Pawlae ma Rom märü üng kangkawng tähang tärü saite cae 15:16 - Caekäcai Kangthae (Lemi)

¹⁶ Kai lä ceng kälang na tähang kälu sa hethang Khrista Isu üng mawsawng-a lawng vi dy. Säthaw ma kawng hai saite löci mawi käcai lawng hethang kai lä Säthaw üng Angthang Kähawi ceng kälang na tea thui hethang mäthykung lawngtä kätyng sa te vi dy. Muilaw Käcai lä honi na tea Säthaw tähang kälang khai pa te vi.

Asang Khongso New Testament

¹⁶ Khrih Jesuh ih tamtoeh ah ka oh pongah ni. Gentel kaminawk loa Sithaw mah talawk ih angbawnhaih iah oh han hoi Cai Pakhra ranghoiah Sithaw khaeah paek ah oh hanah Sithaw khae hoi-ih kangzo Tamthang Kahoih ka thuih na-ah qaihma batiah ka tok.

Pawlae ma Rom märü üng kangkawng tähang tärü saite cae 15:16 ပူးပေါင်းရင်းမြစ်များ

Angtawtha 13:2

Äni ce lä Areng tea cäphaw kha böjae te hai awng ea, Muilaw Käcai ma “Sawlae hai Banaba bung kai üng kälu sa hethang tähang-a khai ö ba” näkha näpa.

Angtawtha 20:24

Kai lä dü ea la, hing ea la, kai tähang aely leng y lyng. Tungaila Areng Isu ma sa hai hethang kai tea py saite kälu khüng haw hethang sa saite lä aely lengky te vi. Honi kälu lä, Säthaw üng tähang kähawi phüng-a, Angthang Kähawi thui hethang vi.

Angtawtha 20:32

“Nang ce bung Säthaw üng äkö thung-a a te vi dy. Säthaw üng tähang kähawi ma nang ce tea säbawng vi ai. Säthaw üng tähang kähawi phüng-a, nang ce üng yng saite cakhi haw ö vi ai. Tukäte hai-a Säthaw üng khimi käcai qütä tähang khai rüng saite tähang kähawi lä nang ce dang ö vi dy.

Angtawtha 22:21

Tupyng-a Areng ma ‘Ly lawi. Mityng kähanglaw-a awng saite ceng kälang khimi na tea nang bung kai mätaw ai’ näkha thui vi” näpa.

Angtawtha 9:15

Tungaila Areng ma “Ly lawi. Äni bung lä kai üng mawsawng tähang-a, kai ma re te vi dy. Äni ma ceng kälang na hai äni ce sanphrang na hai, Isrelae khimi na tea Angthang Kähawi thui vi ai.

Pawlae ma Rom märü üng kangkawng tähang tärü saite cae 1:1

Hini lä Khrista Isu üng mawsawng Pawlae te üng cae vi. Säthaw lä äma üng Angthang Kähawi thui hethang ka kha kai bung angtawtha-a re te vi dy.

Pawlae ma Rom märü üng kangkawng tähang tärü saite cae 11:13

Nang ce ceng kälang na tea kai lä vaihi älo thui hethang ngai. Kai lä ceng kälang na üng angtawtha lawng te jungtä kai ma üng kälu tea aethaw vi ai.

Pawlae ma Rom märü üng kangkawng tähang tärü saite cae 15:18

Kai hai-a Khrista lä makä sa mei näte xyngtä kai lä thui vawng te vi. Ceng kälang na lä Säthaw üng lo tängai hai hethang kai üng thui saite lo, kai üng sa saite kälu na, kamarae na üng haidae hai cangxei saite na tea Säthaw üng Muilaw Käcai hai-a sa saite na vi dy. Tukätephüng-a Jerusalem märü üng hai aetawng kha Ilirikum khö-a tyng saite mityng qütä-a Khrista üng Angthang Kähawi tea kai lä thui king te vi dy.

Pawlae ma Rom märü üng kangkawng tähang tärü saite cae 15:20

Kai üng mawlang kaedawng lä Khrista üng Angthang Kähawi tea thai vai y saite mityng-a thui jawjaw hethang vi. Khimi kälang na üng sa pyng saite mityng-a, kai lä Angthang Kähawi thui hethang ngai te y vi.

