Titas 2:11 - Caekäcai Kangthae (Lemi)

¹¹ Ätephüng-a mei nädylä Säthaw lä khimi angxynlyng na bung aeqang hethang äma üng tähang kähawi aetüng hai pa pyng te vi dy.

Asang Khongso New Testament

¹¹ Kawmawtiah Sithaw mah kami boih pahlong hanah tahmenhaih to amtuengsak boah.

Titas 2:11 ပူးပေါင်းရင်းမြစ်များ

Mathai 28:19

Tukätephüng-a nang ce lä ly ö kha pre angxynlyng na üng khimi na bung kai üng äkähui-a aelawng hai ö. Äni ce tea Pä-ai, Cäpaw hai Muilaw Käcai ämüng hai-a baptismae py pa ö.

Marka 16:15

Isu ma äni ce tea “Nang ce lä älawngpre qütä-a ly kha khimi angxynlyng na tea Angthang Kähawi thui ö.

Luka 24:47

Hini angthang lä Mesia üng aenae hai-a pre qütä awng saite khimi na tea thui ai. Ae-ui saite khimi na tea lä Säthaw ma hunghö bälawi pa vi ai. Äni ce lä hini angthang tea Jerusalem märü üng hai aetawng kha thui ö vi ai.

Luka 3:6

Tukha khimi angxynlyng na ma Säthaw lä khimi ce bung aeqang saite nung ö vi ai” näkha näpa.

Johan 1:14

Älo lä khimi-a aelawng kha kai ce tea bälung aevaw te hai Säthaw üng bälung kähawi mitang khü-a mätü ea mä-ai hai mangtä awng. Kai ce lä äni üng phung-ang nung ö dy. Hini phung-ang lä Pä-ai Säthaw ma Cäpaw lawngtä xyng tea py saite phung-ang vi.

Johan 1:9

Kaevang tätang lä älawngpre-a ly kha khimi angxynlyng na qawng-a aevang dy.

Angtawtha 11:23

Äni lä honi märü-a tyng ea Säthaw üng tähang kähawi nung te kätü-a lä, anghawtho vi dy. Äni lä Areng Isu tea bälung mitang hai yng jawjaw hethang mätu pa vi dy.

Angtawtha 13:43

Judae na üng ingkäcai üng mätawngky na ma khimi ce bung vawi hai te kätü-a, Judae khimi na hai Judae na üng Säthaw tea cäphaw saite khimi na lä Pawlae ni Banaba leithung hui pa ö vi dy. Pawlae ni Banaba lä äni ce hai älo aepe kha Säthaw üng tähang kähawi phüng thui ea yng jawjaw hethang aethaw py pa hawi dy.

Angtawtha 13:47

Säthaw ma kai ni tea hini kätyng täru vi. ‘Nang ni ceng kälang ce tea ly kha kaevang mätü hethang nang ni bung mätaw te vi. Älawngpre angxynlyng-a awng saite khimi na tea äni ma aeqang te dang hai ai näte nang ce ma thui he kae’” näpa.

Angtawtha 17:30

Jangni-a khimi ce ma Säthaw bung mäny y ngaila äni lä bälung käsa hai awng te vi. Vaihi lä mityng qütä-a khimi ce aedawng mäkhüng hethang hai, äni tea aekö haile tyng hai hethang äni lä losai py te vi.

Angtawtha 20:24

Kai lä dü ea la, hing ea la, kai tähang aely leng y lyng. Tungaila Areng Isu ma sa hai hethang kai tea py saite kälu khüng haw hethang sa saite lä aely lengky te vi. Honi kälu lä, Säthaw üng tähang kähawi phüng-a, Angthang Kähawi thui hethang vi.

Pawlae ma Rom märü üng kangkawng tähang tärü saite cae 10:18

Tungaila khimi ce lä Angthang Kähawi tea thai y näte tätang vi mei näkha kai lä düng te vi. Äni ce lä thai ö tätang vi dy. Caekäcai thung-a, “Angthang Kähawi thui saite na üng ätüng lä älawngpre-a awng saite khimi angxynlyng na tea tyng vi dy” nä vi.

Pawlae ma Rom märü üng kangkawng tähang tärü saite cae 5:15

Tungaila Säthaw üng lasawng hai Adam üng hunghö sa te lä tengxyng y lang kyng te vi. Adam näsaite khimi lawngtä üng hunghö sa te phüng-a, khimi awng mang saite na lä dü hethang kae näte lä tätang khaw vi. Tungaila Säthaw üng tähang kähawi lä lengky kha khimi awng mang saite na tea tyng saite lasawng lä lengky te by vi. Säthaw üng lasawng lä Isu Khrista näsaite lawngtä üng tähang kähawi hai-a tyng pa te vi.

Pawlae ma Rom märü üng kangkawng tähang tärü saite cae 5:2

Mä-ai üng Isu Khrista tea yng saite hai-a Säthaw üng tähang kähawi lä mä-ai tea vaihi dang kha tähang kähawi thung-a hing ö te vi dy. Mä-ai lä Säthaw üng tähang kähawi hai-a hing ö te vi. Mä-ai lä Säthaw üng phung-ang thung-a qa hethang aethang khai saite phüng-a anghawtho ö te vi.

