Pawlae ma Rom märü üng kangkawng tähang tärü saite cae 12:3 - Caekäcai Kangthae (Lemi)

³ Kai tea Säthaw ma py saite tähang kähawi phüng-a, nang ce angxynlyng na tea kai lä thui hethang ngai te vi. Nang ce lä mä-ai ma tea dawng ngece hethang kae saite qawng-a cang y, aedawng ö hang. Nang ce tea Säthaw ma py te yng saite kätyng mä-ai ma tea mä-ai ma kaeteng khaw-a aedawng ö.

Asang Khongso New Testament

³ Sithaw ih tahmenhaih langrae ang paek ih ranghoiah nangcae longto rip khaeah hitiah kang thuih o: Nangmahcae hoi nangmahcae to kasang paraiah angdawn o hmah. Totipongah loa Sithaw mah taanghaih paek o ih taring batiah dawnhaih ih to oh na soe.

Pawlae ma Rom märü üng kangkawng tähang tärü saite cae 12:3 ပူးပေါင်းရင်းမြစ်များ

Luka 18:11

“Pharisai lä aedaw ea äma phüng hai aetang pa te lä ‘Säthaw ä, kai lä khimi kälang na, kangru na, käsi sa saite na, täkübäjang sa saite na hai honi angko cawng saite khimi kätyng y te phüng-a nang tea kawng bärai ba.

Johan 3:34

Säthaw ma mätaw saite lawngtä lä Säthaw üng älo angthang thui vi. Säthaw ma äni tea Muilaw Käcai käkawi-a py pa te vi.

Pawlae ma Rom märü üng kangkawng tähang tärü saite cae 1:5

Honi Areng hai-a Säthaw ma kai lä Khrista tähang mawsawng sa kha angtawtha lawng hai hethang tähang kähawi py te vi dy. Ceng angxynlyng üng khimi na lä yng kha tängai ö hethang Säthaw lä kai tea Angthang Kähawi thui hai te vi.

Pawlae ma Rom märü üng kangkawng tähang tärü saite cae 11:20

Älawng mang. Judae khimi na lä yng y te phüng-a, äni ce lä cangpre tängang saite kätyng vi. Nang ce lä yng ö te phüng-a, aesätawng haw te kae. Tungaila aethaw ö hang. Ri saite bälung awng ö.

Pawlae ma Rom märü üng kangkawng tähang tärü saite cae 11:25

Kangby jä-ai na ä, kai lä Säthaw üng ho saite na nang ce tea mäny hai hethang ngai te vi. Tudylä nang ce lä nang ma ce tea, “Mä-ai lä tengxyng y bälunghae vi dy” näkha dawng ö y ai dy. Honi ho saite lä hini kätyng vi. Isrelae khimi na üng bälung tangkö saite lä dungtäsa aekang y lyng. Ceng kälang na thung üng Säthaw tea yng saite na cungrü te khytä kae vi.

Pawlae ma Rom märü üng kangkawng tähang tärü saite cae 12:16

Yng saite khimi qütä hai bälung mangtä aedü ö. Aethaw ö hang. Mätang saite khimi hai kangby jä-ai na aesa ö. Mä-ai ma tea mä-ai ma bälunghae te vi näkha aedawng ö hang.

1 Korin 15:10

Tungaila Säthaw üng tähang kähawi phüng-a, kai lä äni üng angtawtha-a lawng te vi dy. Kai tea Säthaw ma py saite tähang kähawi lä aetütü-a lawng te y vi. Kai lä angtawtha kälang na qawng-a aethaw saky te vi. Tungaila kai ma sa te y lyng. Säthaw üng tähang kähawi lä kai hai mangtä awng te phüng vi.

1 Korin 3:10

Säthaw ma kai tea py saite tähang kähawi hai-a kai lä ing kähawi sakaw bärai saite kälu tea sa te vi. Kai lä Korin märü-a Angthang Kähawi thui kha Isu tea nang ce yng hethang säbawng te vi dy. Hini kätyng kai lä Säthaw üng ing aenyng nae sa vi dy. Hini pyng-a kai ma aetawng saite hini ing tea Khristen kangby jä-ai kälang na lä sa ö jawjaw te vi dy. Tungaila mä-ai angxynlyng na makä Säthaw üng ing tea sa hethang kae mei näte kähawi-a dawng ö qi hethang kae.

