Titas 3:2 - Caekäcai Kangthae (Lemi)

² Khimi ce phüng käsi thui y hethang äni ce tea thui pa. Äni ce lä khimi qütä tea aede te hai bälung mitang-a aemäneng te hai bälung kähawi-a awng hethang kae.

Asang Khongso New Testament

² Mi ih sethaih to thui o hmah, to-e longto hoi longto angdaeh amlung o aloa ampui batiah om oah, mi boih khaeah tuinom hoihhaih to amtuengsak o toemoe ah, tiah thui pae oah.

Titas 3:2 ပူးပေါင်းရင်းမြစ်များ

Mathai 11:29

Kai üng müngkäli phaw kha älo tängai kha kai üng äkähui-a aelawng ö. Kai lä änawngsa te hai bälung aemäneng saite vi. Tudylä nang üng bälung aehae saite dang tätang vi ai.

Angtawtha 23:5

Pawlae ma “Kangby jä-ai na ä, äni lä Mäthykung Kälengky näte kai lä mäny y. Caekäcai thung-a lä ‘Nang üng äceng na bung pyng saite kung tea lä käsi thui hang’ näkha näte vi” näpa.

1 Korin 9:19

Kai lä khimi kaelawi lawngtä vi. Kai lä ämi üng mawsawng tangnae la y. Tungaila khimi awng mang saite na Khrista tea yng hai hethang kai lä khimi qütä üng mawsawng tangnae kätyng lawng te vi.

2 Korin 10:1

Kai, Pawlae, lä Khrista üng bälung aemäneng kha äkäneng awng saite hai-a nang ce tea thui hethang ngai te vi. Khimi phütä ma, kai lä nang ce hai aeting te kätü-a, äkäneng-a awng ngaila, hanglaw-a awng te kätü-a lä nang ce tea pring vawng vi näkha kai üng phüng thui ö te vi.

2 Korin 12:20

Kai tyng te kätü-a, nang ce üng awng saite na tea kai lä bälung kawng te y näkha kai lä bälung mawng te vi. Nang ce la kai awng saite hai bälung kawng ö y by vi ai näte kai lä bälung mawng te vi. Kai lä nang ce säla-a aejaw aemang saite, pä-e saite, kädawtho saite, ae-aw saite, käsi prawng saite, khimi phüng aeqa saite, bälungleng saite hai xhuxa saite na tea aeting ai näte bälung mawng te vi.

Galati 5:22

Muilaw Käcai ma mä-ai tea pyng dylä, äni ma mä-ai tea sa hai saite na lä: bälung aevaw saite, anghawtho saite, awngneng saite, änawngsa saite, bäsai y saite, kähawi sa saite, ae-y nae hawi saite, älo käneng aepe saite, mä-ai ma tea aeküng haw saite na vi. Honi na tea lä Mosi üng Ubädi la elekhei sa y lyng.

Galati 6:1

Yng saite kangby jä-ai na ä, khimi lawngtä hunghö sa saite tea nang ce thung üng lawngtä ma nung dylä, Muilaw Käcai hai-a yng ca saite nang ce lä äni tea älang kätüng mang-a bähawi haile tyng pa ba. Äni tea lä älo käneng hai säbawng haile tyng hethang kae. Nang ce la nang ma ce ma hunghö sa y hethang sädi khai ö ba.

Galati 6:10

Tukätephüng-a mä-ai lä sa haw saite kätü-a, khimi angxynlyng na tähang-a kähawi sa ö si. Mä-ai üng yng saite kangby jä-ai na tähang la kähawi sa pa hethang lä aely lengky te vi.

Ephesi 4:2

Nang ce lä kätü qütä-a bälung aemäneng kha äkäneng-a awng ö. Änawngsa te hai lawng lawngtä tea bälung aevaw te hai khung kha awng ö jaw jaw ba.

Ephesi 4:31

Nang ce lä bälung thung-a khai khü te käsi dawng saite na, kädaw rae saite angxynlyng na hai, kädawtho saite, aejaw aemang saite, khimi ce phüng aeqa saite na hai esäre saite angxynlyng na tea lä khaisö ö lawi.

