Titas 1:2 - Caekäcai Kangthae (Lemi)

² Tukätephüng-a äni ce lä dungtäsa hing saite tea aethang khai ö khü te vi. Ätephüng-a mei nädylä Säthaw ma älawng sa y te kälang-a äma üng khimi na lä dungtäsa hing ö ai näkha älo aedo pyng te vi dy. Äni lä manila älo bälai te awng vai y.

Asang Khongso New Testament

² Aicae ih bokhaih loa dungzan hinghaih oepdoenghaih pongah akung angsut. Amsawn amlai lok ka thui ai Sithaw mah atue amtong tangsuek ai nahlanah hi hinghaih hae aicae paek hanah lok amaih zawh boah;

Titas 1:2 ပူးပေါင်းရင်းမြစ်များ

Mathai 25:34

Tupyng-a Kai Sanphrang ma kai üng bangtang mang-a awng saite na tea ‘Ly ö lawi, Kai üng Pä-ai Säthaw üng tähang kähawi dang saite na ä, älawng sa angcü te kätü üng hai ma nang ce tähang sa rüng saite pre tea kung kha pyng ö lawi.

Mathai 25:46

Tukha Säthaw ma honi khimi ce lä dungtäsa dengpy te mityng-a mätaw ai. Tungaila khimi cüng saite na lä dungtäsa hing saite mityng-a mätaw ai” näkha näpa.

Marka 10:17

Isu lä khölawng tho te thüng-a khimi lawngtä lä aehui kha äni üng maw-a aebo pa. Tukha Isu tea “Särae kähawi ä, dungtäsa hing te dang hethang kai lä makä sa he kae mei” näkha düng pa vi.

Marka 10:30

vaihi dung-a ma phü cungvaitä aepu rae saite ing, la, kangby jä-ai, kangpraw ticaw, nä-awi pä-ai, cäpaw cänung na tea la dang vi ai. Tungaila khimi ce lä äni tea mätang bälai-a sa pa ö vi ai. Tukha vaimaw mang-a la dungtäsa hing saite dang vi ai rawng.

Johan 10:28

Kai ma äni ce tähang dungtäsa hing te py dy. Manila äni ce la dü y dy. Ämi la Kai kö thung üng äni ce bung lawng haw y lyng.

Johan 17:2

Pä-ai ma Kai, Äcäpaw, tea a saite khimi na tea dungtäsa hing te py hethang tähang-a, khimi angxynlyng na tea pyng saite aenae lä Kai tea py vi dy.

Johan 17:24

“Pä-ai ä, nang ma py saite hini khimi ce bung Kai awng saite mityng-a, mangtä awng hai hethang Kai lä ngai te vi. Älawngpre awng y te kälang üng hai, nang ma Kai tea bälung aevaw te phüng-a, Kai tea py saite phung-ang lä äkähui na tea nung hai hethang ngai te vi.

Johan 5:39

Caekäcai phai dylä dungtäsa hing te dang ai müng näkha aedawng te hai Caekäcai tea phai kha dawng mäsüng khü ö te vi. Honi Caekäcai lä Kai üng phüng tea thui saite lo kae vi.

Johan 6:54

Kai üng ängang ca kha äthi nei saite khimi na lä dungtäsa hing saite dang vi. Kai ma äni ce bung kangkhüng üng käni-a kädü thung üng mätha pa vi ai.

Johan 6:68

Simon Peterae ma “Areng ä, kai ce lä ämi tea ly ö ai mei. Dungtäsatä kähing py saite älo lä nang tea ni awng te kae be.

Angtawtha 15:18

Hini lä Jangni-a Säthaw ma thui rüng saite älo vi” näkha näpa.

Pawlae ma Rom märü üng kangkawng tähang tärü saite cae 1:2

Jangni üng hai ma Säthaw lä äma üng buisaw na te mang hai-a Angthang Kähawi tähang älo aedo te vi. Buisaw na lä hini älo aedo saite tea Caekäcai thung-a tärü ea khai vi dy.

Pawlae ma Rom märü üng kangkawng tähang tärü saite cae 16:25

Säthaw üng phung-ang tea mä-ai lä bälaw ö si. Isu Khrista üng Angthang Kähawi tea kai ma thui te kätyng Säthaw lä nang ce üng yng saite cakhi hai hethang sa haw te vi. Honi Angthang Kähawi lä jangni üng khösäning leithung jungtä ho kha vaihi täphawng saite lo mitang vi.

