Pawlae ma Rom märü üng kangkawng tähang tärü saite cae 6:11 - Caekäcai Kangthae (Lemi)

¹¹ Honi kätyng nang ce lä hunghö üng pyng saite tea kädü kätyng dawng hethang kae ö te vi. Tungaila nang ce lä Isu Khrista hai bungtä te phüng-a Säthaw tähang hing hethang kae ö te vi.

Asang Khongso New Testament

¹¹ Tobatih toengah nangcae doeh zaehaih bangah loa duek o boah moa Khrih Jesuh ranghoiah Sithaw angkomhaih hoiah ka hing o tiah dawn oah.

Pawlae ma Rom märü üng kangkawng tähang tärü saite cae 6:11 ပူးပေါင်းရင်းမြစ်များ

Johan 20:31

Tungaila Isu ma Mesia lä Säthaw üng Cäpaw vi näte nang ce yng haw hethang hai hokä yng ea ni, Isu hai-a hing saite dang hethang tähang-a, hini na tea kai lä tärü te vi dy.

Pawlae ma Rom märü üng kangkawng tähang tärü saite cae 16:27

Säthaw lawngtä xyng ni bälunghae saite angxynlyng na tea pyng te vi. Säthaw lä Isu Khrista hai-a dungtäsa phung-ang leng jawjaw sy. Amen.

Pawlae ma Rom märü üng kangkawng tähang tärü saite cae 5:1

Vaihi mä-ai lä yng saite hai-a Säthaw üng maw-a cüng ö te vi. Mä-ai üng Areng Isu Khrista hai-a Säthaw hai awngneng saite dang ö te vi dy.

Pawlae ma Rom märü üng kangkawng tähang tärü saite cae 6:10

Hunghö üng haidae tea täphra hethang Khrista lä qengtä hai ma dü pa te vi dy. Tungaila vaihi Äni üng hing saite lä Säthaw üng phung-ang leng hai hethang hing te vi.

Pawlae ma Rom märü üng kangkawng tähang tärü saite cae 6:13

Nang ce üng ätabung kaepreng na tea käsi sa hethang a ö hang. Honi jüng-a kädü thung üng nang ce bung mäning haile tyng pa saite Säthaw tea nang ma ce bung ae-a ö. Käcüng sa hethang nang ce üng ätabung kaepreng na lä äni tea a ö.

Pawlae ma Rom märü üng kangkawng tähang tärü saite cae 6:2

Hini kätyng sa hethang kae y. Mä-ai lä khimi kädü na kätyng hunghö hai aesui te y vi dy. Tukätephüng-a mä-ai lä hunghö sa jawjaw kha awng hethang kae khaw te ö y vi dy.

Pawlae ma Rom märü üng kangkawng tähang tärü saite cae 6:23

Hunghö sa saite üng ävang lä dü saite kae. Säthaw üng py saite lasawng lä mä-ai üng Areng Isu Khrista hai bungtä-a dungtäsa hing saite vi.

Pawlae ma Rom märü üng kangkawng tähang tärü saite cae 7:4

Kai üng kangby jä-ai na ä, hini lä nang ce hai la aesui te vi. Nang ce lä Khrista üng ätabung käsui na vi te phüng-a, äni hai mangtä dü ö te vi. Tukätephüng-a nang ce lä Ubädi kätyng hing hethang ngai ö y vi dy. Vaihi nang ce lä Säthaw ma kädü thung üng mätha tyng saite Isu Khrista hai aesui ö te vi. Tukätephüng-a mä-ai lä Säthaw üng kälu sa saite khimi lawng haw ö vi ai.

Pawlae ma Rom märü üng kangkawng tähang tärü saite cae 7:6

Tungaila vaihi mä-ai lä pyng vai saite Ubädi thung üng aelawi ö te vi dy. Ubädi hai aesui kha mä-ai lä dü ö te phüng-a, Ubädi lä mä-ai bung thawng thung-a pä-ung hethang haidae awng y vi dy. Mä-ai lä tärü saite Ubädi üng älang kangrüng kätyng kälu sa hethang ngai ö y vi dy. Muilaw Käcai ma mätü kha säbawng saite älang kangthae kätyng Säthaw üng kälu sa haw ö te vi.