1 Korin 7:17

Tudylä nang ce bung Säthaw ma ka te kätü-a, nang ce awng saite kätyng-a nang ce lä awng ö jawjaw ba. Kai lä kangkawng qütä-a hini kätyng mätu te vi.

2 Korin 10:13

Kai ce lä Säthaw ma py saite aethaw hai aenae qawng-a cang y aethaw ö te y vi. Kai ce lä Säthaw ma py saite kälu phüng xyngtä ni aethaw ö vi ai. Kai ce üng kälu sa saite lä nang ce awng saite mityng khytä tyng vi dy.

2 Korin 12:13

Kai lä nang ce tea kangkawng kälang na üng aely leng y te kätyng dawng te vi mei. Kai ma üng aely ngai saite na phüng-a, nang ce tea kai lä bälungbi hai y lyng. Hini xyngtä phüng-a nang ce lä kangkawng kälang na hai aetawng te y. Hini kätyng nang ce tea kai üng sa tämang saite tea lä bälawi ö ba.

2 Korin 12:7

Tukha Säthaw ma kai tea mätü te cangxei phi saite aetüng te na phüng-a, kai lä bälung lengphi y hethang Säthaw ma kai üng ätabung thung-a nawphi saite bäthaw tea ru hai te vi. Säthaw ma Setan angra üng angtawtha bung kai tea bo hai hethang py pa vi dy.

Galati 6:3

Khimi lawngtä lä aely leng y ea ma, äma tea aely lengky-a aekhai dylä, äma tea kaeling aesa raw te kae vi.

Ephesi 3:2

Kai lä nang ce ceng kälang na tea Angthang Kähawi thui hethang Säthaw ma kai tea äma üng tähang kähawi hai-a py saite kälu lä nang ce thai tätang ö pyng te vi dy.

Ephesi 3:4

Hini tea phai te kätü-a Khrista üng ho saite angthang kai thaikaw saite tea nang ce la mäny ö ai mang.

Ephesi 4:16

Khrista lä äma üng ätabung kaesui kaepreng angxynlyng na tea kaebäla-a mangtä käcüng te vi. Ätabung aela xhixae y hethang mä-ai lä aesätawng saite ähu ähawng hai aethaw rui na kätyng vi. Ätabung angxynlyng na üng kaesui kaepreng angxynlyng na äma ce üng kälu sa qi dylä ätabung angxynlyng na lä ryng kha aethaw awng te hai ätabung kaepreng tingtawi bälung aevaw ö qi te vi.

Filipi 2:13

Ätephüng-a mei nädylä Säthaw lä nang ce üng bälung thung-a kälu sa jaw jaw te vi. Nang ce lä Säthaw üng aely kängai sa hethang hai äni üng kawng saite sa hai hethang äni lä nang ce tea säbawng te vi.

Kolosa 1:29

Tukätephüng-a kai lä hini kätyng aethawsa kha kälu sa te vi. Khrista ma py saite phung-ang lä kai üng äthung-a awng kha sa te vi ba.

Kolosa 2:13

Jangni-a nang ce lä hunghö sa kha reitae-a hui y saite khimi kälang na te phüng-a, dü saite na kätyng vi dy. Tungaila Säthaw lä Khrista hai mangtä nang ce tea hing hai te vi dy. Mä-ai üng hunghö angxynlyng na tea Säthaw lä bälawi vi dy.

1 Timote 1:14

Mä-ai üng Areng lä kai tea tengxyng y tähang kähawi py te vi dy. Kai la äni tea yng kha khimi kälang na tea bälung aevaw haw hethang sa te by vi dy. Ätephüng-a mei nädylä kai lä Isu Khrista hai bungtä awng te vi dy.

