Pawlae ma Rom märü üng kangkawng tähang tärü saite cae 8:2 - Caekäcai Kangthae (Lemi)

² Ätephüng-a mei nädylä mä-ai lä Isu Khrista hai bungtä lawng te phüng-a, mä-ai tea kähing py saite Muilaw üng Ubädi lä mä-ai bung hunghö hai-a dü saite Ubädi thung üng bälawi pa te vi dy.

Asang Khongso New Testament

² Kawmawtiah Khrih Jesuh hoiah kangpaeh hinghaih aicae han ka paekkung Pakhra tawk mah loa zaehaih hoi duekhaih tawk thung hoitoah kai hae ang loihsak boah.

Pawlae ma Rom märü üng kangkawng tähang tärü saite cae 8:2 ပူးပေါင်းရင်းမြစ်များ

Johan 4:10

Isu ma “Säthaw ma py saite lasawng bung nang mäny y. Nang tea tui nei hethang mäkai te kai lä ämi mei näte nang mäny y. Hini na mäny dylä kai tea mäkai by vi ai. Kai ma nang tähang hing saite tui py ai” näpa.

Johan 4:14

Tungaila kai ma py saite tui nei te hengtä lä manila tui aehe he y dy. Hini tui lä äni üng äthung-a tui cäpring-a aelawng kha dungtäsa hing saite dang hai ai” näpa.

Johan 6:63

Säthaw üng Muilaw lä kähing py te vi. Khimi ce üng aethaw hai äte haetä la sa haw y. Kai thui te lo hai-a nang ce lä Säthaw üng Muilaw dang te vi. Honi Muilaw ma nang ce tea hing te py te vi.

Johan 8:32

Säthaw üng phüng tätang nang ce mäny ö te phüng-a honi ma nang ce bung aelawi hai pa vi ai mang” näkha näpa.

Johan 8:36

Kai, Äcäpaw, ma nang ce bung bälawi dylä tätang khaw-a nang ce aelawi ö vi ai.

Pawlae ma Rom märü üng kangkawng tähang tärü saite cae 16:3

Kai hai mangtä Khrista Isu üng kälu na tea sa saite kangby jä-ai Precila hai Akuila nawngpui nawngpaw ni tea la cibai sa te lo thui pa jo ba.

Pawlae ma Rom märü üng kangkawng tähang tärü saite cae 3:27

Hokä dylä mä-ai lä makä sa kha la aethaw haw y. Aethaw he äte la awng te y. Ätephüng-a mei nädylä mä-ai lä Mosi üng Ubädi tängai te phüng-a, Säthaw üng maw-a cüng ö te y vi. Mä-ai lä yng te phüng-a cüng ö te kae.

Pawlae ma Rom märü üng kangkawng tähang tärü saite cae 5:21

Tukha khimi angxynlyng na tea lä hunghö ma pyng kha dü hethang kae te kätyng, Säthaw üng tähang kähawi ma la pyng te vi dy. Honi hai-a khimi angxynlyng na tea lä Säthaw ma äma üng maw-a khimi käcüng-a mäthi kha mä-ai üng Areng Isu Khrista hai-a dungtäsa kähing py pa vi dy.

Pawlae ma Rom märü üng kangkawng tähang tärü saite cae 6:14

Hunghö lä nang ce tea pyng hai hang. Ätephüng-a mei nädylä nang ce lä Ubädi thung-a awng te kätyng hing hethang ngai y dy. Nang ce lä Säthaw üng tähang kähawi hai-a awng ö te phüng-a vi.

Pawlae ma Rom märü üng kangkawng tähang tärü saite cae 6:18

Nang ce lä hunghö ma pyng saite üng aelawi kha Säthaw üng cüng saite mawsawng na lawng ö te vi dy.

Pawlae ma Rom märü üng kangkawng tähang tärü saite cae 6:22

Tungaila vaihi nang ce lä hunghö üng pyng saite thung üng aelawi kha Säthaw üng mawsawng na-a lawng ö te vi. Nang ce üng dang saite ävang lä Säthaw ma nang ce tea cai hai kha honi pyng-a lä dungtäsa hing saite py te vi.