Pawlae ma Rom märü üng kangkawng tähang tärü saite cae 8:18

Vaihi kätü-a mä-ai üng mätang bälaica saite lä vaimaw mang-a Säthaw lä mä-ai tea mätü saite phung-ang hai lä mätae haw y lyng näkha kai lä aedawng khü te vi.

1 Korin 6:20

Säthaw lä nang ce bung ävang py kha rang te vi dy. Tukätephüng-a nang ce lä Säthaw üng phung-ang leng hethang nang ma ce üng ätabung tea tawng ö hethang kae.

Ephesi 2:7

Ätephüng-a mei nädylä äni lä vaimaw mang üng khimi na tea Säthaw üng tähang kähawi leng bärai saite mäteng ma mätü haw hethang tähang vi. Säthaw üng tähang kähawi lä äte kälang angxynlyng na qawng-a lengky te vi. Äni lä mä-ai hai Isu Khrista tea bungtä bälawng te hai-a äma üng tähang kähawi leng bärai saite mä-ai tea mätü te vi dy.

Filipi 1:11

Isu Khrista ma nang ce tea cüng hai te phüng-a, nang ce lä kälu kähawi na sa haw ö vi ai. Tukätephüng-a khimi ce lä Säthaw üng phung-ang tea bälaw ö ai.

Filipi 4:7

Tukä dylä nang ce tea Säthaw ma awngneng saite py ai. Honi awngneng saite tea lä khimi ce üng kaedawng hai mäny lei haw te y vi. Nang ce lä Isu Khrista üng khimi na lawng te phüng-a, hini awngneng saite lä nang ce üng bälung hai kaedawng saite na tea rui kha aedung hai pa ö ai mang.

Kolosa 2:20

Nang ce lä Khrista hai mangtä dü pyng vi dy te phüng-a, hini älawng üng pyng saite na tea nang ce lä tängai hethang ngai ö y dy lyng. Tukätephüng-a ätemakä älawng üng pyng saite na awng te kätyng, nang ce lä älawngpre üng reitae tea tängai ö te vi rawng mei.

Kolosa 3:17

Nang ce lä kälu sa te hai, älo thui saite angxynlyng na hai Areng Isu üng jüng-a sa pa ö. Areng Isu hai-a nang ce lä Säthaw tea kawng te lo thui jawjaw ö ba.

1 Piter 2:24

Mä-ai üng hunghö na phüng-a, Khrista äma lä thinglang qawng-a mätang bälai pa te vi dy. Tukätephüng-a mä-ai lä khimi kädü kätyng hunghö sa hethang kae ö y dy. Mä-ai lä cüng saite tähang hing ö hethang kae. Äni üng tämaw na hai-a, nang ce üng tämaw na lä thae king ö te vi dy.

1 Piter 2:5

Nang ce la hing saite lungphö na kätyng by vi. Säthaw lä äma üng Muilaw Käcai hai-a Ingkäcai sa hethang nang ce bung tawng sy. Hini Ingkäcai-a, nang ce la mäthykung käcai na kätyng kälu sa ö by vi ai. Nang ce lä Muilaw Käcai ma mäci saite kätyng löci na sa ö vi ai. Isu Khrista hai-a Säthaw lä nang ce üng löci na tea täla haw vi ai.

1 Piter 4:11

Thuikaw saite khimi na lä Säthaw üng angthang thui hethang kae. Khimi kälang tea säbawng saite khimi na lä Säthaw üng aethaw hai-a säbawng hethang kae. Tudylä, nang ce sa saite angxynlyng na hai khimi ce lä Isu Khrista hai-a Säthaw tea bälaw haw ö ai. Äni üng haidae hai phung-ang lä dungtäsa awng jawjaw sy. Amen.