Titas 3:3 - Caekäcai Kangthae (Lemi)

³ Mä-ai la jangni-a lä kaerö te hai älo aetängai vai y saite na by vi. Tukha khimi ce lä mä-ai tea lolang tämang hai ö te vi. Mä-ai lä jangni-a ngaiphi tüng y saite cawngkhang na mang-a hui hethang aepä-üng haw ö y. Mä-ai lä kawng saite hai bädö saite amäjy angxynlyng na tea mawsawng na lawng te vi dy. Mä-ai lä kätü qütä käsi sa kha khimi ce tea pä-e ö te vi. Khimi ce lä mä-ai tea esäre kha mä-ai la äni ce tea esäre ö tyng te by vi dy.

Asang Khongso New Testament

³ Kawmawtiah zanghnii ah loa aicae doeh amthu o, lok tahngai o ai moa lam tahmang o. Takngan huedoenghaih hoi nawmhaih cungri ih misong ah aicae mah oh o. Aicae ih hinghaih hae uthaih hoi khithaih iah aicae mah patoh o; aicae hae minawk mah ang hnukmaa o moa anihcae to aicae mah hnukmaa o toengh.

Titas 3:3 ပူးပေါင်းရင်းမြစ်များ

Mathai 21:29

Äcäpaw kälengky ma ‘Kai ngai y’ näkha näpa. Tungaila kangkhüng mang-a bälung aedawng haile tyng kha ly pa dy.

Luka 21:8

Tukha Isu ma äni ce tea “Nang ce tea khimi ce ma kaeling kaemae sa y hethang kähawi-a kheng ö rüng. Ätephüng-a mei nädylä khimi ce ma ‘Kai lä Mesia dy’ näkha thui ö vi ai. Y dylä ‘Mesia tyng hethang kätü lä aenai dy’ näkha äni ce thui ö be ai rawng. Tungaila äni ce tea nang ce lä yng ö hang.

Johan 8:34

Isu ma “Tängai ö, hunghö sa saite na lä hunghö üng mawsawng tangnae na vi dy.

Pawlae ma Rom märü üng kangkawng tähang tärü saite cae 11:30

Ceng kälang nang ce lä angcü üng hai Säthaw üng lo tea tängai ö y. Tungaila vaihi Judae khimi na lä älo tängai ö y te phüng-a, Säthaw lä nang ce tea bäheng te vi.

Pawlae ma Rom märü üng kangkawng tähang tärü saite cae 6:12

Tukätephüng-a nang ce üng dü haw saite ätabung tea lä hunghö tea pyng hai ö hang. Nang ce üng ngaiphi tüng y saite na tea lä hui ö hang.

Pawlae ma Rom märü üng kangkawng tähang tärü saite cae 6:17

Jangni-a nang ce lä hunghö üng mawsawng na lawng vai ngaila, vaihi lä nang ce dang te mätu saite tea bälung mäke hai tängai ö te vi dy. Tukätephüng-a mä-ai lä Säthaw tea kawng te lo thui ö si.

Pawlae ma Rom märü üng kangkawng tähang tärü saite cae 6:22

Tungaila vaihi nang ce lä hunghö üng pyng saite thung üng aelawi kha Säthaw üng mawsawng na-a lawng ö te vi. Nang ce üng dang saite ävang lä Säthaw ma nang ce tea cai hai kha honi pyng-a lä dungtäsa hing saite py te vi.

Pawlae ma Rom märü üng kangkawng tähang tärü saite cae 6:6

Jangni-a Säthaw bung mäny y saite mä-ai lä Khrista hai mangtä thinglang qawng-a dü ö te vi dy näkha mäny ö te vi. Honi kätyng Säthaw lä mä-ai üng hunghö sa hethang ngai saite bälung tea täphra pa vi dy. Tukha mä-ai lä hunghö üng mawsawng na lawng ö y vi dy.

2 Korin 12:20

Kai tyng te kätü-a, nang ce üng awng saite na tea kai lä bälung kawng te y näkha kai lä bälung mawng te vi. Nang ce la kai awng saite hai bälung kawng ö y by vi ai näte kai lä bälung mawng te vi. Kai lä nang ce säla-a aejaw aemang saite, pä-e saite, kädawtho saite, ae-aw saite, käsi prawng saite, khimi phüng aeqa saite, bälungleng saite hai xhuxa saite na tea aeting ai näte bälung mawng te vi.

