Titas 1:1 - Caekäcai Kangthae (Lemi)

¹ Hini cae lä Säthaw üng mawsawng hai Isu Khrista üng angtawtha saite kai, Pawlae, ma tärü te vi. Säthaw ma re saite khimi na üng yng te aethaw awng hethang hai äni ce lä Isu üng mätu saite älo mitang tea mäny rae hethang Säthaw ma kai bung mätaw te vi. Tukha äni ce lä Säthaw tea tämö khai te mätü te älang-a awng ö ai.

Asang Khongso New Testament

¹ Sithaw ih tamtoeh hoi Jesuh Khrih ih kawkpatoeh kai Paul mah ca kang pat. Sithaw mah qoih ih kaminawk ih taanghaih to angcaksak han hoi aicae bokhaih mah patuk ih loktang bangah zaehoi hanah kai hae qoih ah ka oh moa patoeh ah ka oh.

Titas 1:1 ပူးပေါင်းရင်းမြစ်များ

Luka 18:7

Säthaw re saite khimi na ma mäkai jawjaw dylä Säthaw lä äni ce kätüng saite dang hethang säbawng pa te vi. Äni ce tea säbawng hethang Säthaw lä mänung te y.

Angtawtha 13:48

Ceng kälang khimi na ma honi Älo angthang thai te kätü-a lä, anghawtho te hai ma Säthaw üng Angthang tea bälaw ö vi dy. Säthaw ma dungtäsa hing saite dang hethang re saite khimi na lä yng ö vi dy.

Pawlae ma Rom märü üng kangkawng tähang tärü saite cae 1:1

Hini lä Khrista Isu üng mawsawng Pawlae te üng cae vi. Säthaw lä äma üng Angthang Kähawi thui hethang ka kha kai bung angtawtha-a re te vi dy.

2 Korin 1:1

Hini cae lä kai, Pawlae hai mä-ai üng kangby Timothe te üng tha te vi. Säthaw lä äma üng aely kängai hai-a, kai bung Khrista Isu üng angtawtha lawng hethang re vi dy. Kai lä Korin märü-a awng saite Säthaw üng kangkawng hai Käri pre-a awng saite Säthaw üng khimi käcai angxynlyng na tea hini cae tärü te vi.

Ephesi 2:8

Khrista tea yng te phüng-a äma üng bäheng saite hai-a, Säthaw ma nang ce bung aeqang vi dy. Nang ce üng aethawsa saite phüng-a, äni lä nang ce bung aeqang te y. Äni lä nang ce bung äjawng-a aeqang te vi.

Filipi 1:1

Pawlae hai Timothe ni lä Isu Khrista üng mawsawng na vi. Kai, Pawlae, ma Philipi märü-a awng saite Säthaw üng khimi na hai kangkawng üng mätawngky na hai kangkawng-a säbawng saite khimi na tea cae tärü dy.

Kolosa 2:2

Kai lä äte makäte phüng-a hini kätyng sa mei nädylä äni ce angxynlyng tea aethaw py hethang ngai te vi. Äma ce tingtawi bälung aevaw te hai aede ö näkha thui hethang kai lä ngai te vi. Säthaw üng älo käcai tea kätüng khaw-a thaikaw bawi te hai aethawng saite cangxei hethang hawi bärai te na äni ce tea dang hai bawi hethang kai lä ngai te vi. Honi kätyng Khrista näte Säthaw üng mätaw te tea äni ce lä mäny ö ai mang.

1 Timote 2:4

Säthaw lä khimi angxynlyng na bung aeqang kha älo mitang mäny hethang ngai hai bawi te by vi.

1 Timote 3:16

Ho ea khai saite na tea Säthaw ma mä-ai tea täphawng saite na lä cangxei hethang hawi bärai vi. Honi tea ämi ma eja haw y lyng. Khrista lä khimi cüngtang-a aelawng vi dy. Muilaw Käcai hai-a mä-ai tea Isu lä Säthaw üng Cäpaw tätang vi näkha mätü vi dy. Äni bung lä Känipre angtawtha na ma nung ö vi dy. Äni üng angtawtha na lä äni üng phüng ceng qütä na tea thui ö te vi dy. Hini älawngpre mityng qütä üng khimi na lä Äni tea yng ö dy. Säthaw ma Äni bung lä Känipre-a nähaija vi dy.

1 Timote 6:3

Khimi phütä na lä tüng y saite älo na mätu ö vi. Honi na lä mä-ai üng Areng Isu Khrista ma mätu saite älo mitang na hai aebäla te y. Kätüng mätu saite na lä Säthaw üng kängai hing saite na tea säbawng ö te vi.

2 Timote 2:10

Tukätephüng-a Säthaw ma re saite khimi na üng yng hethang tähang kai lä mätang bälai te angxynlyng na tea khung jawjaw te vi. Honi hai-a khimi ce lä Isu Khrista tea yng kha dungtäsa phung-ang hai aeqang saite dang haw ö ai.

2 Timote 2:23

Ae-e aetütü saite lo hai älo kangthö na tea thung-a lä qa hang ba. Ätephüng-a mei nädylä honi lo na hai khimi ce lä aejaw aemang hai saite vi näte nang lä thaikaw te phüng-a vi.

2 Timote 2:25

Hini kätyng-a elekhei thui saite khimi na tea lä änawngsa te hai, älo käneng hai kätüng thui pa hethang kae. Äni ce tea ae-ui haile he Säthaw ma py hethang aethang khai ba. Älo mitang mäny hethang äni ce tea säbawng pa.

Jako 1:1

Säthaw hai Areng Isu Khrista üng mawsawng kai, Jaeko, lä mityng qütä-a aehi sangxang saite Isrelae ceng hawlai netä na tea kawng te lo thui te vi.

2 Piter 1:3

Mä-ai lä Säthaw üng aely kängai-a hing haw hethang äma üng haidae hai angxynlyng na mä-ai tea py vi dy. Äni üng phung-ang hai hawi saite hai-a mä-ai bung re saite Säthaw tea mäny te hai-a honi angxynlyng na mä-ai lä dang ö te vi dy.

2 Piter 3:11

Hini kätyng ätete angxynlyng lä pra king vi ai te phüng-a, nang ce lä ätemakä sa kha awng hethang kae ö te mei. Nang ce üng hing saite angxynlyng lä cai kha Säthaw tea kawng hai hethang kae.

1 Johan 2:23

Äcäpaw bung aephae saite kung lä Äpä-ai hai bungtä awng haw y lyng. Isu lä Säthaw üng Cäpaw näkha cüngpra-a thui dylä äni lä mä-ai üng Pä-ai Säthaw hai bungtä kae vi dy.

Lokphong 1:1

Hini lä Isu Khrista üng täphawng saite phüng na tea tärü te cae vi. Qae y tea ma äni üng mawsawng na tea tyng ai te phüng mätü hethang hini täphawng saite lä Isu Khrista tea Säthaw ma py pa te vi dy. Khrista lä äma üng mawsawng Johan tea äma üng Känipre angtawtha bung mätaw kha hini na tea mäny hai te vi.