Pawlae ma Rom märü üng kangkawng tähang tärü saite cae 7:5 - Caekäcai Kangthae (Lemi)

⁵ Mä-ai lä mä-ai ma üng ngaiphi tüng y saite bälung kawi te kätyng hing ö te kätü-a, Ubädi lä ngaiphi tüng y saite na awng hai rae awng hai rae te vi. Mä-ai üng ätabung na hai hunghö sa hethang ngai ö phi te phüng-a, mä-ai angxynlyng na lä dü hethang kae ö te vi dy.

Asang Khongso New Testament

⁵ Kawmawtiah kami takngan koehhaih ih batiah hingh o na-ah zae sak koehhaih ih to Tawklok mah aicae ih takbum thungah tok a sak moa aicae mah sak ih boiboih loa duekhaih thungah a taemh.

Pawlae ma Rom märü üng kangkawng tähang tärü saite cae 7:5 ပူးပေါင်းရင်းမြစ်များ

Mathai 15:19

Khimi bälung thung üng tho saite na lä käsi dawng saite na, khimi bädü saite na, täkübäjang sa saite na, nawngpui nawngpaw y käla mangtä i saite na, bäru saite na, älo bälai saite na, khimi üng säri tea täphra saite na vi.

Johan 3:6

Khimi üng änä-awi pä-ai hai-a khimi ätabung dang. Säthaw üng Muilaw Käcai hai-a muilaw hing saite dang.

Pawlae ma Rom märü üng kangkawng tähang tärü saite cae 1:26

Tukätephüng-a Säthaw lä äni ce üng ngaiphi tüng y, saerae he hawi saite na sa hai hethang äni ce tea a pa vi dy. Nawngmädi na mäteng ma Säthaw üng mawlang kaedawng kätyng nawngmäcaw na hai mangtä i y käla nawngmädi tingtawi i ö te vi.

Pawlae ma Rom märü üng kangkawng tähang tärü saite cae 3:20

Hokä Ubädi thung-a awng saite kätyng sa te hai-a ämi la Säthaw üng maw-a cüng te y vi. Ubädi lä mä-ai tea hunghö sa saite mäny hai te vi.

Pawlae ma Rom märü üng kangkawng tähang tärü saite cae 4:15

Ubädi awng te phüng-a, Säthaw lä khimi ce tea kädawtho kha dengpy pa te vi. Tungaila Ubädi awng y dylä, Ubädi tea tängai y saite khimi la awng y lyng.

Pawlae ma Rom märü üng kangkawng tähang tärü saite cae 5:20

Khimi ce lä äma ce üng hunghö sa saite na tengxyng y nung rae haw hethang Säthaw lä Mosi hai-a Ubädi py pa te vi. Tungaila hunghö sa te nyng saite kätü-a lä Säthaw üng tähang kähawi lä awng mang rae te vi.

Pawlae ma Rom märü üng kangkawng tähang tärü saite cae 6:13

Nang ce üng ätabung kaepreng na tea käsi sa hethang a ö hang. Honi jüng-a kädü thung üng nang ce bung mäning haile tyng pa saite Säthaw tea nang ma ce bung ae-a ö. Käcüng sa hethang nang ce üng ätabung kaepreng na lä äni tea a ö.

Pawlae ma Rom märü üng kangkawng tähang tärü saite cae 6:19

Nang ce lä Säthaw üng phüng mäny y saite na awng mang te phüng-a khimi ce üng thaikaw saite lo hai kai lä thui ai. Jangni-a nang ce lä käsi na hai cai y saite na üng mawsawng na kätyng ae-a vai te phüng-a, hunghö sa rae sa rae ö te vi dy. Honi kätyng vaihi nang ce lä cüng saite üng mawsawng na lawng hethang nang ma ce bung Säthaw tea ae-a kha cai rae cai rae hethang kae.

Pawlae ma Rom märü üng kangkawng tähang tärü saite cae 6:21

Jangni-a nang ce sa saite na phüng-a vaihi nang ce lä saerae te dang ö vi dy. Honi na hai-a nang ce lä äte ävang na dang ö mei. Honi sa saite na üng ävang lä dü saite kae vi.

