Pawlae ma Rom märü üng kangkawng tähang tärü saite cae 12:6 - Caekäcai Kangthae (Lemi)

⁶ Tukä dylä mä-ai angxynlyng na lä Säthaw ma mä-ai tea py saite tähang kähawi kätyng aetawng y sakaw saite na awng ö qi te vi. Mä-ai üng sakaw saite lä Säthaw üng Angthang thui haw saite vi dylä, mä-ai lä mä-ai ma üng yng saite kätyng thui hethang kae.

Asang Khongso New Testament

⁶ Topongah langrae kalah kalah hnuk o ih hae Sithaw mah paek ih tahmenhaih hnuk o ih taring batiah patoh o si;

Pawlae ma Rom märü üng kangkawng tähang tärü saite cae 12:6 ပူးပေါင်းရင်းမြစ်များ

Mathai 23:34

“Tängai ö, kai lä nang ce tea buisaw na hai, khimi cüng saite na hai Caekäcai mätu saite särae na bung mätaw vi ai. Tungaila nang ce lä äni ce thung üng phütä na bung lä thinglang qawng-a bädü ö vi. Phütä na bung lä Judae na üng ingkäcai-a bo kha phütä na bung lä märü qütä-a aehui hai ö ai.

Mathai 25:22

“Tupyng-a sui phawisae sang netä, dang saite mawsawng lä ly ea ‘Särae ä, nang ma kai tea rui pa hethang py saite sui phawisae sang netä a vi. Kheng e, kai ma sang netä tea kaepai sa kha sang netä aepu hai rae dy’ näkha näpa.

Luka 11:49

Hini phüng-a Säthaw lä äma üng bälungkähae hai-a ‘Kai ma Isrelae khimi na tea buisaw na hai angtawtha na bung mätaw vi ai. Isrelae khimi na ma buisaw phütä na tea, mätangca-a sa pa. Buisaw kälang na tea la bädü pa vi ai’ näpa.

Angtawtha 13:1

Antioh kangkawng thung-a lä buisaw na hai särae na awng vi. Äni ce lä Banaba, khimi kangnung näsaite Simon, Sarene khö üng Lucia, Herodae hai mangtä ryng saite Manen hai Sawlae ce vi.

Angtawtha 15:32

Buisaw Judae hai Saila ni lä äni ce tea kätü käsa-a aethaw py pa kha yng te cakhi hai rae vi dy.

Angtawtha 2:17

‘Säthaw ma kangkhüng üng käni-a lä, kai ma khimi angxynlyng na tea kai ma üng Muilaw Käcai py vi ai. Nang üng cäpaw cänung na ma buisaw lo thui ö vi ai. Nang üng särai na lä, äsämai na nung ö vi ai. Nang üng mätawng nawngmäcaw na lä aemang na nung ö vi ai.

Angtawtha 21:9

Äni tea nawngpaw nang y saite cänung lawng bälitä awng vi. Honi äcänung na lä buisaw lo aepae haw saite na vi.

Pawlae ma Rom märü üng kangkawng tähang tärü saite cae 1:11

Nang ce üng yng te cakhi hethang tähang Muilaw Käcai te üng tähang kähawi nang ce tea py hethang ngai te phüng-a, nang ce hai kai lä aeting hethang ngaiphi te vi.

Pawlae ma Rom märü üng kangkawng tähang tärü saite cae 12:3

Kai tea Säthaw ma py saite tähang kähawi phüng-a, nang ce angxynlyng na tea kai lä thui hethang ngai te vi. Nang ce lä mä-ai ma tea dawng ngece hethang kae saite qawng-a cang y, aedawng ö hang. Nang ce tea Säthaw ma py te yng saite kätyng mä-ai ma tea mä-ai ma kaeteng khaw-a aedawng ö.

1 Korin 12:18

Tungaila Säthaw lä mä-ai üng ätabung tea kaepreng awng mang saite na hai sa pyng te vi dy. Äni lä hini kaepreng angxynlyng na tea äma üng ngai saite kätyng sa rüng pa te vi dy.