Pawlae ma Rom märü üng kangkawng tähang tärü saite cae 15:29

Tukha nang ce tea kai tyng te kätü-a, Khrista ma py saite tähang kähawi awng mang saite na hai ly ai näte kai lä mäny vi.

Pawlae ma Rom märü üng kangkawng tähang tärü saite cae 5:5

Mä-ai lä aethang khai saite awng te phüng-a aethawsi ö te y. Ätephüng-a mei nädylä Säthaw ma mä-ai tea py saite Muilaw Käcai hai-a mä-ai üng bälung thung-a äni üng bälung aevaw saite mäkawi pa te phüng-a vi dy.

1 Korin 3:5

Pawlae lä ämi mei. Apolo lä ämi mei. Kai ni lawng netä lä Isu Khrista tea nang ce yng hethang säbawng saite Säthaw üng mawsawng na kae. Areng lä mä-ai tea py saite aetawng y te kälu tea mä-ai ni lä sa haw qi hawi te vi.

1 Korin 4:1

Kai ce lä Khrista üng mawsawng na näte nang ce lä dawng hethang kae. Säthaw lä äma üng ho saite angthang khimi ce tea thui hethang kai ce bung mätaw vi dy.

1 Korin 6:19

Nang ce üng ätabung lä Muilaw Käcai ma aeta saite Ingkäcai vi näte mäny ö te vi. Säthaw lä Muilaw Käcai bung nang ce tea py te vi dy. Nang ce üng ätabung lä nang ma ce üng y vi. Säthaw ma pyng te kae.

2 Korin 11:23

Äni ce lä Khrista üng mawsawng na mei. Kai lä hawiky saite mawsawng vi. Kai lä kangthö kätyng älo aepe te vi. Kai lä äni ce qawng-a cang y Khrista üng kälu mäsaexa te hai sa vi dy. Kai tea lä äni ce qawng-a cang y thawng thung-a pä-ung leilae te vi dy. Khimi ce ma kai tea lä äni ce qawng-a cang y boky te vi dy. Kai lä äni ce qawng-a cang y dü saite hai aeting leilae te vi.

2 Korin 5:20

Tukätephüng-a mä-ai lä Khrista üng angtawtha na lawng ö vi dy. Säthaw lä kai ce hai-a nang ce tea mäci te vi. Kai ce ma Khrista tähang-a nang ce lä Säthaw üng täre na üng hai äma üng rawijae na-a lawng ö hethang Säthaw ma kai ce hai-a mäci te kätyng aebai te hai mäci ö te vi.

2 Korin 8:5

Äni ce lä kai ce üng aethang khai saite qawng-a cang y sa ö vi dy. Angcüky-a äni ce lä Areng tea äma ce bung ae-a pyng-a, Säthaw üng aely kätyng kai ce tea la äma ce ma ae-a ö te by vi dy.

Galati 3:5

Säthaw lä Muilaw Käcai bung nang ce tea py kha nang ce thung-a cangxei saite na sa pa te lä, Ubädi tea nang ce hui ö te phüng-a mei. Tukä y lyng. Äni üng Angthang Kähawi thai kha yng ö te phüng-a kae.

Ephesi 2:18

Khrista phüng-a nang ce hai kai ce lä haetä saite Muilaw Käcai hai-a mä-ai üng Pä-ai Säthaw tea ly haw te vi.

Ephesi 2:22

Nang ce la Khrista hai bungtä lawng te phüng-a, äni lä nang ce hai aesätawng te by vi dy. Tukätephüng-a nang ce lä Säthaw üng Muilaw Käcai hai-a äni üng aeta nae-a aelawng ö vi dy.

Ephesi 5:2

Khrista lä mä-ai tea bälung aevaw kha mä-ai tähang dü pa te kätyng-a khimi kälang na tea la bälung aevaw ö lawi. Khrista lä äma üng hing saite lä löci aesa hethang Säthaw tea py pa te vi dy. Honi löci lä Säthaw tähang ämui hawi te vi.

