Pawlae ma Rom märü üng kangkawng tähang tärü saite cae 2:10 - Caekäcai Kangthae (Lemi)

¹⁰ Tungaila angcüky-a Judae khimi na, honi pyng-a ceng kälang na thung üng kähawi sa saite khimi angxynlyng na tea Säthaw lä äma tea bälaw saite, ämüng leng saite hai awngneng saite na py pa vi ai.

Asang Khongso New Testament

¹⁰ To-e hoihhaih ih ka sah kaminawk boiboih khaeah Sithaw mah lensawkhaih, khangzahaih hoi monghaih to paek tih; Judah kaminawk to paek hmaloe ueloa a hnukah Gentel kaminawk to paek tih.

Pawlae ma Rom märü üng kangkawng tähang tärü saite cae 2:10 ပူးပေါင်းရင်းမြစ်များ

Mathai 10:13

Honi ingthung ma nang ce bung lady dylä, Säthaw üng tähang kähawi lä äni ce tea awng sy. Tungaila äni ce ma nang ce bung lady y dylä, nang ce ma ‘Tähang kähawi dang hang sy’ näkha thui pa.

Luka 1:79

Mesia lä hunghö käving thung-a awng saite khimi na hai, dü he ri saite khimi na tea kaevang py kha Säthaw üng Angthang kätüng thui pa ai. Äni lä mä-ai tea awngneng saite lolang thung-a ly hethang bähawi pa vi ai” näkha Zakhari lä thui pa.

Luka 12:37

Ingkung tyng haile te kätü-a äni üng mawsawng na lä i y käla aering te ingkung ma nung dylä honi mawsawng na lä tähang hawi ö dy. Tängai ö. Ingkung lä äma üng mawsawng lawngtä tea nitha na mäna hai kha äni üng mawsawng na tea bö aw hai ea bö mäcaw pa vi ai.

Luka 19:42

Tukha äni ma “Jerusalem khimi ce ä, nang ce hai Säthaw säla-a aede saite vaihi nang ce mäny ea kha lä hawi ai. Tungaila nang ce lä kai bung e te phüng-a Säthaw lä nang ce tea mäny hai y, nung hai ö y dy.

Luka 22:14

Honi kätü tyng ea lä Isu hai äma üng angtawtha na lä bö aw ö dy.

Luka 9:48

Tupyng-a Isu ma äkähui na tea “Kai üng ämüng hai-a hini nade bung lady saite khimi lä kai bung lady te kae dy. Kai tea lady saite khimi lä kai bung mätaw saite Säthaw tea lady te by dy. Nang ce thung-a kaenengky saite na lä Säthaw ma kaesangky-a aedawng hai vi ai” näkha näpa.

Johan 12:26

Kai üng mawsawng sa he ngai dylä kai leithung hui hethang kae. Kai awng te mityng-a lä kai üng mawsawng la awng by ai. Kai üng mawsawng na tea lä, Kai üng Pä-ai ma tämö mäsang vi ai.

Johan 14:27

“Nang ce bälung awng derui saite Kai ma khai pa dy. Kai üng awngneng saite nang ce tea py dy. Älawng üng khimi na lä hini awngneng saite py haw y. Nang ce lä bälungbi ö hang. Ri ö hang.

Johan 16:33

Nang ce lä Kai hai aesui kha awngneng hethang tähang hini phüng na Kai thui pyng te vi dy. Nang ce lä älawngpre-a mätangca saite na aeting ö vi ai. Tungaila aethaw aela kha awng ö. Kai lä älawngpre tea bäja te vi dy” näkha näpa.

Angtawtha 10:35

Säthaw lä ceng angxynlyng na thung üng äni tea ri te hai tämö khai kha kätüng khaw-a sa saite khimi qütä bung ngai te vi.

Pawlae ma Rom märü üng kangkawng tähang tärü saite cae 14:17

Säthaw üng pre pyng saite lä mä-ai üng käcakänei na hai aesui te y lyng. Muilaw Käcai ma py te cüng saite, awngneng saite, anghawtho saite hai aesui te kae vi.

Pawlae ma Rom märü üng kangkawng tähang tärü saite cae 15:13

Nang ce tea aethang khai saite py te Säthaw lä nang ce üng yng te hai-a nang ce tea anghawtho saite angxynlyng hai awngneng saite na py sy. Muilaw Käcai üng haidae hai-a nang ce üng aethang khai saite lä leng rae haw vi dy.

Pawlae ma Rom märü üng kangkawng tähang tärü saite cae 2:7

Kähawi sa jawjaw te hai, Säthaw ma py te bälaw saite hai, ämüng leng saite hai dungtäsa kähing na ha saite khimi tea lä Säthaw ma dungtäsa kähing py vi ai.

