Pawlae ma Rom märü üng kangkawng tähang tärü saite cae 12:16 - Caekäcai Kangthae (Lemi)

¹⁶ Yng saite khimi qütä hai bälung mangtä aedü ö. Aethaw ö hang. Mätang saite khimi hai kangby jä-ai na aesa ö. Mä-ai ma tea mä-ai ma bälunghae te vi näkha aedawng ö hang.

Asang Khongso New Testament

¹⁶ Nangmahcae taham to na poek o batih toengah mi kalah taham to doeh poek pae o haih toeng ah. Amoek o hmah aloa tok kathoeng tata sak koehhaih ih palungthin tawn oah. Kacing kami ni tiah dawn o hmah.

Pawlae ma Rom märü üng kangkawng tähang tärü saite cae 12:16 ပူးပေါင်းရင်းမြစ်များ

Mathai 11:5

Ämi kangjö na ämi nung haw ö dy. Äkho kangbai na aeke haw ö dy. Ängang käsi mang saite na la hawi sa pa dy. Känaw pang saite na la thai haile tyng ö dy. Dü saite na lä aetha haile tyng ö dy. Mätang saite khimi na Angthang Kähawi thai ö by dy.

Mathai 26:11

Mätang saite na lä nang ce hai mangtä awng jawjaw te kae. Kai lä nang ce hai mangtä awng jawjaw he y lyng.

Luka 14:13

Nang ma pawi sa te kätü-a lä khimi kangtang na hai, kaeqa na hai, ämi kangjö na bung phai ka kae ba.

Luka 6:20

Isu ma äkähui na tea kheng kha “Mätang saite nang ce lä tähang hawi, Säthaw üng pre lä nang ce tähang vi.

Angtawtha 4:32

Käyng angxynlyng na lä bälung mangtä aedü kha awng ö vi. Ämi lawngtä la vyngsai angxynlyng na mäsai te awng y käla ma mangtä mäsung ö vi.

Pawlae ma Rom märü üng kangkawng tähang tärü saite cae 11:20

Älawng mang. Judae khimi na lä yng y te phüng-a, äni ce lä cangpre tängang saite kätyng vi. Nang ce lä yng ö te phüng-a, aesätawng haw te kae. Tungaila aethaw ö hang. Ri saite bälung awng ö.

Pawlae ma Rom märü üng kangkawng tähang tärü saite cae 11:25

Kangby jä-ai na ä, kai lä Säthaw üng ho saite na nang ce tea mäny hai hethang ngai te vi. Tudylä nang ce lä nang ma ce tea, “Mä-ai lä tengxyng y bälunghae vi dy” näkha dawng ö y ai dy. Honi ho saite lä hini kätyng vi. Isrelae khimi na üng bälung tangkö saite lä dungtäsa aekang y lyng. Ceng kälang na thung üng Säthaw tea yng saite na cungrü te khytä kae vi.

Pawlae ma Rom märü üng kangkawng tähang tärü saite cae 12:3

Kai tea Säthaw ma py saite tähang kähawi phüng-a, nang ce angxynlyng na tea kai lä thui hethang ngai te vi. Nang ce lä mä-ai ma tea dawng ngece hethang kae saite qawng-a cang y, aedawng ö hang. Nang ce tea Säthaw ma py te yng saite kätyng mä-ai ma tea mä-ai ma kaeteng khaw-a aedawng ö.

Pawlae ma Rom märü üng kangkawng tähang tärü saite cae 15:5

Änawngsa saite hai aethaw py saite Säthaw ma nang ce tea säbawng jawjaw sy. Tudylä nang ce lä Isu Khrista üng sa te täthei hui te hai nang ma ce tingtawi lä bungtä awng haw ö ai.

Pawlae ma Rom märü üng kangkawng tähang tärü saite cae 6:2

Hini kätyng sa hethang kae y. Mä-ai lä khimi kädü na kätyng hunghö hai aesui te y vi dy. Tukätephüng-a mä-ai lä hunghö sa jawjaw kha awng hethang kae khaw te ö y vi dy.

1 Korin 1:10

Kai üng kangby jä-ai na ä, mä-ai üng Areng Isu Khrista ma kai tea äma üng aenae hai thui hethang py vi dy. Nang ce lä lawng lawngtä ae-e ö hethang kae y dy lyng. Kangkawng thung-a aetäphü hethang kae y vi dy. Nang ce lä bälung mangtä, dawng saite la mangtä awng ö lawi näkha kai lä nang ce tea mäci khü te vi dy.

