Pawlae ma Rom märü üng kangkawng tähang tärü saite cae 8:16 - Caekäcai Kangthae (Lemi)

¹⁶ Mä-ai lä Säthaw üng caw nade na vi näsaite tea Säthaw üng Muilaw lä mä-ai üng muilaw hai mangtä sasi mätü te vi.

Asang Khongso New Testament

¹⁶ Hitiah kawk o na-ah hae Sithaw ih Pakhra hoi aicae ih pakhra to amtom moa Sithaw ih caa ah oh tito taphong.

Pawlae ma Rom märü üng kangkawng tähang tärü saite cae 8:16 ပူးပေါင်းရင်းမြစ်များ

Mathai 5:9

Aede rung khytä sa pa saite khimi na lä tähang hawi. Säthaw ma äni ce tea äma üng nade na näkha ka vi ai.

Luka 20:36

Tukha äni ce lä Säthaw üng angtawtha na kätyng awng te phüng-a dü haw y vi ai dy. Äni ce lä Säthaw üng caw na-a aelawng vi ai dy. Äni ce lä Säthaw ma kädü thung üng aetha hai te caw na aelawng te phüng-a vi.

Johan 1:12

Tungaila khimi phütä na lä äni bung mäkung kha äni tea yng ö dy. Äni ce bung Säthaw üng caw nade na-a aelawng hai pa dy.

Angtawtha 5:32

Kai ce lä hini phüng na nung khe kha thui haw saite na vi. Muilaw Käcai la khimi ce tea mätü vi. Säthaw lä äma üng älo tängai saite na tea äma üng Muilaw Käcai py te vi” näpa.

Pawlae ma Rom märü üng kangkawng tähang tärü saite cae 8:14

Säthaw üng Muilaw leithung hui saite khimi lä Säthaw üng caw nade na vi.

Pawlae ma Rom märü üng kangkawng tähang tärü saite cae 8:19

Säthaw ma sa saite käni, älawng hai khöteng täki angxynlyng lä Säthaw ma aetüng hethang äma üng caw nade na tea tengxyng y aedawng rawng ö te vi.

Pawlae ma Rom märü üng kangkawng tähang tärü saite cae 8:23

Säthaw üng sa saite qaitä hangsung te cang y, Säthaw lä äma angcü üng lasawng kätyng Muilaw Käcai mä-ai tea py kha mä-ai la reng ö te by vi. Säthaw lä mä-ai bung äma üng caw nade na-a mäthi kha äma üng älo aedo te kätyng mä-ai üng ätabung kangthae py hethang mä-ai lä aering ö te vi.

Pawlae ma Rom märü üng kangkawng tähang tärü saite cae 8:26

Honi kätyng-a Muilaw Käcai lä aethawdi saite mä-ai tea säbawng te by vi. Ätemakä sa kha aetang he kae mei näte mä-ai lä mäny ö te y. Tungaila älo hai thui haw y, hang saite ätüng na hai-a Muilaw Käcai äma khekhe lä mä-ai tähang Säthaw tea aesi aebai hai pa te vi.

Pawlae ma Rom märü üng kangkawng tähang tärü saite cae 9:26

Tukha Säthaw ma, ‘Nang ce lä kai üng khimi na y lyng’ näkha thui saite mityng-a, ‘Nang ce tea lä Säthaw kähing üng caw nade na vi’ näkha mäthi ö vi ai” näkha nä vi.

Pawlae ma Rom märü üng kangkawng tähang tärü saite cae 9:8

Äte thui hethang ngai te mei nädylä Abraham üng caw nade na angxynlyng tea Säthaw lä äma üng caw nade na-a mäthi y lyng. Säthaw üng älo aedo saite kätyng aepeng saite caw nade na xyngtä tea ni Säthaw lä Abraham üng caw nade na tätang näkha mäthi vi.

2 Korin 1:12

Kai ce lä hini phüng aethaw ö te vi. Hini älawngpre-a Säthaw ma py saite käcai hai tüng saite na kai ce lä awng näte kai ma ce üng käsi kähawi sa saite bälung ma thui te vi dy. Nang ce hai mangtä awng khaw te thüng-a ämi lawngtä ma la cy haw y hethang kai ce lä sädi khai ö te vi. Tungaila kai ce lä hini tea khimi ce üng bälunghae saite hai-a sa ö te y. Säthaw üng tähang kähawi hai-a sa ö te vi dy.