1 Korin 13:2

Kai lä buisaw lo thui haw te läsy, Säthaw üng ho saite lo angxynlyng na tea mänykaw te läsy, bälunghae saite angxynlyng na awng te läsy, me anghung na tea mäthuija haw te khytä yng te awng ngaila, kai üng kangby jä-ai na tea bälung aevaw y dylä, kai lä aetütü kae.

1 Korin 14:1

Nang ma ce üng kangby jä-ai na tea bälung aevaw hethang aethawsa ö. Muilaw Käcai ma py saite sakaw saite na dang hethang nang ce lä ngaiphi saite bälung awng ö. Angcüky-a buisaw lo thui hethang nang ce lä ngaiphi saite bälung awng ö lawi.

1 Korin 14:24

Tungaila nang ce angxynlyng ma buisaw lo thui te kätü-a, yng y saite khimi na, y dylä ärang üng khimi na kung dylä, nang ce üng thui saite lo na phüng-a, äni ce lä hunghö awng näte mäny ö ai. Nang ce angxynlyng üng älo na ma äni ce tea tärae cei ö vi ai.

1 Korin 14:29

Buisaw lo na tea khimi lawng netä y dylä, lawng thungtä thui ö sy. Khimi kälang na ma hini buisaw lo na hai thui saite lä Muilaw Käcai hai thui mei, thui y mei, näte dawng ö khü sy.

1 Korin 3:5

Pawlae lä ämi mei. Apolo lä ämi mei. Kai ni lawng netä lä Isu Khrista tea nang ce yng hethang säbawng saite Säthaw üng mawsawng na kae. Areng lä mä-ai tea py saite aetawng y te kälu tea mä-ai ni lä sa haw qi hawi te vi.

1 Korin 7:7

Kai lä ingthawng sa y käla awng te kätyng, khimi qütä awng dylä, hawiky vi näkha kai lä dawng te vi. Tungaila khimi qütä tea lä Säthaw ma äma ce üng sakaw saite na py qi te vi. Säthaw ma khimi ce tea py te sakaw saite na lä haetä hai haetä aetawng te y vi.

2 Korin 8:12

Nang ce lä säbawng he ngai saite bälung awng ö dylä, nang ce üng py haw saite tea lä Säthaw ma täla vi ai. Säthaw lä nang ce py haw y saite tea ngai te y.

Ephesi 3:5

Jangni üng dung-a Säthaw lä hini ho saite mawlang kaedawng khimi ce tea täphawng pa te y. Tungaila vaihi Säthaw lä äma üng angtawtha käcai na hai buisaw käcai na tea Muilaw Käcai hai-a hini mawlang kaedawng tea täphawng pa te vi dy.

Ephesi 4:11

Hini Areng lä äma üng kangkawng na tea sakaw saite cawngkhang na py pa te vi. Äni lä khimi phütä na tea angtawtha na-a lawng hethang sakaw saite na py kha kälang phütä na tea lä buisaw na-a lawng hethang sakaw saite na py pa te by vi. Phütä na tea lä Angthang Kähawi thui hethang sakaw saite na py pa te vi. Kälang phütä na tea lä yng saite na bung rui kha mätu hethang sakaw saite na py pa vi dy.

Filipi 3:15

Muilaw Käcai hai-a ryng saite mä-ai angxynlyng na lä hini bälung kaedawng mangtä awng hethang kae. Tungaila nang ce phütä üng bälung kaedawng na kälang-a awng vi dylä, Säthaw ma nang ce tea hini na mäny hai hethang säbawng ö ai mang.

1 Thesalon 5:20

Buisaw na üng lo na tea lä mäthi y käla awng ö hang ba.

2 Piter 1:20

Aely lengky te lä, Caekäcai thung-a awng saite buisaw na üng lo lä ämi lawngtä ma la äma üng kaedawng hai thui mäcai haw y lyng näte nang ce lä mäny ö hethang kae.