Pawlae ma Rom märü üng kangkawng tähang tärü saite cae 12:2 - Caekäcai Kangthae (Lemi)

² Nang ce lä hini älawngpre-a awng saite khimi üng reitae kätyng hing jawjaw ö hang. Nang ce lä mä-ai ma üng bälung kaedawng tea Säthaw ma mäqa king te hai-a äni ce ma nang ce tea kangthae lawng hai sy. Hokä dylä hawi saite na, Areng üng bälung-a kawng hai saite na näte Säthaw üng cungrü saite aely kängai lä mani mei näte tea nang ce lä mäny haw ö vi ai.

Asang Khongso New Testament

² Hi longnui tawk batiah hae om o hmah, to-e Sithaw mah nangcae ih palungthin boih to athungbang ah kacung ta-ah alaih pan na soe. Totibaloa Sithaw koehhaih ih to nangcae mah panoek o ueloa Sithaw hma-ah timaw ka hoih, timaw anih palung anghoehaih ih tihoi timaw kacung kakoep tito na panoek o thaih tih.

Pawlae ma Rom märü üng kangkawng tähang tärü saite cae 12:2 ပူးပေါင်းရင်းမြစ်များ

Mathai 13:22

Angling thung-a aeqa saite ämöti na lä Säthaw üng lo thai pyng saite khimi na tea thui te vi. Tungaila äni ce lä bälung mawng saite hai tawngnang saite hai ngai saite na phüng-a yng saite lä ryng kha äthai aethai haw y.

Marka 4:19

Tungaila äni ce lä bälung mawng saite, tawngnang saite hai mä-ai ma üng kängai saite na phüng-a yng saite lä ryng haw ö y te vi. Säthaw üng lo tea lä bäja te phüng-a äthai lä aethai haw pa y dy.

Johan 14:30

Älawngpre bung pyng saite Setan angra lä, ly sälö te phüng-a, Kai lä nang ce hai älo awng mang-a aepe haw y ai dy. Äni lä kai tea bäja haw y lyng.

Johan 15:19

Nang ce lä älawng hai aesui saite khimi na y. Nang ce lä älawng üng khimi na aesui dylä äni ce ma nang ce tea äma ce üng rawijae kätyng bälung aevaw ai mang. Kai lä nang ce bung älawng üng khimi na thung üng re te dy. Tukätephüng-a älawng üng khimi na ma nang ce tea esäre ö te kae.

Johan 17:14

Nang üng älo äni ce tähang Kai py pa vi dy. Älawng üng khimi na ma äni ce tea esäre pa ö vi. Ätephüng-a mei nädylä, Kai älawngpre hai aesui y te kätyng, äni ce la älawngpre hai aesui ö y.

Johan 7:7

Älawngpre üng khimi na lä nang ce tea esäre haw y. Kai tea esäre ö te vi. Honi kätyng esäre te lä kai ma äni ce sa saite kähawi y na phüng thui pa te phüng-a vi.

Pawlae ma Rom märü üng kangkawng tähang tärü saite cae 12:1

Tukä dylä kai üng kangby jä-ai na ä, Säthaw lä mä-ai tea tengxyng y bäheng te phüng-a kai lä nang ce tea mäci hethang ngai te vi. Hing saite löci mawi kätyng nang ma ce ma Säthaw tea ae-a ö. Äni üng kälu sa hethang hai äni tea kawng hai hethang la ae-a ö. Hini nang ce üng ae-a saite lä Säthaw tea cäphaw tätang te vi.

Pawlae ma Rom märü üng kangkawng tähang tärü saite cae 13:14

Tungaila nang ce lä Areng Isu Khrista üng ätawng äleng na süng ö. Nang ce üng ngaiphi tüng y saite bälung kätyng sa ö hang.

Pawlae ma Rom märü üng kangkawng tähang tärü saite cae 7:12

Tukätephüng-a Ubädi lä cai vi. Särilo lä caiping saite, mitang khaw saite hai hawi saite vi.