2 Korin 1:22

Tukha mä-ai lä Säthaw hai aesui vi näte mätü hethang äni lä mä-ai üng bälung thung-a Muilaw Käcai py kha mä-ai tea äsäny sa pa vi dy. Hini aedo saite lo lä khawngdüng-a Säthaw ma mä-ai tea py khaw hethang awng saite tähang kähawi na vi.

2 Korin 5:5

Hini kätyng mäqa hethang Säthaw lä mä-ai tea sa rüng te vi dy. Vaimaw mang-a mä-ai lä hawi saite na dang hethang Säthaw ma Muilaw Käcai bung py te hai-a aedo khü te vi dy.

2 Korin 6:18

Kai lä nang ce üng Äpä-ai-a lawng ai. Nang ce la kai üng cäpaw cänung na lawng ö ai” näkha äte angxynlyng na sa haw saite Areng ma thui te vi dy.

Galati 3:26

Nang ce angxynlyng lä Khrista Isu tea yng te hai-a, Säthaw üng caw nade na-a lawng ö vi dy.

Galati 4:6

Nang ce lä Säthaw üng caw nade na lawng ö te phüng-a, äni lä mä-ai üng bälung thung-a äma Cäpaw üng Muilaw Käcai bung mätaw vi dy. Muilaw Käcai phüng-a, mä-ai lä, “Üngai, Ä-ai” näkha ka hethang dang vi.

Ephesi 1:13

Vaihi nang ce la aeqang saite Angthang Kähawi, lo mitang tea lä thai ö pyng te by vi dy. Nang ce lä Khrista tea yng kha äni hai bungtä awng ö te vi dy. Äni hai bungtä te phüng-a Säthaw lä älo aedo saite kätyng Muilaw Käcai bung nang ce tea py vi dy. Hini Muilaw Käcai lä nang ce tea Säthaw üng khimi vi näkha mätü saite äsäny vi dy.

Ephesi 4:30

Säthaw üng Muilaw Käcai tea lä bälungsi hai ö hang. Säthaw lä Muilaw Käcai py te hai-a nang ce tea äsäny sa te vi. Hini äsäny hai kangkhüng üng käni-a nang ce bung Säthaw lä cungrü-a aeqang vi ai näte mätü te by vi.

1 Johan 3:1

Mä-ai üng Pä-ai Säthaw lä matangtä mä-ai tea bälung aevaw mei näte aedawng ö lawi. Säthaw lä mä-ai bung äma üng caw nade na näkha mäthi te vi. Mä-ai lä äni üng caw nade na tätang khaw ö vi dy. Hini älawngpre hai aesui saite khimi na ma mä-ai bung mäny y te lä Säthaw tea mäny ö y te phüng-a vi.

1 Johan 3:10

Tukätephüng-a Säthaw üng caw nade na hai Setan angra üng caw nade na näte tea lä hini kätyng-a mäny haw ö vi. Kätüng sa y saite khimi na, yng saite rawijae na tea bälung aevaw y saite na lä Säthaw üng caw nade na y lyng.

1 Johan 3:2

Kai üng bälung aevaw saite rawijae na ä, vaihi mä-ai lä Säthaw üng caw nade na ö vi. Tungaila vaimaw mang-a mä-ai lä ätemakä aelawng ai mei näte mäny ö te y rawng. Tungaila Khrista tyng haile te kätü-a, mä-ai lä äma kätyng aelawng ai näte mä-ai lä mäny ö te vi. Ätephüng-a mei nädylä äni üng tätang khaw lawng saite tea mä-ai lä nung ö ai.

1 Johan 4:13

Säthaw lä mä-ai tea äma üng Muilaw bung py te phüng-a, äni lä mä-ai hai bungtä awng kha mä-ai la äni hai bungtä awng saite tea mä-ai lä mäny haw ö te vi.

1 Johan 5:10

Säthaw üng Cäpaw tea yng saite khimi lawngtä lä honi angthang tea tätang khaw vi näkha äma üng bälung thung-a mäny te vi. Tungaila Säthaw tea yng y saite khimi lä Säthaw ma kaeling kaemae sa te kae näkha thui te vi. Ätephüng-a mei nädylä Säthaw lä äma üng Cäpaw phüng thui te tea äni lä yng y.

Lokphong 21:7

Kai lä bäja saite khimi na tea hini angxynlyng na py ai. Kai lä äni ce üng Säthaw-a aelawng kha äni ce la Kai üng cäpaw na-a aelawng ö ai.