2 Korin 6:1

Kai ce lä nang ce hai Säthaw üng kälu mangtä sa saite kängby jä-ai na lawng te phüng-a, nang ce tea mäci he ngai ö te vi. Säthaw ma nang ce angxynlyng tea tähang kähawi py vi dy. Tukätephüng-a Säthaw üng tähang kähawi tea aetütü-a lawng hai hethang lä sa ö hang.

Galati 2:21

Säthaw üng tähang kähawi tea kai lä khaisö haw y lyng. Ubädi tea hui te phüng-a Säthaw ma kai tea khimi käcüng-a khai dylä, Khrista üng dü pa saite lä aetütü kae vi dy.

Ephesi 2:5

Tudylä mä-ai lä Säthaw üng lo tängai y te phüng-a dü saite khimi na kätyng awng te kätü-a, äni ma mä-ai bung lä Khrista hai mangtä hing hai te vi dy. Säthaw lä tähang kähawi hai-a nang ce bung aeqang te vi dy.

Ephesi 2:8

Khrista tea yng te phüng-a äma üng bäheng saite hai-a, Säthaw ma nang ce bung aeqang vi dy. Nang ce üng aethawsa saite phüng-a, äni lä nang ce bung aeqang te y. Äni lä nang ce bung äjawng-a aeqang te vi.

Kolosa 1:23

Nang ce lä Angthang Kähawi tea yng jawjaw kha khimi käcüng-a lawng ö hethang kae. Angthang Kähawi thai ea dang saite aethang khai te üng nang ce lä aemäqaja hethang kae ö te y. Nang ce thai pyng saite hini Angthang Kähawi lä älawngpre mityng qütä awng saite khimi na tea thui pa ö. Kai, Pawlae, lä honi Angthang Kähawi üng mawsawng lawng te vi dy.

Kolosa 1:6

Nang ce tea tyng saite Angthang Kähawi lä älawngpre-a awng te mityng qütä, aethang hai dü vi dy. Nang ce lä honi Angthang Kähawi thai angcü kha Säthaw üng tähang kähawi tea mäny te üng hai ma dang te kätyng, mityng qütä awng saite khimi na la dang ö tyng by vi dy.

2 Thesalon 2:16

Mä-ai üng Areng Isu Khrista hai Pä-ai Säthaw ma mä-ai tea bälung aevaw kha tähang kähawi hai-a, dungtäsa aethaw dang saite hai aethang khai saite py te vi. Mä-ai üng Pä-ai Säthaw lä nang ce üng bälung na tea aethaw py kha hawi saite angxynlyng na thui hethang hai, kälu sa khü jawjaw ö hethang säbawng sy.

1 Timote 1:14

Mä-ai üng Areng lä kai tea tengxyng y tähang kähawi py te vi dy. Kai la äni tea yng kha khimi kälang na tea bälung aevaw haw hethang sa te by vi dy. Ätephüng-a mei nädylä kai lä Isu Khrista hai bungtä awng te vi dy.

1 Timote 2:4

Säthaw lä khimi angxynlyng na bung aeqang kha älo mitang mäny hethang ngai hai bawi te by vi.

2 Timote 1:10

Vaihi Säthaw lä hini tähang kähawi mä-ai tea caiping-a täphawng hai pyng te vi dy. Mä-ai üng Aeqangkung Isu Khrista lä hi älawngpre-a ly kha mä-ai bung aeqang te phüng tea mätü te vi. Äni lä kädü mi tea täphra kha dungtäsa hing hethang Angthang Kähawi hai-a mä-ai tea täphawng te vi dy.

2 Timote 4:17

Tungaila Areng Isu lä kai äteng-a mangtä awng hai kha aethaw py te vi dy. Tukätephüng-a Khrista üng Angthang Kähawi tea honi mityng-a awng saite ceng kälang khimi angxynlyng na thai hethang kai lä thui king haw vi dy. Khrista ma kai bung lä kädü khaw üng aeqang pa te vi dy.

Hebrai 12:15

Säthaw üng tähang kähawi thung üng thoja y hethang sädi khai ö. Angjüng khaw saite äkung kätyng la aelawng y hethang sädi khai ö. Khimi lawngtä honi kung kätyng awng dylä nang ce thung-a käsi na awng mang-a sa haw te vi. Honi hai-a yng saite khimi awng mang te na tea Säthaw üng maw-a pawprae hai haw ö te vi.

Hebrai 2:9

Tungaila mä-ai lä Isu bung nung ö te vi. Säthaw lä Isu bung Känipre üng angtawtha na qawng-a tänaetä äje cäcaw kaeneng-a khai pa vi. Hini kätyng Isu lä Säthaw üng tähang kähawi hai-a khimi angxynlyng na tähang dü pa hethang kae te vi. Äni lä mä-ai tähang mätang bälaica-a dü pa te phüng-a Säthaw ma vaihi lä äni tea cangxei-a sa kha phung-ang py pa te mä-ai lä mäny ö te vi.