Titas 2:12 - Caekäcai Kangthae (Lemi)

¹² Säthaw lä tähang kähawi hai-a, mä-ai tea äma üng kängai y-a aeme aeqa saite na khai sö hethang mätu te vi. Säthaw bung mäny y saite khimi na üng ngaiphi tüng y saite na tea hui y hethang mä-ai lä aetu ö te vi. Hini älawng qawng-a awng te kätü-a, mä-ai tea aeküng kha cüng saite hai Säthaw üng kängai-a hing hethang la aetu ö te vi.

Asang Khongso New Testament

¹² Ato tahmenhaih mah Sithaw tiadoeh sah aiah hinghaih hoi longnui vawnsai koehhaih hmoek ih to vah ving moa aimah hoi aimah ang ukhaih, toenghaih hoi hi longnui ah Sithaw palung angaihhaih batiah hing hanah aicae hae ang thuihtaek.

Titas 2:12 ပူးပေါင်းရင်းမြစ်များ

Mathai 12:32

Khimi ce ma Kai, Khimi üng Cäpaw tea käsi prawng te lä Säthaw lä bälawi haw vi ai. Tungaila khimi lawngtä ma Muilaw Käcai tea käsi prawng dylä, Säthaw lä manila vaihi üng hai vaimaw mang-a la hunghö bälawi haw y dy.

Mathai 16:24

Tupyng-a Isu ma äkähui na tea “Khimi lawngtä kai leithung hui hethang ngai dylä, äma üng kängai sai na khaisö kha dü hethang aerü rüng ea äma üng thinglang aepö kha kai leithung hui he kae.

Mathai 28:20

Kai ma nang ce tea thui saite särilo tängai hethang äni ce tea mätu haile pa ö. Tängai ö. Kai lä älawngpre teng te khytä nang ce hai mangtä awng jawjaw vi ai” näkha näpa.

Luka 1:6

Änini lawng netä lä Säthaw maw-a käcüngky-a awng hawi te vi. Areng üng täru saite älo na la tängai hawi bärai te vi.

Johan 14:30

Älawngpre bung pyng saite Setan angra lä, ly sälö te phüng-a, Kai lä nang ce hai älo awng mang-a aepe haw y ai dy. Äni lä kai tea bäja haw y lyng.

Johan 6:25

Tuilipui rei mang-a Isu hai aeting ea khimipui na ma “Särae ä, nang lä mata kätü-a hini mityng-a tyng te mei” näkha düng pa dy.

Angtawtha 24:16

Tukätephüng-a kai lä Säthaw hai khimi ce maw-a, bälung käcai-a awng hethang käni qütä aethaw aesa kha awng te vi.

Angtawtha 24:25

Tungaila Pawlae lä Säthaw maw-a, käcüng saite phüng hai, bälung üng kängai saite aeküng hethang phüng hai, Säthaw ma tärae cei te kätü tyng hethang phüng na thui pa ea lä aecörae mätawngky Feli lä ri phi vi dy. Äni ma, “Vaihi nang lä ly haw dy. Kai ma aevaw saite käni-a nang bung ka haile ai mang ba” näpa.

Pawlae ma Rom märü üng kangkawng tähang tärü saite cae 12:2

Nang ce lä hini älawngpre-a awng saite khimi üng reitae kätyng hing jawjaw ö hang. Nang ce lä mä-ai ma üng bälung kaedawng tea Säthaw ma mäqa king te hai-a äni ce ma nang ce tea kangthae lawng hai sy. Hokä dylä hawi saite na, Areng üng bälung-a kawng hai saite na näte Säthaw üng cungrü saite aely kängai lä mani mei näte tea nang ce lä mäny haw ö vi ai.

Pawlae ma Rom märü üng kangkawng tähang tärü saite cae 6:12

Tukätephüng-a nang ce üng dü haw saite ätabung tea lä hunghö tea pyng hai ö hang. Nang ce üng ngaiphi tüng y saite na tea lä hui ö hang.

Pawlae ma Rom märü üng kangkawng tähang tärü saite cae 6:19

Nang ce lä Säthaw üng phüng mäny y saite na awng mang te phüng-a khimi ce üng thaikaw saite lo hai kai lä thui ai. Jangni-a nang ce lä käsi na hai cai y saite na üng mawsawng na kätyng ae-a vai te phüng-a, hunghö sa rae sa rae ö te vi dy. Honi kätyng vaihi nang ce lä cüng saite üng mawsawng na lawng hethang nang ma ce bung Säthaw tea ae-a kha cai rae cai rae hethang kae.