Pawlae ma Rom märü üng kangkawng tähang tärü saite cae 2:7

Kähawi sa jawjaw te hai, Säthaw ma py te bälaw saite hai, ämüng leng saite hai dungtäsa kähing na ha saite khimi tea lä Säthaw ma dungtäsa kähing py vi ai.

Pawlae ma Rom märü üng kangkawng tähang tärü saite cae 5:2

Mä-ai üng Isu Khrista tea yng saite hai-a Säthaw üng tähang kähawi lä mä-ai tea vaihi dang kha tähang kähawi thung-a hing ö te vi dy. Mä-ai lä Säthaw üng tähang kähawi hai-a hing ö te vi. Mä-ai lä Säthaw üng phung-ang thung-a qa hethang aethang khai saite phüng-a anghawtho ö te vi.

Pawlae ma Rom märü üng kangkawng tähang tärü saite cae 5:21

Tukha khimi angxynlyng na tea lä hunghö ma pyng kha dü hethang kae te kätyng, Säthaw üng tähang kähawi ma la pyng te vi dy. Honi hai-a khimi angxynlyng na tea lä Säthaw ma äma üng maw-a khimi käcüng-a mäthi kha mä-ai üng Areng Isu Khrista hai-a dungtäsa kähing py pa vi dy.

Pawlae ma Rom märü üng kangkawng tähang tärü saite cae 5:4

Honi änawngsa saite lä mä-ai üng aeme aeqa saite tea ryng hai te vi. Mä-ai üng aeme aeqa saite ryng te phüng-a mä-ai lä aethang khai haw ö te vi.

Pawlae ma Rom märü üng kangkawng tähang tärü saite cae 6:23

Hunghö sa saite üng ävang lä dü saite kae. Säthaw üng py saite lasawng lä mä-ai üng Areng Isu Khrista hai bungtä-a dungtäsa hing saite vi.

Kolosa 1:27

Säthaw lä ceng kälang na tähang äma sa saite na matangtä cangxei hethang hawi mei näte äma üng khimi na tea mäny hai pa ö vi dy. Hokä sa saite lä khimi kälang na näsaite nang ce thung-a, Khrista la awng dy näte vi. Tukätephüng-a Säthaw üng phung-ang aesang saite tea nang ce la dang haw ai näkha aethang khai haw te vi.

1 Thesalon 2:15

Judae khimi na lä Areng Isu Khrista hai buisaw na tea bädü ö te vi dy. Kai ce bung la mäthoja ö te by vi. Hini kätyng-a äni ce lä Säthaw tea kädawtho hai kha khimi angxynlyng na tea elekhei sa ö saite na vi.

1 Thesalon 5:8

Tungaila mä-ai lä käni hai aesui te khimi na vi te phüng-a, kähawi-a mä-ai ma tea aeküng ö si. Reisae lawngtä lä äma üng khöpui hai aedung te kätyng mä-ai üng yng saite hai bälung aevaw saite lä khöpui kätyng tawng kha mä-ai ma tea aedung hai he kae te by vi. Tukha mä-ai bung Isu ma aeqang ai näkha aethang khai saite tea lä reisae üng süng lökhu kätyng aekhu hethang kae.

1 Timote 6:12

Täre aety jawjaw saite reisae kähawi kätyng, nang lä Khrista tea yng jawjaw ba. Säthaw ma nang tea dungtäsa hing saite dang hai hethang ka te vi. Tudylä dungtäsa hing saite tea nang lä cakhi-a süng khü ba. Nang lä khimi ce maw-a Khrista tea yng saite phüng thui pyng te vi dy.

1 Timote 6:19

Hini kätyng äni ce lä äma ce üng mawlang tähang vyngsai na mätung ö ai. Hini na lä äma ce üng hing hai hethang cakhi saite langdüng vi. Tudylä äni ce lä hing saite tätang dang haw ö vi ai.

2 Timote 1:1

Hini cae lä kai, Pawlae, te üng vi. Säthaw lä äma ma üng kängai-a Isu Khrista üng angtawtha-a lawng hai hethang kai bung re te vi dy. Isu Khrista tea yng saite khimi na tea lä dungtäsa hing saite py hethang Säthaw ma älo aedo saite phüng thui hethang kai bung mätaw te vi dy.