Pawlae ma Rom märü üng kangkawng tähang tärü saite cae 7:14

Ubädi lä Säthaw üng Muilaw hai aesui vi näte mä-ai lä mäny ö vi. Tungaila kai lä dü haw saite ätabung hai aesui saite khimi lawng kha hunghö üng mawsawng lawng te vi.

Pawlae ma Rom märü üng kangkawng tähang tärü saite cae 7:22

Säthaw üng Ubädi lä kai üng bälung tea kawng hai te vi.

1 Korin 3:19

Hini älawngpre üng khimi na ma bälunghae te kätyng dawng saite lä Säthaw üng maw-a aetütü kae vi. Caekäcai thung-a lä, “Säthaw ma bälunghae vi näkha dawng saite khimi na tea lä äma ce üng bälung kaeke kaeme hai-a mäthang sa pa vi ai” näkha tärü te vi.

2 Korin 4:4

Hini älawngpre tea pyng saite Setan lä yng y saite khimi na üng bälung kaedawng na tea ving hai pa te vi. Tukätephüng-a äni ce lä Khrista phüng Angthang Kähawi üng phung-ang aesang saite kaevang tea nung haw ö y. Khrista lä Säthaw hai aetawng khaw te vi.

2 Korin 5:17

Khrista hai bungtä awng saite khimi qütä lä, khimi kangthae-a lawng vi dy. Älang kangrüng kätyng hing saite na lä aemai king vi dy. Älang kälang kangthae-a hing saite lä tyng te vi dy.

Galati 1:4

Mä-ai üng Pä-ai Säthaw aely kängai-a mä-ai üng hunghö sa te phüng-a, Isu Khrista lä dü pa te vi dy. Hini hai-a käsi kaedawng saite hai kähawi y sa saite khimi na kätyng awng y hethang äni lä mä-ai bung aeqang te vi.

Ephesi 1:18

Äni lä lo mitang tea nang ce mänykaw hethang säbawng ai näte kai lä aetang te by vi. Tudylä nang ce bung ka te kätü-a, aedo kha aethang khai saite tea nang ce lä mäny ö ai. Äma üng khimi na tea py hethang älo aedo saite tähang kähawi käleng na nang ce mäny ö by hethang kai lä aetang te vi.

Ephesi 2:2

Nang ce lä hini älawngpre üng khimi na kätyng hunghö sa ö te vi dy. Khösang-a awng kha haidae awng te angra na bung pyng saite Setan angra tea hui ö vi dy. Hini Setan angra lä Säthaw lo tängai y saite khimi na bung hawi y saite mang-a bähawi jawjaw vi.

Ephesi 5:17

Tukätephüng-a nang ce lä khimi kangthö na-a lawng y käla, Säthaw üng aely kängai na mäny hethang aethawsa ö lawi.

Kolosa 1:9

Tukätephüng-a, nang ce üng angthang thai te phüng-a, nang ce tähang aehae y käla ma kai ni lä aetang jawjaw ö te vi. Säthaw lä nang ce tea mani kätyng awng hai hethang ngai mei näte mäny hethang kai ni lä aetang pa te vi. Säthaw lä nang ce tea Muilaw Käcai tähang hai, thaikaw te bälungkähae py hethang tähang kai ni lä Säthaw tea aetang hawi pa te vi dy.

Kolosa 3:10

Nang ce lä vaihi khimi kangthae-a aelawng ö te vi dy. Säthaw lä nang ce üng äthung-a kähawi aeme aeqa saite na mäkung kha äma üng ämaw äcae hai aetawng rung khytä sa te vi dy. Tukätephüng-a nang ce lä äni bung tätang khaw-a mäny ö ai.

Kolosa 4:12

Nang ce üng lawngtä Khrista Isu üng mawsawng Epaphra, la nang ce tea cibai sa te lo thui by vi. Nang ce tähang äni lä aetang jawjaw pa te vi. Nang ce üng yng saite cakhi hethang Säthaw üng sa pa saite na tea nang ce mäny hethang äni ma aetang jawjaw pa te vi dy.