Pawlae ma Rom märü üng kangkawng tähang tärü saite cae 8:13

Nang ce üng ngaiphi tüng y saite ma thui te kätyng hing dylä, dü ö vi ai. Tungaila Muilaw Käcai hai-a nang ce üng hunghö hai aesui saite kälu tea mänawng king dylä hing ö ai.

2 Korin 1:12

Kai ce lä hini phüng aethaw ö te vi. Hini älawngpre-a Säthaw ma py saite käcai hai tüng saite na kai ce lä awng näte kai ma ce üng käsi kähawi sa saite bälung ma thui te vi dy. Nang ce hai mangtä awng khaw te thüng-a ämi lawngtä ma la cy haw y hethang kai ce lä sädi khai ö te vi. Tungaila kai ce lä hini tea khimi ce üng bälunghae saite hai-a sa ö te y. Säthaw üng tähang kähawi hai-a sa ö te vi dy.

2 Korin 7:1

Kangby jä-ai na ä, Säthaw üng hini aedo saite na lä mä-ai tähang vi te phüng-a, mä-ai ma tea ätabung hai bälung üng ngaiphi tüng y saite angxynlyng na tea lä aemäcai pang ö si. Mä-ai lä Säthaw tea ri kha tämö khai saite hai-a käcai ping-a awng ö si.

Galati 1:4

Mä-ai üng Pä-ai Säthaw aely kängai-a mä-ai üng hunghö sa te phüng-a, Isu Khrista lä dü pa te vi dy. Hini hai-a käsi kaedawng saite hai kähawi y sa saite khimi na kätyng awng y hethang äni lä mä-ai bung aeqang te vi.

Galati 5:24

Isu Khrista hai aesui saite na lä äma ce üng ngaiphi tüng y saite bälung na tea thinglang qawng-a täheng te by vi dy. Tukätephüng-a äni ce üng ngaiphi tüng y saite lä äni ce tea pyng haw y dy.

Ephesi 1:4

Hini khölawng pre sa y te kälang üng hai ma mä-ai bung lä Khrista phüng-a re pyng te vi dy. Mä-ai bung lä äni üng maw-a caiping kha cy haw y hethang re te vi dy. Säthaw lä mä-ai tea bälung aevaw kha Isu Khrista ma sa pa saite hai-a äma üng caw nade na kätyng bälawng hai hethang aedawng rüng te vi dy. Säthaw ma hikä sa te lä äma kawng hethang äma üng aely kängai vi.

Ephesi 2:2

Nang ce lä hini älawngpre üng khimi na kätyng hunghö sa ö te vi dy. Khösang-a awng kha haidae awng te angra na bung pyng saite Setan angra tea hui ö vi dy. Hini Setan angra lä Säthaw lo tängai y saite khimi na bung hawi y saite mang-a bähawi jawjaw vi.

Kolosa 1:22

Tungaila vaihi Säthaw üng Cäpaw lä khimi-a aelawng kha dü te hai-a nang ce lä Säthaw hai aede haile tyng vi dy. Ätephüng-a Säthaw ma hikä sa te mei nädylä nang ce bung äma maw-a ka te thüng-a, nang ce lä caiping ea hunghö awng y, sa tämang y saite thung-a awng haw hethang tähang vi.

1 Thesalon 4:7

Säthaw lä känyng he kähawi-a hing hai hethang mä-ai bung ka te y. Käcai ping-a hing hethang ka te vi dy.

1 Thesalon 4:9

Nang ma ce tingtawi bälung aevaw ö qi hethang phüng lä tärü he ngai näpi y dy. Lawng lawngtä tea bälung aevaw hethang kae näsaite lä Säthaw khekhe ma nang ce tea mätu pyng te vi dy.

1 Timote 4:12

Nang lä khösäning na te phüng-a, ämi ma la mäthi y te awng hang sy ba. Nang lä älo aepe saite, hing saite, khimi kälang na tea bälung aevaw saite, yng saite, sa tämang y käla awng saite hai yng saite khimi na tähang aetu hai nae lawng sy ba.

1 Timote 6:17

Vaini älawngpre-a tawngnang saite khimi na tea bälung leng y hethang särilo hai thui pa. Äni ce lä äma ce üng tangkae na qawng-a ae-y y hethang thui pa. Tangkae lä la dawde haw te phüng-a vi. Honi jüng-a äni ce lä Säthaw tea ae-y hethang kae. Äni lä mä-ai kawng hethang angxynlyng na mäsai y käla, awngmang-a py te vi.