1 Timote 2:15

Nawngmädi na lä caw na aepeng te hai-a aeqang te dang ö vi ai. Äni ce lä Isu Khrista tea yng saite, khimi ce tea bälung aevaw saite, cai saite hai khimi ce ämi kaepi-a Säthaw üng kängai-a hing jawjaw dylä Säthaw ma äni ce bung aeqang pa ö ai.

1 Timote 2:9

Nawngmädi na tea la khimi ce üng ämi kaepi-a hai khimi qütä äni ce tea tämö khai he kaeteng-a aekhu aena hai hethang kai lä ngai te vi. Äni ce üng äsang na lä kanglai pro-a aesa ö hang. Äni ce lä sui na, khawisäling kälung na hai ävang ting bärai saite kä-o, nitha na la aemäthy hethang kae ö y.

Titas 2:12

Säthaw lä tähang kähawi hai-a, mä-ai tea äma üng kängai y-a aeme aeqa saite na khai sö hethang mätu te vi. Säthaw bung mäny y saite khimi na üng ngaiphi tüng y saite na tea hui y hethang mä-ai lä aetu ö te vi. Hini älawng qawng-a awng te kätü-a, mä-ai tea aeküng kha cüng saite hai Säthaw üng kängai-a hing hethang la aetu ö te vi.

Titas 2:2

Nawngmäcaw mätawng na lä äma ce ma aeküng hethang, khimi ce ma tämö khai hethang, bälung kätüng awng ö hethang kae. Äni ce lä yng cakhi te hai bälung aevaw te awng kha änawngsa hethang kae.

Titas 2:4

Hini kätyng äni ce lä nawngmädi anglaw na tea äma ce üng nawngpaw na hai caw nade na tea bälung aevaw ö hethang mätu he kae.

Titas 2:6

Hini kätyng särai na tea lä äma ce ma kähawi-a aeküng hethang mäci pa ö.

Jako 4:6

Tungaila Säthaw ma mä-ai tea tähang kähawi py rae te vi. Tukätephüng-a Caekäcai-a, “Säthaw lä aethaw saite khimi na tea elekhei sa te vi. Tungaila aemäneng saite khimi na tea lä tähang kähawi py te vi” näkha thui vi.

1 Piter 1:13

Tukätephüng-a nang ma ce tea aeküng kha kälu tähang nang ma ce üng bälung kaedawng na tea lä aerü rüng ö lawi. Isu Khrista ly haile te kätü-a, nang ce tea tähang kähawi py ai näte nang ce lä cungrü-a aethang khai jawjaw ö lawi.

1 Piter 4:11

Thuikaw saite khimi na lä Säthaw üng angthang thui hethang kae. Khimi kälang tea säbawng saite khimi na lä Säthaw üng aethaw hai-a säbawng hethang kae. Tudylä, nang ce sa saite angxynlyng na hai khimi ce lä Isu Khrista hai-a Säthaw tea bälaw haw ö ai. Äni üng haidae hai phung-ang lä dungtäsa awng jawjaw sy. Amen.

1 Piter 4:7

Hini älawngpre teng hethang kätü lä aenai vi dy. Tukätephüng-a nang ma ce tea aeküng kha canglailing te hai awng ö. Tudylä nang ce lä aetang haw ö ai.

1 Piter 5:5

Honi kätyng, nang ce anghyngli na ä, nang ma ce üng mätawngky na üng älo na tängai hethang kae. Nang ce lä bälung aemäneng kha awng ö. Caekäcai thung-a, “Säthaw lä aethaw saite khimi na tea elekhei sa te vi. Tungaila aemäneng saite khimi na tea lä tähang kähawi py te vi” näkha nä vi.

1 Piter 5:8

Nang ce lä aeküng kha canglailing te hai awng ö. Nang ce üng täre Setan angra lä lawng lawngtä tea täphra hethang ämaw ähawng sa saite xangsi täkai kätyng aevi kha mäqang te vi.

3 Johan 1:9

Kai lä nang ce märü-a awng saite Khristen kangkawng tea cae tärü vai vi dy. Tungaila Diotrephes lä kai üng thui saite lo tea tängai te y. Äni lä äma qaitä kangkawng üng mätawngky sa hethang ngai te vi.