Pawlae ma Rom märü üng kangkawng tähang tärü saite cae 5:8 - Caekäcai Kangthae (Lemi)

⁸ Tungaila Säthaw lä mä-ai tea matangtä bälung aevaw mei näte mätü pyng te vi dy. Mä-ai lä hunghö sa te thüng-a, Khrista lä mä-ai tähang dü pa te vi dy.

Asang Khongso New Testament

⁸ To-e Sithaw mah aicae hae natanto maw ang palung tihae amtuengsak. Kami kazae ah oh o nathuemah Khrih loa aicae hanah a duek!

Pawlae ma Rom märü üng kangkawng tähang tärü saite cae 5:8 ပူးပေါင်းရင်းမြစ်များ

Johan 15:13

Mä-ai ma üng rawijae na tähang dü hethang aerü rüng saite khimi lawngtä üng bälung aevaw te qawng-a lengky saite bälung aevaw te lä ämi tea la awng y.

Johan 3:16

Säthaw lä älawng khimi ce tea bälung aevaw te phüng-a Äcäpaw lawngtä xyng bung py vi. Äcäpaw tea yng saite khimi angxynlyng na lä muilaw dü y käla dungtäsa hing te dang vi.

Pawlae ma Rom märü üng kangkawng tähang tärü saite cae 3:5

Tungaila khimi phütä ma, “Mä-ai üng hawi y sa saite na lä Säthaw üng sa saite kätüng tea mätü rae te vi” näpa. Mä-ai lä ätemakä thui haw ö ai mei. Khimi phütä na hokä dylä, “Säthaw ma mä-ai tea dengpy te lä tüng y vi” näkha thui ö ai. (Hini kätyng kai ma thui te lä khimi ce üng kaedawng kätyng thui te kae.)

Pawlae ma Rom märü üng kangkawng tähang tärü saite cae 4:25

Mä-ai üng hunghö tähang Säthaw ma Isu bung lä dü hethang a pa te vi. Säthaw lä mä-ai üng hunghö bälawi kha khimi käcüng-a awng haw hethang Khrista bung kädü thung üng mäning haile pa te vi dy.

Pawlae ma Rom märü üng kangkawng tähang tärü saite cae 5:20

Khimi ce lä äma ce üng hunghö sa saite na tengxyng y nung rae haw hethang Säthaw lä Mosi hai-a Ubädi py pa te vi. Tungaila hunghö sa te nyng saite kätü-a lä Säthaw üng tähang kähawi lä awng mang rae te vi.

Pawlae ma Rom märü üng kangkawng tähang tärü saite cae 5:6

Mä-ai lä aethawdi te kätü-a, Säthaw lä äma re saite käni-a mä-ai hunghö sa saite khimi na tähang Khrista lä dü pa te vi dy.

Pawlae ma Rom märü üng kangkawng tähang tärü saite cae 5:7

Khimi käcüng lawngtä tähang khimi kälang ma dü hai hethang lä rae bärai te vi. Khimi kähawi lawngtä tähang lä dü vawng saite khimi phütä awng haw daila awng ai.

Pawlae ma Rom märü üng kangkawng tähang tärü saite cae 8:32

Äma üng Cäpaw khekhe bung mäsai y käla, mä-ai angxynlyng tähang löci sa pa vi dy. Äcäpaw bung py saite Säthaw lä ngai saite angxynlyng na mä-ai tea py tätang khaw vi ai.

Pawlae ma Rom märü üng kangkawng tähang tärü saite cae 8:39

Mä-ai üng älawngpre qawng-a awng saite angxynlyng na, ätäkui-a awng saite angxynlyng na, Säthaw ma sa saite angxynlyng na thung üng äte haetä la mä-ai üng Areng Isu Khrista hai-a Säthaw üng bälung aevaw saite üng mä-ai bung lä täprei ja haw y lyng näkha kai lä mäny tätang te vi.

Galati 2:20

Kai lä Khrista hai mangtä thinglang qawng-a dü pyng te kätyng vi. Kai lä leithung jungtä üng kätyng hing te y vi dy. Vaihi Khrista lä kai üng bälung thung-a hing te vi. Vaihi hing te lä Säthaw üng Cäpaw tea ae-y kha hing te kae. Cäpaw lä kai bung bälung aevaw kha kai tähang äma üng hing saite py vi dy.

Ephesi 2:7

Ätephüng-a mei nädylä äni lä vaimaw mang üng khimi na tea Säthaw üng tähang kähawi leng bärai saite mäteng ma mätü haw hethang tähang vi. Säthaw üng tähang kähawi lä äte kälang angxynlyng na qawng-a lengky te vi. Äni lä mä-ai hai Isu Khrista tea bungtä bälawng te hai-a äma üng tähang kähawi leng bärai saite mä-ai tea mätü te vi dy.

Ephesi 5:2

Khrista lä mä-ai tea bälung aevaw kha mä-ai tähang dü pa te kätyng-a khimi kälang na tea la bälung aevaw ö lawi. Khrista lä äma üng hing saite lä löci aesa hethang Säthaw tea py pa te vi dy. Honi löci lä Säthaw tähang ämui hawi te vi.

1 Timote 1:16

Tungaila Säthaw lä kai hunghö sa saite na thung üng käsiky tea bäheng phi te vi. Ätephüng-a mei nädylä Isu Khrista üng änawng saky saite phüng lä kai te mang hai-a khimi ce tea mätü hethang ngai hai te vi. Tukha äni tea yng saite khimi na lä äma ce tea hini kätyng änawngsa ai näte tea mäny hethang ngai hai te vi. Ätephüng-a mei nädylä Säthaw ma khimi ce tea lä dungtäsa hing saite dang hethang ngai hai te vi.

Hebrai 8:3

Mäthykung kälengky qütä lä Säthaw tea lasawng hai tawngbawi na löci aesa hai he hethang khai te vi. Tukätephüng-a mä-ai üng Mäthykung kälengky lä Säthaw tea hae haetä hai löci aesa hethang kae.

1 Piter 3:18

Mä-ai üng hunghö angxynlyng na tähang Khrista lä qengtä dü pa te vi dy. Äni lä nang ce bung Säthaw tea nähai hethang cüng saite lawngtä lä cüng y saite na tähang dü pa te vi dy. Khimi ce ma äni üng ätabung tea bädü ngaila, Säthaw lä äni bung Muilaw Käcai hai-a mäning haile tyng pa vi dy.

1 Johan 3:16

Isu Khrista lä äma üng hing saite mä-ai tähang py te phüng-a, bälung aevaw saite lä äte mei näte tea mä-ai lä mäny haw ö te vi. Mä-ai la rawijae na tähang mä-ai üng hing saite tea py hethang kae ö te by vi.