Pawlae ma Rom märü üng kangkawng tähang tärü saite cae 13:13 - Caekäcai Kangthae (Lemi)

¹³ Mä-ai lä kaevang-a hing saite khimi tähang aeteng khaw te kätyng hing ö si. Khimi ce üng jö nei phi kha bärui saite pawi-a qa ö hang. Täkübäjang sa saite na, aejaw aemang saite na, hai dökhaw saite na tea mä-ai lä sa ö hang si.

Asang Khongso New Testament

¹³ Athun ka aang ih kaom kami batiah hoihdak ta-ah om o si, hangh taitu hoi mu paquihaih hoiah om o hmah si, nongpui nongpa zae sakhaih hoi khet kamcuk aiah om o hmah si, angzoeh angaek o hmah siloa mi uthaih tawn o hmah si.

Pawlae ma Rom märü üng kangkawng tähang tärü saite cae 13:13 ပူးပေါင်းရင်းမြစ်များ

Luka 1:6

Änini lawng netä lä Säthaw maw-a käcüngky-a awng hawi te vi. Areng üng täru saite älo na la tängai hawi bärai te vi.

Luka 16:19

“Qengtä-a khimi känang saite lawngtä lä ävang ting phi saite kä-o käsa hai kähawi na aelawng kha käni qütä areng cyng ea kawng anghawtho te hai awng pa vi dy.

Luka 21:34

“Nang ce lä nei, ca pro te hai bärui si phi te phüng-a bälungli hai tang ö hang. Ätabung tähang bälungbi saite phüng-a la bälungli hai tang ö hang. Hakä awng dylä kai ly haile te kätü käni lä nang ce tea dawng aemang te kätyng aepö y tea ma tyngmu ai to.

Angtawtha 2:15

Hini khimi ce lä nang ce üng dawng te kätyng-a jö, ra na bärui ö te y lyng. Vaihi kädang thawde naeri täkawtä kae vi rawng.

1 Korin 3:3

Ätephüng-a mei nädylä nang ce lä nang ma ce üng ngaiphi tüng y saite leithung hui ö te vi rawng. Nang ce lä lawng lawngtä tea pä-e ö kha nang ma ce tingtawi älo ae-e ö jawjaw te vi. Hini kätyng sa te lä, ngaiphi tüng y saite leithung hui vi näte tea nang ce lä mätü ö te vi. Nang ce lä Säthaw bung mäny y saite khimi na kätyng awng ö te vi.

Galati 5:19

Ngaiphi tüng y saite bälung üng sa saite na lä: nawngpui nawngpaw kätyng mangtä i saite na, paesu paenai cawngkhang sa saite na, nawngmäcaw nawngmädi mangtä i hethang ngai te bälung awng saite na, mimi na tea cäphaw saite na, khimi ce tea ädawi hai käsi sa saite na, esäre saite na, aejaw aemang saite na, pä-e te bälung awng saite na, kädaw rae saite na, ae-aw saite na, aetäphü te bälung awng saite na, kangkawng sa lyky saite na, mä-ai ma tingtawi aepä-e saite na, jö nei ngae saite na, pawi qütä ly kha nei ca ngae saite na hai kälang hawi y sa saite na vi. Honi na kätyng sa saite khimi na lä Säthaw pre üng tähang kähawi dang haw y lyng. Kai lä jangni-a thui pyng te kätyng vaihi la sädi py te vi.

Ephesi 4:1

Areng üng kälu sa te phüng-a kai bung lä thawng thung-a pä-ung te vi. Säthaw ma nang ce bung ka te hai kaeteng-a nang ce lä kähawi-a awng hethang kai lä aesi aebai te vi.

Ephesi 4:17

Tukätephüng-a Khrista üng aenae hai-a nang ce tea kai lä mäci te vi. Nang ce lä Säthaw tea mäny y saite na kätyng awng ö vi hang lawi. Äni ce üng kaedawng saite na lä aetütü kae.