2 Timote 1:9

Säthaw lä mä-ai bung aeqang kha käcai-a hing hethang ka te vi dy. Äni lä mä-ai üng kähawi sa saite na phüng-a ka te y lyng. Äma ma üng mawlang kaedawng hai tähang kähawi phüng-a vi. Älawng sa y te kälang-a ma, Säthaw lä äma üng tähang kähawi mä-ai tea mätü hethang Isu Khrista bung mätaw te hai-a sa rüng te vi dy.

2 Timote 2:10

Tukätephüng-a Säthaw ma re saite khimi na üng yng hethang tähang kai lä mätang bälai te angxynlyng na tea khung jawjaw te vi. Honi hai-a khimi ce lä Isu Khrista tea yng kha dungtäsa phung-ang hai aeqang saite dang haw ö ai.

2 Timote 2:13

Khrista tea mä-ai ae-y khi y ngaila Äni lä mä-ai üng ae-y khü nae-a awng jawjaw ai. Ätephüng-a mei nädylä Äni lä äma üng aedo saite lo tea täphra haw y te phüng-a vi.”

2 Timote 2:15

Nang lä Säthaw üng maw-a aedaw ea äni üng kawng hai hethang aethawsa ba. Nang ma üng kälu tähang aejae y käla sa saite khimi-a lawng ba. Lo mitang tea kähawi-a mätu khü saite khimi-a lawng ba.

Titas 2:13

Mä-ai lä hikä awng te thüng-a, mä-ai tea kawng hai saite aethang khai te tea aering ö te vi. Honi lä mä-ai üng kaesangky Säthaw hai Aeqangkung Isu Khrista lä äma üng phung-ang hai aetüng ai te tea vi.

Titas 2:7

Nang ma lä sa saite qütä khimi ce tähang aetu nae-a lawng he kae. Tudylä nang lä Säthaw phüng mätu te kätü-a, bälung mitang khü hai khü sälü-a sa ba.

Titas 3:7

Tukätephüng-a äma üng bälung kähawi saite hai-a Säthaw lä mä-ai bung khimi käcüng näkha mäthi te vi. Tukha mä-ai üng aethang khai te dungtäsa hing saite lä mä-ai dang haw ö ai.

1 Johan 2:25

Honi lä Khrista ma mä-ai tea py hethang älo aedo saite vi dy. Äni lä “Kai lä nang ce tea dungtäsa hing saite py ai” näkha älo aedo te vi.

1 Johan 5:20

Säthaw üng Cäpaw lä hini älawngpre-a ly kha mä-ai tea mänykaw saite py te vi dy. Tukätephüng-a Säthaw tätang tea mä-ai lä mäny haw ö te vi. Mä-ai lä äni üng Cäpaw Isu Khrista hai bungtä awng te phüng-a, vaihi mä-ai lä Säthaw tätang hai bungtä awng ö te by vi. Hini lä Säthaw tätang vi. Äni lawngtä xyng ni khimi ce tea dungtäsa kähing py haw te kae.

Judae 1:21

Mä-ai üng Areng Isu Khrista üng bäheng saite phüng-a, nang ce tea dungtäsa hing saite dang hethang nang ce ma aering te kätü-a Säthaw üng bäheng saite thung-a awng ö ba.

Lokphong 13:8

Hini älawngpre-a awng saite khimi angxynlyng na lä hini mawikäsi tea cäphaw ö ai. Älawngpre sa y kälang üng hai dungtäsa kähing dang hethang ämüng lä bädü saite Beram caw üng cae-u thung-a tärü saite khimi na xyngtä ni mawikäsi tea cäphaw ö y vi ai.

Lokphong 17:8

Honi mawikäsi lä jangni-a hing vai ngaila, vaihi lä hing y vi dy. Äni lä qae y tea ma angqaw khaw käthu üng tho kha Säthaw ma äni tea lä täphra ai. Säthaw lä älawng sa y te kälang-a ma hing saite na üng cae-u thung-a ämüng qa y saite älawng qawng üng khimi na lä honi mawikäsi bung nung te kätü-a, cangxei ö vi ai. Äni lä jangni-a hing ngaila, vaihi lä hing y vi dy. Tungaila äni lä tho haile tyng ai.