2 Tesalonica 1:6 - Kagayanen

⁶ Mga ittaw an na gakuntra ki kyo, sigurado gid na danen an paagemen ta Dyos ta mga kabellay tak para ki kanen igo na silutan din mga ittaw na danen tenaan na naagian nyo mga kabellay.

2 Tesalonica 1:6 ပူးပေါင်းရင်းမြစ်များ

Colosas 3:25

Piro, daw magbuat kaw ta malain, sigurado gid na maageman nyo silot bisan ino pa inyo na katengdanan.

Hebreo 6:10

Tenged Dyos an matareng, dili din lipatan miad nyo an na mga buat daw inyo na paggugma ki kanen paagi ta inyo na pagtabang umpisa kan-o asta anduni man naan ta mga paryo nyo na mga ittaw na iya ta Dyos.

Mga Papakita 11:18

Sikad gid gilek mga ittaw na ula gakala ki kaon. Piro, abot en uras na ipakita no imo na kagilek. Abot en uras na ukuman no mga ittaw na napatay. Mag-atag ka ta dayad na bales naan ta mga gasirbi ki kaon na yon man mga manugsugid ta imo na kabebet-en, mga ittaw na imo gid daw tanan na mga ittaw na gataod ki kaon, mga kebes man daw mga may datas na katengdanan. Abot en uras na paagemen no ta segeng gid na silot tanan danen na gadala ta mga ittaw na magbuat ta malain na yon man tenaan na maageman danen segeng na silot na alin ki kaon.”

Mga Papakita 15:4

O Ginuo, tanan na mga ittaw magtaod daw magdayaw ki kaon tak kaon nang gid Dyos. Mga ittaw ta tanan na mga nasyon miling ki kaon daw simbaen ka danen tak nakita danen na igo tanan no na mga buat.”

Mga Papakita 18:20

“Gani, kyo tanan na naan ta langit, magkalipay kaw tenged nasamad en syudad ya. Kyo na mga ittaw na iya ta Dyos, mga apustulis daw mga manugsugid ta iya na kabebet-en, magkalipay kaw man tak nasintinsyaan din en daw nasilutan syudad ya tenged ta iran na mga buat na malain ki kyo.”

Mga Papakita 18:24

Danen gapatay ta mga manugsugid ta kabebet-en ta Dyos daw duma man na mga ittaw na iya ta Dyos. Manabat danen ta kamatayen ta tanan na mga ittaw na papatay naan ta bilog na kalibutan.”

Mga Papakita 19:2

Igo daw dapat nang gid iya na silot ta mga ittaw. Pasintinsyaan din daw pasilutan bantog na bai na gabligya ta iya na lawa. Bai an pasilutan ta Dyos tak gadala bai an ta mga ittaw ta kalibutan na magbuat ta malaw-ay na paryo ta iya na buat daw gapatay kanen an ta mga ittaw na gasirbi ta Dyos.”

Mga Papakita 6:10

Gasinggit danen an ta tudo, “Makagagaem na Ginuo, tanan no na buat igo daw tanan no na ambal matuod. Kabay na sintinsyaan no en daw silutan mga ittaw ta kalibutan na gapatay ki kami.”