Pawlae ma Rom märü üng kangkawng tähang tärü saite cae 2:9

Sa tämang saite khimi angxynlyng na tea lä Säthaw ma mätang bälaica saite hai naw mätang hai ö vi ai. Honi thung-a lä angcü-a Judae khimi na hai ceng kälang na la qa ö te by vi.

Pawlae ma Rom märü üng kangkawng tähang tärü saite cae 5:1

Vaihi mä-ai lä yng saite hai-a Säthaw üng maw-a cüng ö te vi. Mä-ai üng Areng Isu Khrista hai-a Säthaw hai awngneng saite dang ö te vi dy.

Pawlae ma Rom märü üng kangkawng tähang tärü saite cae 8:6

Khimi lawngtä üng kaedawng tea ngaiphi tüng y saite bälung ma pyng dylä, äni lä dü hethang kae. Säthaw üng Muilaw Käcai ma khimi lawngtä üng kaedawng te pyng dylä, Säthaw ma äni tea lä hing saite hai awngneng saite py pa vi ai.

Pawlae ma Rom märü üng kangkawng tähang tärü saite cae 9:21

Lä-awng sa saite kung lä lä-awng ngang tea la kha äma ngai te kätyng sa haw te vi. Äni lä lä-awng ngang la kha aely leng saite angvüng angvaw na tawng hethang kaephi haetä sa te vi. Honi lä-awng ngang tea la haile kha käni qütä tawng hethang kaephi la sa haw te vi.

Pawlae ma Rom märü üng kangkawng tähang tärü saite cae 9:23

Säthaw lä äma üng änawngsa saite ätephüng-a mätü te mei nädylä, bäheng saite mä-ai tea äma üng phung-ang käleng mätü hethang ngai te vi. Äni lä äma üng phung-ang mä-ai tea dang hai hethang angcü üng hai mä-ai tea re kha sa rüng pa te vi dy.

Galati 5:22

Muilaw Käcai ma mä-ai tea pyng dylä, äni ma mä-ai tea sa hai saite na lä: bälung aevaw saite, anghawtho saite, awngneng saite, änawngsa saite, bäsai y saite, kähawi sa saite, ae-y nae hawi saite, älo käneng aepe saite, mä-ai ma tea aeküng haw saite na vi. Honi na tea lä Mosi üng Ubädi la elekhei sa y lyng.

Galati 5:6

Mä-ai lä Isu Khrista hai mangtä aesui te kätü-a, lengkhüng täke te hai, täke y te lä, aely leng te y lyng. Khrista tea yng kha mä-ai lä Säthaw hai khimi ce tea bälung aevaw saite lä aely lengky vi.

Filipi 4:7

Tukä dylä nang ce tea Säthaw ma awngneng saite py ai. Honi awngneng saite tea lä khimi ce üng kaedawng hai mäny lei haw te y vi. Nang ce lä Isu Khrista üng khimi na lawng te phüng-a, hini awngneng saite lä nang ce üng bälung hai kaedawng saite na tea rui kha aedung hai pa ö ai mang.

1 Timote 1:17

Dungtäsa pyng saite Sanphrang, dungtäsa hing saite, ämi ma la nung haw y saite, lawngtä xyng awng saite, Säthaw tea dungtäsa tämö khai te hai bälaw jawjaw sy. Amen.

Hebrai 2:7

Nang lä äni ce bung Känipre üng angtawtha na qawng-a cäditä aeneng hai pa vi dy. Nang lä khimi ce tea cangxei-a sa kha phung-ang py pa vi dy.

Jako 2:22

Abraham lä Säthaw tea tengxyng y yng vi näte äni üng kälu hai mätü te vi näte tea nang ce lä nung haw ö te y mei. Äni üng yng saite lä äni üng sa saite hai-a cungrü hai te vi.

Jako 3:13

Nang ce thung-a bälunghae saite lä ämi mei. Mänykaw saite lä ämi mei. Nang ce lä hawi saite kähing hai mätü hethang kae. Nang ce lä aemäneng kha hawi saite kälu na hai bälunghae saite mätü ö.

1 Piter 1:7

Hini käny saite na lä nang ce üng yng saite tätang vi näte tea mätü ai. Khimi ce lä pra haw saite sui tea mäteng ma mai hai säny kha mäcai ö te vi. Nang ce üng yng saite lä hini sui qawng-a ävang tingky te vi. Tukätephüng-a nang ce üng yng saite lä mätang bälai te hai-a käny dylä, nang ce üng yng saite lä cakhi ö vi ai. Nang ce lä hini kätyng yng dylä, Isu Khrista ly haile te kätü-a Säthaw ma nang ce tea bälaw vi ai. Tukha äni lä nang ce tea phung-ang hai tämö käleng khai saite na py vi ai.

1 Piter 5:4

Beram rui te kung kälengky Khrista ly haile te kätü-a, nang ce lä phung-ang leng bärai saite ävang käting dang ö ai. Hini üng ang saite lä manila aemai y vi ai.