Pawlae ma Rom märü üng kangkawng tähang tärü saite cae 3:5 - Caekäcai Kangthae (Lemi)

⁵ Tungaila khimi phütä ma, “Mä-ai üng hawi y sa saite na lä Säthaw üng sa saite kätüng tea mätü rae te vi” näpa. Mä-ai lä ätemakä thui haw ö ai mei. Khimi phütä na hokä dylä, “Säthaw ma mä-ai tea dengpy te lä tüng y vi” näkha thui ö ai. (Hini kätyng kai ma thui te lä khimi ce üng kaedawng kätyng thui te kae.)

Asang Khongso New Testament

⁵ To-e aicae sakzaehaih ih mah Sithaw ih sakhaih kahmaan to amtuengsak aep aep nahaeloa, kawbangah maw thuih o han? Sithaw mah aicae hae danpaek na-ah a sak pazae tiah thui o thaih tih maw? (Kami mah thuih toemtoem ih batiah ni ka thuih).

Pawlae ma Rom märü üng kangkawng tähang tärü saite cae 3:5 ပူးပေါင်းရင်းမြစ်များ

Pawlae ma Rom märü üng kangkawng tähang tärü saite cae 12:19

Kai üng kangby jä-ai na ä, nang ce lä rawithung tha ö hang. Säthaw ma käsi sa saite tea nang ce üng jüng-a rawithung tha tyng sy. Caekäcai thung-a lä, “Areng lä, kai ma rawithung tha pa vi ai. Hunghö sa saite khimi tea lä kai ma rawithung tha tyng ai” näkha thui te vi.

Pawlae ma Rom märü üng kangkawng tähang tärü saite cae 2:5

Tungaila nang lä bälung tangkö kha ae-ui y. Tukätephüng-a Säthaw üng kädawtho phi saite hai kätüng khaw tärae cei saite mätü te käni-a lä Äni ma nang tea tengxyng y dengpy ai.

Pawlae ma Rom märü üng kangkawng tähang tärü saite cae 3:19

Mosi üng Ubädi thung-a awng saite angxynlyng na lä Säthaw ma honi Ubädi py saite khimi tähang vi näte tea mä-ai lä mäny ö te vi. Khimi ce lä hawi te, hawi y te, äte mei näte tea kai ce lä mäny ö y näte thui haw y hethang Säthaw lä Ubädi py te vi. Säthaw lä Ubädi hai-a älawngpre-a awng saite khimi angxynlyng na lä hunghö sa saite na hai äni ce tea Säthaw ma tärae cei vi ai näkha mätü te vi.

Pawlae ma Rom märü üng kangkawng tähang tärü saite cae 3:7

Tungaila khimi phütä lä, “Kai üng tüng y saite lä Säthaw üng tüng saite tea khimi ce mäny hai rae kha äni üng phung-ang tea aesang hai rae te vi nädylä, äte makäte phüng-a hunghö sa saite lawngtä kätyng Säthaw ma dengpy te vi mei” näkha awng vi.

Pawlae ma Rom märü üng kangkawng tähang tärü saite cae 4:1

Mä-ai Judae ceng üng kangsi pä-ai Abraham üng phüng tea ätemakä thui haw ö ai mei. Äni lä Säthaw üng maw-a cüng saite phüng äte mäny mei.

Pawlae ma Rom märü üng kangkawng tähang tärü saite cae 5:8

Tungaila Säthaw lä mä-ai tea matangtä bälung aevaw mei näte mätü pyng te vi dy. Mä-ai lä hunghö sa te thüng-a, Khrista lä mä-ai tähang dü pa te vi dy.

Pawlae ma Rom märü üng kangkawng tähang tärü saite cae 6:1

Khimi phütä lä, “Säthaw üng tähang kähawi nyng rae hethang hunghö tea sa jawjaw kha hing ö ai mei” näkha nä ö vi.

Pawlae ma Rom märü üng kangkawng tähang tärü saite cae 6:19

Nang ce lä Säthaw üng phüng mäny y saite na awng mang te phüng-a khimi ce üng thaikaw saite lo hai kai lä thui ai. Jangni-a nang ce lä käsi na hai cai y saite na üng mawsawng na kätyng ae-a vai te phüng-a, hunghö sa rae sa rae ö te vi dy. Honi kätyng vaihi nang ce lä cüng saite üng mawsawng na lawng hethang nang ma ce bung Säthaw tea ae-a kha cai rae cai rae hethang kae.