Ephesi 5:15

Tukätephüng-a nang ce üng sa saite na tea lä sädi khai ö. Khimi kaerö na kätyng y käla bälunghae saite na kätyng sa ö lawi.

Ephesi 5:18

Nang ce üng aeme aeqa te tea pra hai saite jö na tea lä nei ngae ö hang. Honi jüng-a Muilaw Käcai üng haidae lä nang ce tea pyng jawjaw sy.

Ephesi 5:8

Jangni-a nang ce lä käving thung-a awng ö vai saite na vi. Tungaila vaihi lä Säthaw üng khimi-a aelawng kha kaevang-a awng ö te na vi dy. Tukätephüng-a nang ce lä kaevang-a awng saite khimi na kätyng sa ö.

Filipi 1:27

Nang ce lä Khrista üng Angthang Kähawi yng saite tähang kaebäla-a awng hethang lä tätang aely leng te vi. Tukätephüng-a nang ce tea kai aeting haw y kha hanglaw mang nang ce üng angthang thai te läsy, aeting haw y te läsy, nang ce lä bälung mangtä aedü kha aedaw ö haw te kai lä mäny vi ai. Nang ce angxynlyng Angthang Kähawi üng yng saite tähang phüng-a aethaw mangtä aesa ea aety ö näte kai lä mäny vi ai.

Filipi 2:3

Nang ce lä mä-ai ma üng kängai qaitä kaedawng hai aethaw te bälung awng kha äte haetä la sa ö hang. Khimi kälang na lä nang ce qawng-a hawiky näte kaedawng hai bälung aemäneng kha awng ö.

Kolosa 1:10

Tupyng dylä Areng üng ngai te kätyng awng hethang, Areng ma kawng hai hethang nang ce lä sa haw jawjaw ö ai. Nang ce lä hawi saite kälu angxynlyng na sa ö ai. Tukha nang ce lä Säthaw tea mäny te qawng-a mäny rae ö ai.

Kolosa 3:5

Tudylä nang ce lä bädö saite bälung üng kängai-a hui ö hang ba. Täkübäjang sa saite na, cai y saite na, deirei saite na, ngaiphi tüng y sa hethang ngai saite na, ae-aw saite bälung na awng ö vi hang lawi. (Ae-aw saite bälung näte lä mimi tea cäphaw te kätyng by vi.)

1 Thesalon 2:12

Nang ce bung Säthaw lä äma üng pre hai phung-ang thung-a qa hethang tähang ka te vi. Tukätephüng-a kai lä nang ce tea Säthaw üng kängai-a hing hethang tähang aethaw py te, bälung bädang te hai mäci jawjaw te vi.

1 Thesalon 4:12

Hini kätyng sa dylä yng y saite khimi na lä nang ce üng hing saite tea nung kha nang ce tea tämö khai ö ai. Nang ce üng aely kängai lä ämi te üng säbawng saite la ngai y vi ai dy.

1 Thesalon 5:17

Aetang jawjaw ö ba.

Jako 4:5

Caekäcai thung-a thui saite lo, “Säthaw lä mä-ai üng bälung thung-a mäkung saite Muilaw ma mä-ai tea tengxyng y pä-e hai te vi” näkha näte tea nang ce lä aetütü käthi ö te vi mei.

1 Johan 2:6

Mä-ai lä Säthaw hai bungtä awng dylä Isu Khrista kätyng awng hethang kae.

2 Johan 1:4

Mä-ai üng Pä-ai Säthaw ma Ubädi py te kätyng nang üng caw nade phütä na lä lo mitang kätyng hing saite tea kai lä thai te phüng-a, tengxyng y anghawtho te vi.

Judae 1:23

Phütä na bung lä mai thung üng aetho dawde te kätyng ngärei thung üng aeqang ö ba. Sa tämang saite phütä na tea bäheng te kätü-a lä, sädi khai ö. Hunghö sa saite hai pawprae saite aekhu aena nae na tea lä esäre kha aela ö hang.