Pawlae ma Rom märü üng kangkawng tähang tärü saite cae 6:23

Hunghö sa saite üng ävang lä dü saite kae. Säthaw üng py saite lasawng lä mä-ai üng Areng Isu Khrista hai bungtä-a dungtäsa hing saite vi.

Pawlae ma Rom märü üng kangkawng tähang tärü saite cae 7:23

Tungaila kai üng ätabung thung-a Ubädi kälang kälu sa te tea kai nung vi. Hini Ubädi kälang lä kai bälung thung üng ngai saite Ubädi tea lä elekhei sa te vi. Honi Ubädi kälang lä hunghö hai aesui kha kai bung hunghö üng mawsawng-a lawng hai te vi.

1 Korin 15:56

Khimi ce ma hunghö sa ö te phüng-a, dü saite lä haedae awng te vi. Mosi üng Ubädi phüng-a, hunghö lä haidae awng te vi.

2 Korin 10:3

Kai ce lä hini älawngpre-a awng ngaila, älawngpre üng älang kätyng aety ö te y.

Galati 3:10

Säthaw ma khimi käcüng-a khai hethang Ubädi tea ae-y saite na lä, Säthaw üng angsawi tyng te vi dy. Caekäcai-a lä, “Ubädi thung-a tärü te angxynlyng na tea tängai y saite khimi na lä, Säthaw üng angsawi py tätang khaw te vi dy” näkha tärü te vi.

Galati 5:24

Isu Khrista hai aesui saite na lä äma ce üng ngaiphi tüng y saite bälung na tea thinglang qawng-a täheng te by vi dy. Tukätephüng-a äni ce üng ngaiphi tüng y saite lä äni ce tea pyng haw y dy.

Ephesi 2:11

Nang ce lä Judae ceng thung üng aepeng saite na y. Nang ce makä awng mei näte aedawng haile ö ba. Judae khimi na lä lengkhüng täke ö te vi. Nang ce tea lä lengkhüng täke y saite khimi na näkha nä ö te vi. Lengkhüng täke te lä khimi ce üng äkö hai sa saite ätabung ärang mang üng äsäny kae.

Ephesi 2:3

Jangni-a Khrista tea yng y te kälang-a, mä-ai angxynlyng na lä hini kätyng awng ö te by vi. Mä-ai üng ngaiphi tüng y saite hai hawi y kaedawng saite na tea mä-ai lä hui ö vi dy. Mä-ai la hunghö sakaw saite khimi-a aepeng te phüng-a khimi kälang na kätyng Säthaw üng dengpy hethang aeteng khaw te na by vi.

Kolosa 3:5

Tudylä nang ce lä bädö saite bälung üng kängai-a hui ö hang ba. Täkübäjang sa saite na, cai y saite na, deirei saite na, ngaiphi tüng y sa hethang ngai saite na, ae-aw saite bälung na awng ö vi hang lawi. (Ae-aw saite bälung näte lä mimi tea cäphaw te kätyng by vi.)

Titas 3:3

Mä-ai la jangni-a lä kaerö te hai älo aetängai vai y saite na by vi. Tukha khimi ce lä mä-ai tea lolang tämang hai ö te vi. Mä-ai lä jangni-a ngaiphi tüng y saite cawngkhang na mang-a hui hethang aepä-üng haw ö y. Mä-ai lä kawng saite hai bädö saite amäjy angxynlyng na tea mawsawng na lawng te vi dy. Mä-ai lä kätü qütä käsi sa kha khimi ce tea pä-e ö te vi. Khimi ce lä mä-ai tea esäre kha mä-ai la äni ce tea esäre ö tyng te by vi dy.

Jako 1:15

Tupyng-a mä-ai lä ngaiphi tüng y saite na thung-a hui kha hunghö sa ö te vi. Hunghö lä leng kha ryng khü te kätü-a, mä-ai bung dü hai te vi.

Jako 4:1

Ätephüng-a nang ma ce tingtawi aejaw aemang kha aety ö te mei. Honi lä nang ma ce üng bälung thung-a ngaiphi tüng y saite na lä aejaw aemang jawjaw ö te vi.

1 Johan 3:4

Hunghö na sa saite khimi qütä lä Säthaw üng Ubädi tea elekhei sa te vi. Ätephüng-a mei nädylä hunghö lä Säthaw üng Ubädi tea elekhei sa te vi.