1 Corinto 14:34 - Kagayanen

³⁴ Dayad daw naan ta pagtipon-tipon ta mga gatuo mga bai an mamati nang daw dili man sali ta insa. Dayad man daw magpaebes danen an paryo ta ambal naan ta mga sugo.

1 Corinto 14:34 ပူးပေါင်းရင်းမြစ်များ

1 Corinto 11:13

Isipen nyo daw dayad na magpangamuyo mga bai na ula danen tageb naan ta iran na ulo.

1 Corinto 11:3

Piro, liag ko man na maintindian nyo na umpisa ta una pa, iling ti en: Naan ki Cristo sakep mga mama an daw naan ta mga mama sakep mga bai an daw naan ta Dyos Amay sakep Cristo an.

1 Corinto 11:5

Piro, daw naan ta inyo na pagtipon mga bai ula tageb naan ta ulo mintras na magpangamuyo daw magsaysay ta mga papaintindi ta Dyos ki danen, papagayya danen mga mama an na iran na pasakepan. Pagayyaan man danen iran na kaugalingen na paryo gapakalbo danen an.

1 Corinto 14:21

tak naan ta sinulat na pulong ta Dyos may ambal kanen an na iling ti, “Mag-ambal a naan ta yi na mga ittaw paagi ta mga ittaw alin ta duma na mga lugar na mag-ambal ta lain-lain na mga linggwai. Piro, bisan mag-ambal a paagi ta mga ittaw na may lain-lain na mga linggwai, dili man gyapon danen magpati ki yaken.” Iling tan ambal ta Ginuo.

1 Corinto 14:35

Iling man tan, daw may insa danen an, dapat na magtagad nang anay asta na muli aged naan dya mag-insa danen ta mga mama naan ta iran na balay. Daw magtipon mga gatuo, makagayya mga bai an na gaisturbo.

Efeso 5:33

Piro, ambal ya parti man ta mga magsawa. Kada isya ki kyo na mga mama, gugmaen nyo sawa nyo an paryo ta inyo na kaugalingen. Kyo man na mga bai, dapat tauron nyo inyo an na sawa.

Colosas 3:18

Kyo na mga bai na may sawa, magpasakep kaw naan ta inyo na sawa tak iling tan na buat igo ta mga ittaw na sakep ta Ginuo.

Tito 2:5

magpegeng ta iran na kaugalingen, dili magbuat ta bisan ino na may masaway ki danen, mag-asikaso ta usto ta iran na pamilya, magbuat ta mga miad naan ta duma daw magpasakep naan ta iran na sawa. Dapat na dayad iran na batasan aged ula may mag-ambal ta malain kuntra ta miad na balita na alin ta Dyos.