1 Korin 3:18

Nang ma ce thung üng ämi lawngtä la mä-ai ma tea kaeling sa hethang kae y. Nang ce thung üng khimi lawngtä lä älawngpre üng älang na kätyng mä-ai ma tea khimi bälunghae te vi näkha dawng dylä, äni lä äma tea kangthö kätyng aedawng hethang kae te vi. Hokä dawng dylä, Säthaw ma ni äni tea bälunghae saite py haw te vi.

1 Korin 4:10

Kai ce lä Khrista tähang sa te phüng-a, khimi ce ma kai ce tea kangthö na näkha dawng ö te vi. Tungaila nang ce lä Khrista hai bungtä te phüng-a, bälungkähae awng vi näkha nang ce lä aedawng ö te vi. Kai ce tea haidae awng y. Nang ce lä ätete angxynlyng na sa hethang haidae awng näkha aedawng ö te vi. Khimi ce ma mä-ai tea mäthi y ngaila, nang ce tea äni ce lä tämö khai ö te vi.

1 Korin 6:5

Nang ce lä saerae hethang tähang-a, kai lä nang ce tea hini phüng thui te vi. Nang ce üng kangkawng-a, yng saite khimi tingtawi älo ae-e saite tea mädü hethang bälunghae saite khimi lawngtä mäteng la awng ai be.

1 Korin 8:2

Äte angxynlyng na mäny hethang äma ma dawng saite khimi lawngtä lä äma mäny hethang kae saite tea mäny te y vi rawng.

2 Korin 13:11

Kai üng kängby jä-ai na ä, kangkhüng üng cibai sa saite lo lä nang ce lä nawsaw hawi kha anghawtho ö sy. Cungrü hethang aethawsa ö. Kai ma nang ce tea thui pyng saite tea tängai ea bälung haetä awng kha awngneng te hai-a ma awng ö. Hini kätyng nang ce sa dylä, bälung aevaw te hai awngneng te käpy Kung, Areng Säthaw, lä nang ce hai mangtä awng ai.

Filipi 1:27

Nang ce lä Khrista üng Angthang Kähawi yng saite tähang kaebäla-a awng hethang lä tätang aely leng te vi. Tukätephüng-a nang ce tea kai aeting haw y kha hanglaw mang nang ce üng angthang thai te läsy, aeting haw y te läsy, nang ce lä bälung mangtä aedü kha aedaw ö haw te kai lä mäny vi ai. Nang ce angxynlyng Angthang Kähawi üng yng saite tähang phüng-a aethaw mangtä aesa ea aety ö näte kai lä mäny vi ai.

Filipi 3:16

Ätemakä läsy, Säthaw ma mä-ai tea mätü pyng saite kätyng mä-ai lä sa kha awng ö hethang kae.

Filipi 4:2

Euodia hai Syntuki ä, nang ni lä Areng hai aesui hawi te phüng-a, lawng lawngtä bälung mangtä aedü hawi hethang nang ni tea kai la mäkai te vi.

Hebrai 13:5

Nang ce lä tangkae na dang mang hethang bädö ö hang. Nang mä ce tea awng saite rytä hai bälung kawng te hai-a awng ö. Ätephüng-a mei nädylä Säthaw lä, “Kai lä nang bung makäte kätü-a la khaisö y lyng. Manila nang bung käde phae y lyng” näkha nä vi.

1 Piter 3:8

Kangkhüng-a, kai thui hethang ngai te lä, nang ce lä bälung kaedawng mangtä awng kha aebäheng tingtawi ö lawi. Lawng lawngtä tea Khristen äpy na kätyng bälung aevaw ö. Aebäheng kha aemäneng saite bälung na awng ö ba.

1 Piter 5:3

Nang ce üng beram kanghö na tea pyng hethang aethawsa ö hang. Tungaila nang ce tea Säthaw ma a saite beram kanghö na üng aetu nae-a lawng ö ba.

3 Johan 1:9

Kai lä nang ce märü-a awng saite Khristen kangkawng tea cae tärü vai vi dy. Tungaila Diotrephes lä kai üng thui saite lo tea tängai te y. Äni lä äma qaitä kangkawng üng mätawngky sa hethang ngai te vi.