Galati 6:3

Khimi lawngtä lä aely leng y ea ma, äma tea aely lengky-a aekhai dylä, äma tea kaeling aesa raw te kae vi.

Kolosa 1:21

Jangni-a nang ce üng hawi y saite bälung mäke phüng-a, Säthaw hai hanglaw saite mityng-a awng ea lä äni üng täre na lawng ö vi dy.

Kolosa 3:7

Jangni-a nang ce lä honi hawi y saite lang mang-a hui kha awng vävawi ö te vi dy. Khrista tea yng y te kälang-a lä, honi käsi na thung-a nang ma ce ma awng vai ö te vi dy.

2 Timote 3:13

Käsi sa te hai kaeling sa te khimi na lä sa tämang ö rae ai mang. Äni ce lä khimi ce tea kaeling sa te kätyng khimi kälang na ma la äni ce tea kaeling sa ö by ai.

2 Timote 3:6

Honi khimi thung üng phütä lä khimi kälang na ma äni ce bung ingthung-a kung hai hethang kaeling sa ö vi. Honi ingthung-a awng saite aethawdi te nawngmädi na tea kaesyng y mätu saite mang-a hui hai hethang bärawi bäleng ö te vi. Honi nawngmädi na lä hunghö sa te phüng-a äma ce lä kähawi y sa te tea aedawng ö tütü te vi dy. Tukha äni ce lä ngaiphi tüng y saite angxynlyng na mang-a hui ö vi dy.

Titas 1:16

Äni ce lä täbawng mang Säthaw tea mäny vi näkha thui ngaila aeme aeqa saite hai lä Äni tea aephae ö te vi. Äni ce lä känyng hethang hawi saite na hai kähawi sakaw y saite na kae vi.

Titas 2:12

Säthaw lä tähang kähawi hai-a, mä-ai tea äma üng kängai y-a aeme aeqa saite na khai sö hethang mätu te vi. Säthaw bung mäny y saite khimi na üng ngaiphi tüng y saite na tea hui y hethang mä-ai lä aetu ö te vi. Hini älawng qawng-a awng te kätü-a, mä-ai tea aeküng kha cüng saite hai Säthaw üng kängai-a hing hethang la aetu ö te vi.

Jako 1:26

Khimi lawngtä lä Säthaw tea yng te kätyng sa saite tea dawng kha äma üng täbawng tea aeküng y dylä, äni lä äma tea kaeling kaemae sa te vi. Äni üng sa saite lä Säthaw üng maw-a ävang ting y.

1 Piter 1:14

Nang ce lä älo tängai saite Säthaw üng caw nade na kätyng hing hethang kae. Vaihi nang ce lä nang ma ce üng ngaiphi tüng y saite bälung kätyng hui ö hang. Honi lä Säthaw bung nang ce mäny y te kätü-a, sa saite kae.

Lokphong 12:9

Setan angra näsaite Näka käleng lä cangkhawng üng bärui hai äma üng kangby jä-ai na lawng vai saite Känipre angtawtha na bung lä mangtä Säthaw ma älawng qawng-a käde phae pa ö vi dy. Äni lä älawngpre angxynlyng-a awng saite khimi na tea kaeling kaemae sa vi dy.

Lokphong 13:14

Äni lä mawikäsi angcü üng tähang sa saite cangxei te na hai-a älawng qawng üng khimi angxynlyng na tea kaeling kaemae sa te vi. Aekei hai tämaw dang ngaila dü y käla hing saite honi mawikäsi tea tämö khai hai hethang khimi ce tea äni üng mimi sa hai pa te vi dy.

Lokphong 18:2

Äni lä ätüng käleng hai, “Babilon märü käleng lä aene vi dy. Babilon märü Käleng lä aene vi dy. Honi märü-a angra na, khönan na hai känyng he hawi saite angxynlyng na awng vi. Kädü kärawng ngang na ca saite tävaw na üng mityng vi dy.