Filipi 4:5

Nang ce üng bälung käneng tea khimi angxynlyng na maw-a mätü ö. Areng ly haile he kätü lä aenai dy.

1 Thesalon 2:7

Honi jüng-a nang ce hai mangtä kai ce lä awng te kätü-a, äcaw na tea änä-awi ma rui te kätyng lä nang ce tea bälung äkäneng hai kai ce lä rui ö te by vi dy.

1 Timote 3:11

Honi kätyng-a mätawngky na üng änawngpui na lä khimi ce ma tämö khai saite nawngmädi na lawng ö hethang kae. Khimi ce phüng käsi thui rungrang hethang kae y. Äni ce lä äma ce tea aeküng hethang kae. Kätü qütä khimi ce üng ae-y nae hawi saite nawngmädi na lawng ö hethang kae.

1 Timote 3:3

Äni lä Cäpje tui neipro hethang kae y. Aejaw aemang rungrang hethang y käla bälung kähawi awng te hai awng pü he kae. Tangkae tea ngai ngae he kae y.

Jako 3:17

Tungaila Säthaw te üng tho saite bälung kähae lä angcüky-a cai te vi. Honi lä awngneng saite, bälung hawi saite, khimi kälang na tähang aedawng kaw pa saite, bäheng saite hai kälu kähawi sa saite na vi. Honi lä khimi ce üng mimai kheng te hai käjüng sa te awng y.

Jako 4:11

Yng saite kangby jä-ai na ä, lawng lawngtä üng phüng aeqa ö hang. Äma üng kangby jä-ai na phüng aeqa saite, y dylä tärae cei saite khimi lä Säthaw üng Ubädi phüng tea aeqa kha tärae cei saite khimi-a lawng te vi dy. Nang ce ma Ubädi tea tärae cei dylä, Ubädi tea tängai ö y te vi dy. Nang ce lä Ubädi tea tärae cei saite khimi na-a lawng ö te vi dy.

1 Piter 2:1

Nang ma ce üng käsi sa saite angxynlyng na, kaeling kaemae sa saite, käjüng aesa saite, pä-e saite hai khimi ce phüng käsi prawng saite angxynlyng na tea lä khaisö ö lawi.

1 Piter 3:10

Caekäcai thung-a, “Nang ce lä hini älawngpre-a kähawi-a awng hethang ngai kha kawng hethang ngai ö dylä, käsi thui kha kaeling kaemae na sa hethang kae y.

1 Piter 3:8

Kangkhüng-a, kai thui hethang ngai te lä, nang ce lä bälung kaedawng mangtä awng kha aebäheng tingtawi ö lawi. Lawng lawngtä tea Khristen äpy na kätyng bälung aevaw ö. Aebäheng kha aemäneng saite bälung na awng ö ba.

1 Piter 4:4

Nang ce lä vaihi kähawi-a hing y kha Säthaw bung mäny y saite khimi na hai vaihi aesätawng y te phüng-a, äni ce lä cangxei ö te vi dy. Tukätephüng-a äni ce lä nang ce tea käsi prawng ö te vi.

2 Piter 2:10

Äma ce üng ngaiphi tüng y saite mang-a hui saite na hai Säthaw üng aenae tea mäthi y saite na tea Äni lä tengxyng y dengpy khaw vi ai. Käjüng sa saite särae na lä ri y käla aethaw ö te vi. Äni ce lä Känipre üng phung-ang awng saite na tea mäteng ma mäthi y käla käsi thui vawng ö te vi.

Judae 1:10

Tungaila hini kätüng y mätu saite na lä äma ce mänykaw y saite angxynlyng na tea käsi prawng ö vi. Äni ce lä tawngbawi käpryng na kätyng-a äma ce üng aedawng kaw y käla mäny saite honi na sa te phüng-a Säthaw ma äni ce tea täphra pa te vi.

Judae 1:8

Hini kätyng-a kätüng y mätu saite särae na lä äsämai dang vi näkha äma ce üng ätabung tea hunghö sa hai kha äma ce tea pawprae hai ö te vi. Säthaw üng aenae tea elekhei sa kha Känipre-a phung-ang awng saite na tea äni ce lä käsi prawng ö vi.