Pawlae ma Rom märü üng kangkawng tähang tärü saite cae 13:12 - Caekäcai Kangthae (Lemi)

¹² Kärung üng kätü lä khü aenai dy. Khötawi ai dy. Tukätephüng-a käving thung üng khimi na sa saite na lä sa hethang kae y dy. Kaevang thung üng aety nae ätawng äleng na tea süng ö si.

Asang Khongso New Testament

¹² Aqum loa boeng tom boah moa kho a dai tom boah. Khoving thungih hmuen sakhaih ihnawk to toengh o siloa khodai thungih misa tuk hanah lithom to la o si.

Pawlae ma Rom märü üng kangkawng tähang tärü saite cae 13:12 ပူးပေါင်းရင်းမြစ်များ

Pawlae ma Rom märü üng kangkawng tähang tärü saite cae 13:14

Tungaila nang ce lä Areng Isu Khrista üng ätawng äleng na süng ö. Nang ce üng ngaiphi tüng y saite bälung kätyng sa ö hang.

1 Korin 10:11

Mä-ai üng kangsi kangjaw na tea hini kätyng aeting te lä mä-ai tähang aetu nae haetä-a lawng te vi. Hini tyng saite na lä mä-ai tea sädi py hethang tärü te vi dy. Mä-ai hing saite kätü lä kangkhüng üng kätü hai aenai ö te vi dy.

1 Korin 7:29

Kangby jä-ai na ä, Säthaw üng kälu sa hethang kätü lä awng mang y vi näte kai thui hethang ngai te vi. Nawngpui awng saite yng te khimi lawngtä lä änawngpui awng y te kätyng awng hethang kae.

2 Korin 10:4

Kai ce ma süng saite maiphaw maicae na lä, hini älawngpre üng tho saite na y vi. Säthaw ma kai ce tea hini haidae awng saite maiphaw maicae na py te vi. Setan te üng aethaw awng saite kaedawng na tea täphra haw hethang vi. Tüng y saite älo ae-e te na tea täphra hethang vi.

2 Korin 6:7

Kai ce lä lo mitang thui kha Säthaw üng haidae hai-a kälu sa ö te vi dy. Cüng saite lä kai ce üng maiphaw maicae vi. Kai ce lä hini maiphaw maicae hai täre na tea aety kha mä-ai ma tea aedung ö te vi.

Ephesi 4:22

Tukätephüng-a jangni Säthaw bung mäny y te kälang-a, nang ce üng aeme aeqa kha käsi sa jawjaw saite na tea lä khaisö ö lawi. Hini ngaiphi tüng y saite na lä nang ce tea kaeling kaemae sa hai kha täphra hethang ngai ö te vi.

Ephesi 5:11

Käving thung-a awng saite khimi na lä ävang käting y sa ö te vi. Nang ce lä äni ce üng sa saite na thung-a qa ö hang. Honi jüng-a hikä käsi sa saite na tea lä täphawng pa ö.

Ephesi 5:8

Jangni-a nang ce lä käving thung-a awng ö vai saite na vi. Tungaila vaihi lä Säthaw üng khimi-a aelawng kha kaevang-a awng ö te na vi dy. Tukätephüng-a nang ce lä kaevang-a awng saite khimi na kätyng sa ö.

Hebrai 10:25

Khimi phütä na lä kangkawng üng khimi na aecöqu saite thung-a ly ö y vi dy. Tungaila mä-ai lä mangtä aecöqu jawjaw ö si. Areng tyng haile hethang käni lä aenai vi dy te phüng-a, mä-ai angxynlyng na lä aethaw aepy te qawng-a cang y aethaw aepy linglawng rae ö si.

Hebrai 12:1

Mä-ai üng yng saite tea nung khe saite khimipui na lä mä-ai tea sävenglü kha awng ö vi. Mä-ai lä aehui kha aepreng saite khimi na kätyng vi. Tukätephüng-a mä-ai tea aebiceng saite hunghö na tea lä khaisö ö si. Mä-ai ämaw üng lolang-a aethawsa kha aehui ö si dy.

Jako 1:21

Tukätephüng-a nang ce üng pawprae saite kaedawng hai aepä-e saite angxynlyng na khaisö ö lawi. Säthaw ma nang ce üng bälung thung-a mäkung saite lo tea nang ce lä aemäneng te bälung hai täla ö. Hini lo lä nang ce bung aeqang haw te vi.

Jako 5:8

Nang ce lä mä-ai üng Areng ly haile hethang kätü lä aenai te phüng-a cakhi-a änawngsa ö.

1 Piter 2:1

Nang ma ce üng käsi sa saite angxynlyng na, kaeling kaemae sa saite, käjüng aesa saite, pä-e saite hai khimi ce phüng käsi prawng saite angxynlyng na tea lä khaisö ö lawi.

1 Piter 4:7

Hini älawngpre teng hethang kätü lä aenai vi dy. Tukätephüng-a nang ma ce tea aeküng kha canglailing te hai awng ö. Tudylä nang ce lä aetang haw ö ai.

2 Piter 3:11

Hini kätyng ätete angxynlyng lä pra king vi ai te phüng-a, nang ce lä ätemakä sa kha awng hethang kae ö te mei. Nang ce üng hing saite angxynlyng lä cai kha Säthaw tea kawng hai hethang kae.

2 Piter 3:9

Areng lä äma üng älo aedo saite kätyng sa hethang kätü tea mänawng te vi näkha khimi phütä na lä dawng ö te vi. Honi jüng-a nang ce tea änawngsa kha ämi lawngtä bung la pra hai hethang ngai te y vi. Äni lä khimi qütä tea äma ce hunghö sa saite ae-ui hai hethang ngai te vi.

1 Johan 2:18

Kai üng bälung aevaw saite caw nade na ä, kangkhüng üng kätü lä tyng vi ai dy. Khrista üng täre kälengky lä tyng ai näte tea nang ce lä thai ö pyng te vi dy. Vaihi la Khrista üng täre na lä awng mang-a tho rüng pyng te vi dy. Tukätephüng-a kangkhüngky üng kätü lä aenai vi näsaite tea mä-ai lä mäny ö te vi.

Lokphong 1:3

Hini buisaw lo thui rüng saite na tea phai kha thai te lo tängai saite khimi angxynlyng na lä tähang hawi. Ätephüng-a mei nädylä hini angxynlyng na tyng hethang kätü lä aenai dy.

Lokphong 22:10

Honi pyng-a äni ma kai tea, “Hini cae-u üng buisaw lo na tea lä ho kha khai hang ba. Ätephüng-a mei nädylä hini angxynlyng na tyng hethang kätü lä, aenai vi dy.