kaw gid na magal daw mag-ug-og. Untatan nyo inyo na pagtawa daw pangalipay. Dapat magal kaw daw dapat man na inyo an na nakem magbatyag ta kasakit.