Pawlae ma Rom märü üng kangkawng tähang tärü saite cae 7:21

Kai üng bälung thung-a hini kätyng lawng te tea kai lä nung te vi. Hawi saite kälu tea kai lä sa hethang ngai te kätü-a, kähawi y sa hethang kai lä re haw te vi.

Pawlae ma Rom märü üng kangkawng tähang tärü saite cae 7:23

Tungaila kai üng ätabung thung-a Ubädi kälang kälu sa te tea kai nung vi. Hini Ubädi kälang lä kai bälung thung üng ngai saite Ubädi tea lä elekhei sa te vi. Honi Ubädi kälang lä hunghö hai aesui kha kai bung hunghö üng mawsawng-a lawng hai te vi.

Pawlae ma Rom märü üng kangkawng tähang tärü saite cae 7:4

Kai üng kangby jä-ai na ä, hini lä nang ce hai la aesui te vi. Nang ce lä Khrista üng ätabung käsui na vi te phüng-a, äni hai mangtä dü ö te vi. Tukätephüng-a nang ce lä Ubädi kätyng hing hethang ngai ö y vi dy. Vaihi nang ce lä Säthaw ma kädü thung üng mätha tyng saite Isu Khrista hai aesui ö te vi. Tukätephüng-a mä-ai lä Säthaw üng kälu sa saite khimi lawng haw ö vi ai.

Pawlae ma Rom märü üng kangkawng tähang tärü saite cae 8:1

Vaihi Isu Khrista hai bungtä awng saite khimi lä Säthaw ma dengpy pa y vi dy.

1 Korin 15:45

Caekäcai thung-a, “Säthaw lä angcü üng khimi Adam bung sa te kätü-a, Adam lä hing saite khimi lawng vi dy” näkha awng vi. Khrista näte kangkhüng üng Adam lä kähing py saite Muilaw vi.

2 Korin 3:17

Areng lä Muilaw vi. Areng üng Muilaw Käcai awng saite mityng qütä-a, äni lä khimi ce bung bälawi pa te vi.

2 Korin 3:6

Säthaw äma khekhe lä kai ce tea älo aenai saite kangthae üng mawsawng lawng hethang sakaw saite py vi dy. Honi älo aenai saite lä tärü saite ubädi hai aetawng te y. Honi lä Muilaw Käcai üng aenai saite lo vi. Tärü saite Ubädi lä mä-ai bung dü saite mang-a tha kha Muilaw Käcai lä mä-ai tea kähing py te vi.

Galati 2:19

Kai lä Ubädi hui kha awng vai te vi. Ubädi thung üng Khrista ma kai bung bälawi te kätü-a lä, Säthaw tähang-a kai lä hing haw te vi dy. Ubädi lä kai tähang äte haetä la y vi dy.

Galati 5:1

Mä-ai aelawi hethang Khrista ma aeqang pyng te vi dy. Tukätephüng-a nang ce lä mawsawng na-a aelawng haile tyng y hethang ca khü ö he kae.

Galati 6:2

Mätang bälai tyng te kätü-a lä, nang ma ce tingtawi aesäbawng ö ba. Nang ce hini kätyng sa dylä, Khrista üng älo na tea tängai ö te kae dy mang.

Jako 1:25

Tungaila khimi lawngtä lä Säthaw üng cungrü saite Ubädi tea khüsälü-a kheng kha tängai ea Ubädi thung-a awng saite na tämang y käla sa jawjaw dylä, Säthaw ma äni tea lä tähang kähawi na py vi ai. Ätephüng-a mei nädylä, Ubädi lä mä-ai tea bälawi saite phüng-a vi.

Lokphong 11:11

Käni thungtä hai kaehütä pyng dylä, kähing py te Säthaw üng aehaw saite lä änini tea kung kha änini lä aetha hawi vi dy. Tukha änini bung nung saite khimi angxynlyng na lä ri ö vi dy.

Lokphong 22:1

Tupyng-a Känipre angtawtha ma kai tea kähing py saite tävaw pui mätü vi dy. Honi tävaw lä Säthaw hai Beram caw Areng aety nae te üng lawng kha kälung kä-ang kätyng ang bärai vi.