1 Thesalon 4:3

Säthaw lä nang ce tea täkübäjang sa saite na aehi king kha käcai-a awng hai hethang ngai te vi.

Jako 1:27

Mä-ai üng Pä-ai Säthaw ngai saite kälu na lä mätang bälai saite ruicaw na hai nawngmädi lömai na tea säbawng hethang vi. Tukha hini älawngpre khimi na üng käsi sa saite hai-a, nang ce lä pawprae y hethang aethawsa ö.

Jako 4:4

Nang ce lä täkübäjang sa ö saite kätyng vi. Nang ce lä honi älawngpre üng hawi y saite älang tea bälung aevaw dylä, Säthaw tea esäre te vi dy näte nang ce lä mäny ö y mei. Hini älawngpre üng rawijae aesa hethang ngai saite khimi lä Säthaw üng täre-a lawng te vi dy.

1 Piter 1:14

Nang ce lä älo tängai saite Säthaw üng caw nade na kätyng hing hethang kae. Vaihi nang ce lä nang ma ce üng ngaiphi tüng y saite bälung kätyng hui ö hang. Honi lä Säthaw bung nang ce mäny y te kätü-a, sa saite kae.

1 Piter 1:18

Nang ce lä nang ma ce üng kangsi kangjaw te üng dang saite ävang käting y hing saite älang üng lawi hai hethang Säthaw ma py saite tea mäny ö te vi. Äni ma py saite ävang lä pra haw saite sui hai tangkae kätyng y.

1 Piter 2:3

Areng lä hawi vi näte vaihi nang ce lä kähawi mäny khe ö te vi dy.

1 Piter 4:2

Vaihi üng hai älawngpre-a nang ce üng hing saite kätü-a, nang ma ce üng ngaiphi tüng y saite kätyng awng hethang kae y. Säthaw üng aely kängai tähang hing ö lawi.

2 Piter 1:4

Äni üng phung-ang hai hawi saite hai-a äma lä mä-ai tea lengphi saite hai ävang käting älo aedo saite na py te vi dy. Tukätephüng-a äni üng älo aedo saite na hai-a nang ce lä hini älawngpre üng ngaiphi tüng y saite hai-a täphra saite üng aelawi kha Säthaw üng käcüng aeme aeqa saite kätyng nang ce üng käcüng-a aeme aeqa saite thung-a la awng haw ö vi ai.

2 Piter 2:20

Äni ce lä mä-ai üng Aeqangkung Areng Isu Khrista bung mäny te hai-a, hini älawngpre üng täphra saite käsi üng aelawi pyng-a, äni ce üng hini käsi dawng-a aemang kha pyng pa haile vi dylä, angcü üng Khrista tea yng y te kälang üng kätü qawng-a siky ö vi ai.

1 Johan 3:13

Kai üng rawijae na ä, älawngpre üng khimi na ma nang ce tea esäre dylä cangxei ö hang.

1 Johan 5:19

Mä-ai lä Säthaw üng caw nade na vi näte hini älawngpre üng khimi angxynlyng na tea Setan ma pyng ngaila mäny ö te vi.

Lokphong 12:9

Setan angra näsaite Näka käleng lä cangkhawng üng bärui hai äma üng kangby jä-ai na lawng vai saite Känipre angtawtha na bung lä mangtä Säthaw ma älawng qawng-a käde phae pa ö vi dy. Äni lä älawngpre angxynlyng-a awng saite khimi na tea kaeling kaemae sa vi dy.

Lokphong 13:8

Hini älawngpre-a awng saite khimi angxynlyng na lä hini mawikäsi tea cäphaw ö ai. Älawngpre sa y kälang üng hai dungtäsa kähing dang hethang ämüng lä bädü saite Beram caw üng cae-u thung-a tärü saite khimi na xyngtä ni mawikäsi tea cäphaw ö y vi ai.