2 Tesalonica 2:7 - Kagayanen

⁷ Anduni gapadayon pa Satanas ta pagbetang din naan ta isip ta mga ittaw na danen an magkuntra ta Dyos, piro pabuat din nang anay ta sikrito tak paryo ta paambal ko, may gapegeng ta ittaw an na malain gid ta tanan daw mintras dili pa kamangen gapegeng an ki kanen, dili din mabuat na magpakita kanen ta iya na kaugalingen.

2 Tesalonica 2:7 ပူးပေါင်းရင်းမြစ်များ

Mga Binuatan 20:29

Nlaman ko na daw kaalin aren, tama na mga manugtudlo miling naan ki kyo na ula kaluoy danen an na mangita ta paagi na kyo yan magtalikod ta inyo na pagtuo ki Jesus. Ta iling tan na buat danen ki kyo, danen an paryo mga mapintas na ayep na gapanekeb ta mga karniro.

2 Tesalonica 2:6

Nlaman nyo daw ino gapegeng ki kanen anduni aged dili magpakita asta mabot uras na patirmino ta Dyos.

1 Timoteo 3:16

Nlaman ta na makatingala gid kamatuuran an na papasugid ta Dyos parti ki Jesu-Cristo na ate na patuuan: Cristo an giling ta kalibutan i na natao daw gapamatuod Dyos Ispiritu Santo na Cristo an papadala ta Dyos. Nakita Cristo an ta mga angil daw kanen an pawali naan ta mga ittaw ta bilog na kalibutan daw patuuan kanen an ta tama na mga ittaw. Cristo an padala malik naan ta langit daw naan dya gadumala duma ta Dyos.

1 Juan 2:18

Mga pabilang ko na ake na mga bata, naan ki en ta katapusan na mga inadlaw. Ipademdem ko ki kyo ake na natudlo ki kyo na naan ta katapusan na mga inadlaw, may mabot na isya na paumaw na kuntra ki Cristo. Anduni gani, tama en na mga ittaw na gakuntra ta kamatuuran parti ki Cristo daw yon man tenaan na nlaman ta na naan ki en ta katapusan na mga inadlaw.

1 Juan 4:3

Piro, daw mag-ambal danen na dili matuod na Jesus giling ta kalibutan i na natao na isya na ittaw, ula naan ki danen Dyos Ispiritu Santo. Gasunod danen ta isip na iya ta isya na paumaw na kuntra ki Cristo. Namatian nyo en na kanen an na paumaw na kuntra ki Cristo mabot ta kalibutan i daw anduni tama en na mga paryo ki kanen na gakuntra ki Cristo.

Mga Papakita 17:5

Naan ta iya na takong may ngaran na nasulat na bellay maintindian daw ino beet ambalen. Nasulat dya, “Bantog na syudad na Babilonia. Inay ta tanan na mga gabligya ta iran na lawa. Alinan ta tanan na malaw-ay na mga buat naan ta kalibutan.”

Mga Papakita 17:7

Gainsa angil ki yaken, “Man-o tak gatingala ka? Sugiran ko kaon yan daw ino beet ambalen ta bai daw ta makaadlek na ayep na pasakayan din na may pitto na ulo daw sampulo na sungay.