Pawlae ma Rom märü üng kangkawng tähang tärü saite cae 5:5 - Caekäcai Kangthae (Lemi)

⁵ Mä-ai lä aethang khai saite awng te phüng-a aethawsi ö te y. Ätephüng-a mei nädylä Säthaw ma mä-ai tea py saite Muilaw Käcai hai-a mä-ai üng bälung thung-a äni üng bälung aevaw saite mäkawi pa te phüng-a vi dy.

Asang Khongso New Testament

⁵ Hi oepdoenghaih ih mah palungboengsak ai, kawmawtiah Sithaw angmah ih amlunghaih to aicae palung thungah Cai Pakhra ranghoiah ang bawh boah, ato Cai Pakhra loa aicae hanah Sithaw mah paek ih langrae ni.

Pawlae ma Rom märü üng kangkawng tähang tärü saite cae 5:5 ပူးပေါင်းရင်းမြစ်များ

Angtawtha 10:45

Khimi ceng kälang na la Muilaw Käcai üng lasawng na dang pa vi te phüng-a, Peterae hai mangtä ly saite käyng Judae khimi na ma lä, cangxei ö phi pa vi dy.

Angtawtha 2:17

‘Säthaw ma kangkhüng üng käni-a lä, kai ma khimi angxynlyng na tea kai ma üng Muilaw Käcai py vi ai. Nang üng cäpaw cänung na ma buisaw lo thui ö vi ai. Nang üng särai na lä, äsämai na nung ö vi ai. Nang üng mätawng nawngmäcaw na lä aemang na nung ö vi ai.

Angtawtha 2:33

Säthaw ma Isu bung äma üng bangtang mang-a khai kha Äpä-ai ma aedo saite Muilaw Käcai tea äni lä dang vi dy. Nang ce vaihi nung kha thai saite lä Areng ma mä-ai tea py saite äni üng lasawng vi.

Pawlae ma Rom märü üng kangkawng tähang tärü saite cae 1:7

Säthaw ma bälung aevaw kha äma üng khimi na khe khe-a lawng hai hethang re saite Rom märü üng nang ce tea kai lä cae tärü te vi. Mä-ai üng Pä-ai Säthaw hai Areng Isu Khrista ma nang ce tea tähang kähawi hai awngneng saite py sy.

Pawlae ma Rom märü üng kangkawng tähang tärü saite cae 8:28

Säthaw tea bälung aevaw kha Säthaw lä äma üng mawlang kaedawng kätyng ka saite khimi ce tähang Säthaw ma äte angxynlyng na kähawi-a sa pa te tea mä-ai lä mäny ö vi.

Pawlae ma Rom märü üng kangkawng tähang tärü saite cae 9:33

Honi kätyng Säthaw lä Caekäcai thung-a, “Tängai ö. Khimi ce lä mäthui khy kha aetüng hai saite kälung tea Zaion märü-a kai lä khai vi ai. Honi kälung tea khimi ce lä mäthui khy kha täbakhu hai ö vi ai. Tungaila äni tea yng saite khimi lä manila aethawsi ö y vi ai” näkha awng te vi.

1 Korin 8:3

Tungaila khimi lawngtä ma Säthaw tea bälung aevaw dylä, Säthaw lä honi khimi bung mäny te vi.

2 Korin 1:22

Tukha mä-ai lä Säthaw hai aesui vi näte mätü hethang äni lä mä-ai üng bälung thung-a Muilaw Käcai py kha mä-ai tea äsäny sa pa vi dy. Hini aedo saite lo lä khawngdüng-a Säthaw ma mä-ai tea py khaw hethang awng saite tähang kähawi na vi.

2 Korin 13:14

Areng Isu Khrista üng tähang kähawi, Säthaw üng bälung aevaw saite hai Muilaw Käcai üng aede saite lä nang ce angxynlyng na hai mangtä awng sy.