1 Timote 6:9

Tawngnang hethang ngai saite khimi na tea Setan lä hunghö sa hethang the pa vi. Äni ce lä kangthö na üng kängai hai ae-aw saite bälung phüng-a, mä-ai ma tea mätang bälai te hai Säthaw lä äni ce tea deng py vi ai.

2 Timote 3:12

Tätang khaw-a thui si nädylä, Isu Khrista hai bungtä awng te hai-a Säthaw üng bälung kängai-a sa saite khimi qütä lä sakälö khü saite aeting khaw ai.

2 Timote 4:10

Dema lä hini älawngpre-a awng saite cawngkhang na tea bälung aevaw te phüng-a, kai bung khaisö kha Thesalonika märü-a ly ja vi dy. Kriski lä Kalatia khö-a ly kha Tita lä Dalamatia khö-a ly vi dy.

Titas 3:3

Mä-ai la jangni-a lä kaerö te hai älo aetängai vai y saite na by vi. Tukha khimi ce lä mä-ai tea lolang tämang hai ö te vi. Mä-ai lä jangni-a ngaiphi tüng y saite cawngkhang na mang-a hui hethang aepä-üng haw ö y. Mä-ai lä kawng saite hai bädö saite amäjy angxynlyng na tea mawsawng na lawng te vi dy. Mä-ai lä kätü qütä käsi sa kha khimi ce tea pä-e ö te vi. Khimi ce lä mä-ai tea esäre kha mä-ai la äni ce tea esäre ö tyng te by vi dy.

Hebrai 8:11

Khimi lawngtä lä äma üng kangby jä-ai na hai äma üng äma üng särawng dawngpa na tea, “Areng bung mäny ö lawi” näkha mätu hethang ngai y dy lyng. Tukha äni ce angxynlyng lä aely cäpiky üng hai kälengky saite khimi na khytä kai bung mäny ö bawi ai.

Jako 1:27

Mä-ai üng Pä-ai Säthaw ngai saite kälu na lä mätang bälai saite ruicaw na hai nawngmädi lömai na tea säbawng hethang vi. Tukha hini älawngpre khimi na üng käsi sa saite hai-a, nang ce lä pawprae y hethang aethawsa ö.

2 Piter 2:9

Säthaw lä äma üng lo tängai saite na üng bälung mätang bälai te thung üng aeqang hethang mäny jawjaw te vi. Äni lä älo tängai y saite khimi na bung kangkhüng üng tärae cei saite käni tyng te khytä dengpy jawjaw pa vi ai.

2 Piter 3:11

Hini kätyng ätete angxynlyng lä pra king vi ai te phüng-a, nang ce lä ätemakä sa kha awng hethang kae ö te mei. Nang ce üng hing saite angxynlyng lä cai kha Säthaw tea kawng hai hethang kae.

1 Johan 2:27

Nang ce tea lä Khrista ma Muilaw Käcai py te vi dy. Honi Muilaw Käcai lä nang ce üng bälung thung-a awng jawjaw ö te vi. Tukätephüng-a nang ce tea lä lo mitang phüng khimi kälang na ma mätu hethang ngai y dy lyng. Muilaw Käcai ma nang ce tea angxynlyng phüng na mätu te vi dy. Äni üng mätu saite na lä mitang khaw te vi. Kaeling kaemae thui te y lyng. Muilaw Käcai üng mätu saite nang ce lä tängai kha Khrista hai bungtä awng ö lawi.

1 Johan 2:6

Mä-ai lä Säthaw hai bungtä awng dylä Isu Khrista kätyng awng hethang kae.

1 Johan 5:19

Mä-ai lä Säthaw üng caw nade na vi näte hini älawngpre üng khimi angxynlyng na tea Setan ma pyng ngaila mäny ö te vi.

Judae 1:18

Äni ce ma, “Kangkhüng üng käni-a lä Säthaw üng kängai y käla äma ce üng ngaiphi tüng y saite kätyng hui saite, aenui aepai hai thui saite khimi na lä nang ce tea tho ö vi ai” näkha thui pa.

Lokphong 14:12

Tukätephüng-a Isu tea yng khü kha Säthaw üng Ubädi na tea tängai saite Äma üng khimi käcai na lä änawngsa te hai khung ö hethang kae.