Pawlae ma Rom märü üng kangkawng tähang tärü saite cae 7:7

Khimi phütä ma “Ubädi lä hawi te y vi” näkha thui ö vi. Hokä thui hethang kae y. Tungaila kai tea lä Ubädi hai-a hunghö lä äte mei näte mäny haw te vi. Ubädi ma, “Bädö hang” näkha thui y dylä, bädö vi näte kai lä mäny he y.

Pawlae ma Rom märü üng kangkawng tähang tärü saite cae 8:31

Tudylä hini na phüng dawng tea mä-ai lä ätemakä thui haw ö ai mei. Säthaw ma mä-ai te mang-a awng dylä, mä-ai tea ämi ma la mä-ai tea bäja haw y dy lyng.

Pawlae ma Rom märü üng kangkawng tähang tärü saite cae 9:30

Kai ce ma thui hethang ngai saite lä Säthaw üng maw-a cüng hethang aethawsa y saite ceng kälang na tea Säthaw lä cüng vi näkha mäthi te vi. Ätephüng-a mei nädylä äni ce lä Säthaw tea yng ö te vi.

1 Korin 15:32

Kai lä Ephesi märü üng tawngbawi kärai na hai aetawng saite khimi na hai aety te vi. Honi tea khimi üng kaedawng hai kai sa dylä kai tähang lä ävang ting te y vi. Dü saite khimi na hing haile y vi dylä, mä-ai lä khimi ce ma thui saite kätyng “Mä-ai lä ca ö si, nei ö si, ätephüng-a mei nädylä khawngdang-a mä-ai lä dü ö ai” näkha awng haw ö te vi.

1 Korin 9:8

Kai lä käni qütä khimi ce aeting saite phüng na thui te vi. Tungaila hini kätyng Mosi üng ubädi thung-a la tärü te by vi.

2 Korin 6:4

Kai ce lä Säthaw üng mawsawng na lawng vi näte älang cawngkhang hai-a mätü ö te vi. Kai ce lä mätang bälai saite, rae saite na, xhuxa saite na hai aeting te kätü-a, änawngsa kha khung ö te vi.

2 Korin 7:11

Säthaw ma bälungsi saite hai-a nang ce üng bälung thung-a äte sa mei näte aedawng ö. Nang ce lä Säthaw tähang aethaw rae ö phi te vi. Nang ce lä hunghö sa saite thung-a qa y näte mätü hethang aethawsa ö te vi dy. Nang ce lä hunghö sa saite khimi na tea kädawtho ö te vi. Nang ce lä Säthaw tea ri ö te vi. Nang ce lä kai tea aeting haile hethang ngai ö phi te vi. Nang ce lä kai tea awng mang-a säbawng hethang ngai ö te vi. Nang ce lä hunghö sa saite khimi tea bäjeng ö hethang ngai te vi dy. Nang ce lä honi hunghö sa saite na thung-a qa y näte mätü ö king te vi dy.

Galati 2:18

Mä-ai lä ubädi üng älang tea khaisö kha kangthae kälang sa haile tyng he ngai vi dylä, mä-ai lä hunghö sa ö te vi dy.

Galati 3:15

Yng saite kangby jä-ai na ä, nang ce tea käni qütä mä-ai ma üng hing saite hai-a mätae kha lo mitang kai ma mätü si ba. Khimi lawng netä ma bälung mangtä aedü kha älo aedo hawi khü dylä, ämi ma la aedo saite lo tea täphra haw y lyng. Ämi la mäqa haw y lyng. Säthaw üng aedo saite lo lä honi kätyng by vi.

Lokphong 15:3

Äni ce lä, Säthaw üng mawsawng Mosi üng ae-awi hai Beram caw üng ae-awi tea thui ö te vi. Äni ce ma, “Äte angxynlyng na sa haw saite Areng Säthaw ä, nang sa saite na lä tengxyng y leng kha cangxei hethang hawi bärai vi. Pre angxynlyng na khimi ce üng Sanphrang ä, nang üng älang na lä mitang khaw kha cüng bärai vi näkha khimi qütä ma nung haw te vi.

Lokphong 18:20

Tungaila Känipre üng ätüng lä, “Känipre-a awng saite na ä, Babilon märü tea Säthaw ma täphra te phüng-a, nang ce lä anghawtho ö. Säthaw üng khimi na, Säthaw üng Angthang thui saite na hai buisaw na lä anghawtho ö hethang kae. Ätephüng-a mei nädylä nang ce tea sa tämang saite na phüng-a, Babilon märü tea Säthaw lä dengpy vi dy” näpa.