Filipi 2:17

Nang ce üng yng te lä Säthaw tea löci aesa saite kätyng vi. Khimi ce ma kai bung bädü daila awng ai. Kai üng dü saite lä nang ce üng löci aesa te qawng-a bälawng saite Cäpje thai tui kätyng aelawng haw vi ai. Hini kätyng vi dylä kai lä kawng anghawtho vi ai. Kai lä nang ce angxynlyng hai mangtä kawng anghawtho vi ai.

Filipi 4:18

Vaihi kai lä nang ce tha saite angxynlyng na dang te vi dy. Kai lä vaihi aely ngai te qawng-a cang y awng vi dy. Nang ce ma Epaprodita te mang hai-a tha saite na kai lä dang vi dy. Honi na lä kai tähang tengxyng y bälai hai mang te vi. Nang ce üng säbawng te lä Säthaw üng maw-a mui üng saite rimui kätyng löci aesa saite na lawng te vi. Honi na lä Säthaw tea kawng hai te vi.

1 Thesalon 2:2

Kai ce lä Thesalonika märü-a nang ce tea ly y te kälang-a, Philipi märü üng khimi na ma kai ce tea mätang bälai-a sakälö khü te hai käsi thui saite na tea nang ce lä kähawi-a mäny ö te vi. Khimi ce lä kai ce tea elekhei sa täto ngaila, nang ce tea Angthang Kähawi thui vawng hethang Säthaw ma mä-ai tea lä säbawng te vi dy.

1 Thesalon 2:9

Yng saite kangby jä-ai na ä, kai ce lä nang ce hai awng te thüng-a, aethaw rae bärai te hai kälu sa tätang mei näte nang ce lä aedawng haile tyng ö te vi mei. Säthaw üng Angthang Kähawi thui te kätü-a, kai ce tea mäcaw mänei hethang lä bälungbi hai ö y ma ba. Tukätephüng-a kai ce lä kärung käni kälu sa ö te vi dy.

1 Thesalon 5:23

Awngneng te käpy Kung, Säthaw, lä nang ce te üng hing saite tea cai hai kha cungrü hai king vi ai. Mä-ai üng Areng Isu Khrista ly haile tyng te kätü khytä, nang ce tea cy y hethang Säthaw lä nang ce üng bälung hai hing saite ätabung na tea kähawi-a rui hethang kai lä aetang te vi.

1 Timote 1:11

Hini mätu saite kätüng lä cangxei saite Säthaw üng phung-ang phüng Angthang Kähawi hai mangtä aebäla te vi. Hini lä Säthaw ma kai tea sa hai saite kälu vi dy.

1 Timote 2:7

Honi phüng-a Säthaw lä ceng kälang na tea yng saite hai älo mitang phüng-a angthang thui hethang angtawtha-a kai bung re te vi. Kai thui saite lä lo mitang vi. Kaeling y lyng.

2 Timote 1:11

Säthaw lä hini Angthang Kähawi thui hai hethang kai bung angtawtha-a hai särae lawngtä-a re te vi dy.

Hebrai 13:16

Hawi saite kälu tea sa kha lawngtä tea lawngtä aesäbawng hethang lä tämang ö hang. Hini na lä Säthaw tea bälung kawng hai saite löci aesa te na phüng-a vi.

1 Piter 1:12

Äni ce üng kälu lä äma ce tähang y käla, nang ce tähang vi näte Säthaw ma hini buisaw na tea täphawng pa te vi dy. Känipre üng mätaw saite Muilaw Käcai üng haidae hai-a, Angthang Kähawi thui saite angtawtha na te mang hai vaihi nang ce lä thai pyng saite phüng na, äni ce lä thui ö te vi dy. Hini phüng na tea lä Känipre üng angtawtha na mäteng ma mäny hethang ngai ö te by vi.

1 Piter 2:5

Nang ce la hing saite lungphö na kätyng by vi. Säthaw lä äma üng Muilaw Käcai hai-a Ingkäcai sa hethang nang ce bung tawng sy. Hini Ingkäcai-a, nang ce la mäthykung käcai na kätyng kälu sa ö by vi ai. Nang ce lä Muilaw Käcai ma mäci saite kätyng löci na sa ö vi ai. Isu Khrista hai-a Säthaw lä nang ce üng löci na tea täla haw vi ai.