2 Korin 3:18

Tukätephüng-a mimai tea täphung y saite mä-ai angxynlyng na lä Areng üng phung-ang tea nung kha khimi kälang na tea mätü ö te vi. Muilaw awng saite Areng üng phung-ang lä mä-ai bung mäqa ea Areng hai mangtä aetawng khaw hethang sa kha mä-ai üng phung-ang lä lengky rae lengky rae jawjaw te vi.

2 Korin 4:6

Säthaw ma, “Käving thung-a kaevang awng sy” näkha thui vi dy. Hini Säthaw lä mä-ai üng bälung na thung-a la äni üng kaevang aevang hai te vi dy. Tukätephüng-a Isu Khrista üng mimai-a mä-ai lä Säthaw üng phung-ang tea nung kha mäny haw ö te vi.

Galati 4:6

Nang ce lä Säthaw üng caw nade na lawng ö te phüng-a, äni lä mä-ai üng bälung thung-a äma Cäpaw üng Muilaw Käcai bung mätaw vi dy. Muilaw Käcai phüng-a, mä-ai lä, “Üngai, Ä-ai” näkha ka hethang dang vi.

Galati 5:22

Muilaw Käcai ma mä-ai tea pyng dylä, äni ma mä-ai tea sa hai saite na lä: bälung aevaw saite, anghawtho saite, awngneng saite, änawngsa saite, bäsai y saite, kähawi sa saite, ae-y nae hawi saite, älo käneng aepe saite, mä-ai ma tea aeküng haw saite na vi. Honi na tea lä Mosi üng Ubädi la elekhei sa y lyng.

Ephesi 1:13

Vaihi nang ce la aeqang saite Angthang Kähawi, lo mitang tea lä thai ö pyng te by vi dy. Nang ce lä Khrista tea yng kha äni hai bungtä awng ö te vi dy. Äni hai bungtä te phüng-a Säthaw lä älo aedo saite kätyng Muilaw Käcai bung nang ce tea py vi dy. Hini Muilaw Käcai lä nang ce tea Säthaw üng khimi vi näkha mätü saite äsäny vi dy.

Ephesi 4:30

Säthaw üng Muilaw Käcai tea lä bälungsi hai ö hang. Säthaw lä Muilaw Käcai py te hai-a nang ce tea äsäny sa te vi. Hini äsäny hai kangkhüng üng käni-a nang ce bung Säthaw lä cungrü-a aeqang vi ai näte mätü te by vi.

Filipi 1:20

Kai lä manila saerae te awng y lyng näkha aethang khai te vi. Kätü qütä vaihi üng hai dung jungtä kai lä aethaw hawi te hai hing ea läsy, dü ea läsy, Khrista üng phung-ang leng hai hethang aethang khai te vi.

1 Thesalon 4:8

Tukätephüng-a hini mätu saite na tea elekhei sa saite lä khimi tea e te y. Nang ce tähang äma üng Muilaw Käcai py saite Säthaw tea e te kae vi.

2 Thesalon 2:16

Mä-ai üng Areng Isu Khrista hai Pä-ai Säthaw ma mä-ai tea bälung aevaw kha tähang kähawi hai-a, dungtäsa aethaw dang saite hai aethang khai saite py te vi. Mä-ai üng Pä-ai Säthaw lä nang ce üng bälung na tea aethaw py kha hawi saite angxynlyng na thui hethang hai, kälu sa khü jawjaw ö hethang säbawng sy.

2 Timote 1:12

Tukätephüng-a kai lä thawng thung-a mätang bälai saite na aeting jawjaw vi. Tungaila kai lä aejae y lyng. Ätephüng-a mei nädylä kai ma yng saite Khrista bung kai lä mäny te phüng-a vi. Khrista lä äma ly haile te Käni khytä kai tea a saite Angthang Kähawi tea aedung hai haw ai näte kai lä ae-y khü te vi.

1 Johan 4:19

Säthaw lä mä-ai tea angcü üng hai ma bälung aevaw te phüng-a, mä-ai la Säthaw hai khimi kälang na tea bälung aevaw ö he kae.