Pawlae ma Rom märü üng kangkawng tähang tärü saite cae 1:8 - Caekäcai Kangthae (Lemi)

⁸ Angcüky-a kai lä nang ce angxynlyng tähang Isu Khrista hai-a kai üng Säthaw tea kawng te lo thui te vi. Ätephüng-a mei nädylä nang ce üng yng saite phüng älawngpre qütä khimi ce ma thui ö te phüng-a vi.

Asang Khongso New Testament

⁸ Hmaloe koek ah, Jesuh Khrih ranghoiah nangcae boih hanah Sithaw khaeah kawn lok ka thuih, kawmawtiah longnui bum boih ah nangcae taanghaih ih kawng hae amthang king pongah ni.

Pawlae ma Rom märü üng kangkawng tähang tärü saite cae 1:8 ပူးပေါင်းရင်းမြစ်များ

Mathai 24:14

Tukha khimi ce ma Säthaw üng pre pyng te Angthang Kähawi älawngpre üng khimi qütä tea thui ai. Älawngpre üng khimi na lä hini angthang thai ö vi ai. Tupyng-a Säthaw lä hini älawngpre bung teng hai ai dy.

Luka 2:1

Hani kätü-a Sica sanphrang Awkutu lä Rom pre angxynlyng-a awng te khimi angxynlyng na üng ämüng lä cärei na üng cae-u thung-a mäkung he kae näkha aenae hai thui pa vi.

Angtawtha 11:28

Honi na thung üng Akäbu näsaite khimi lawngtä lä, aetha kha Muilaw Käcai ma thui te kätyng “Älawngpre mityng qütä-a lä täkang tho ai näkha thui rüng” pa vi dy. Hini thui rüng saite phüng lä Rom Sica sanphrang Kalodia dung-a lä, tyng pa khaw vi dy.

Angtawtha 28:22

Tungaila nang hai aesui saite hini kangkawng phüng ae-e kha mityng qütä-a thui saite na kai ce lä thai vi. Tukätephüng-a nang üng yng saite phüng na kai ce lä thai hethang ngai vi” näpa.

Pawlae ma Rom märü üng kangkawng tähang tärü saite cae 10:18

Tungaila khimi ce lä Angthang Kähawi tea thai y näte tätang vi mei näkha kai lä düng te vi. Äni ce lä thai ö tätang vi dy. Caekäcai thung-a, “Angthang Kähawi thui saite na üng ätüng lä älawngpre-a awng saite khimi angxynlyng na tea tyng vi dy” nä vi.

Pawlae ma Rom märü üng kangkawng tähang tärü saite cae 16:19

Nang ce lä Angthang Kähawi tea matangtä tängai khü mei näte khimi qütä ma thai ö bawi te vi. Tukätephüng-a kai lä nang ce üng phüng-a anghawtho te vi. Nang ce lä hawi saite lä äte na mei näte tea mäny hethang bälung kähae lawng hai hethang ngai te vi. Käsi hai aesui hai hethang kai lä ngai te y vi.

Pawlae ma Rom märü üng kangkawng tähang tärü saite cae 6:17

Jangni-a nang ce lä hunghö üng mawsawng na lawng vai ngaila, vaihi lä nang ce dang te mätu saite tea bälung mäke hai tängai ö te vi dy. Tukätephüng-a mä-ai lä Säthaw tea kawng te lo thui ö si.

1 Korin 1:4

Kai lä nang ce tähang Säthaw tea kawng te lo thui jawjaw vi. Ätephüng-a mei nädylä Säthaw lä Isu Khrista hai-a nang ce tea tähang kähawi py te phüng-a vi.

2 Korin 2:14

Mä-ai üng Säthaw tea mä-ai bälaw ö si. Säthaw lä mä-ai bung Khrista üng bäja saite pawi-a qa hai jawjaw hethang phüng-a vi. Mä-ai ly saite mityng qütä-a, Säthaw lä Khrista üng Angthang Kähawi thui hai jawjaw te vi. Honi lä ämui kähawi kätyng lawng hai hethang vi.

Ephesi 1:15

Areng Isu tea nang ce üng yng saite hai Säthaw üng khimi angxynlyng na tea nang ce ma bälung aevaw saite phüng na kai ce lä thai vi dy.

Ephesi 1:16

Tukätephüng-a nang ce tähang kai lä Säthaw tea kawng te lo thui kha aetang jawjaw te vi.

Ephesi 3:21

Khimi ce lä kangkawng thung-a, Isu Khrista hai-a Säthaw üng leng bärai saite phung-ang tea nung haw ö te vi. Tukätephüng-a mä-ai lä dungtäsa Säthaw tea bälaw ö si. Amen.

Ephesi 5:20

Mä-ai üng Areng Isu Khrista ämüng hai-a äte angxynlyng na tähang mä-ai üng Pä-ai Säthaw tea kawng te lo thui ö jawjaw ba.

Filipi 1:11

Isu Khrista ma nang ce tea cüng hai te phüng-a, nang ce lä kälu kähawi na sa haw ö vi ai. Tukätephüng-a khimi ce lä Säthaw üng phung-ang tea bälaw ö ai.

Filipi 1:3

Kai lä nang ce tea aedawng te kätü qütä kai üng Säthaw tea kawng te lo thui te vi.

Kolosa 1:3

Nang ce tähang aetang saite kätü qütä, mä-ai üng Areng Isu Khrista üng Pä-ai Säthaw tea kai ni lä kawng te lo thui jawjaw hawi te vi.

1 Thesalon 1:2

Kai ce lä aetang te qütä nang ce angxynlyng tähang Säthaw tea kawng te lo thui jawjaw ö te vi.

1 Thesalon 2:13

Kai ce ma Säthaw tea kawng te lo thui jawjaw te phüng lä, nang ce ma kai ce te üng Säthaw lo thai kha yng ö te phüng-a vi. Honi lä khimi ce üng lo angthang y käla Säthaw üng lo angthang kätyng aedawng ö te vi. Hini lä Säthaw üng lo tätang khaw vi. Honi lo angthang hai-a yng saite na üng bälung tea lä Säthaw ma mäqa pa te by vi.

2 Thesalon 1:3

Yng saite kangby jä-ai na ä, kai ce lä nang ce tähang kätü qütä Säthaw tea kawng te lo thui jawjaw hethang kae ö te vi. Kai ce lä hikä sa hethang hawi khaw ö vi. Ätephüng-a mei nädylä, nang ce üng yng saite ryng rae, ryng rae kha lawng lawngtä tea bälung aevaw qi saite lä äkung na kätyng aepa phung jawjaw ö te phüng-a vi.

2 Timote 1:3

Kai lä kai üng kangsi kangjaw na kätyng käsi kähawi mäny saite bälung käcai hai Säthaw tea cäphaw kha nang tähang kawng hai te vi. Kärung käni nang tea ämaw aedawng te hai kai lä nang tähang aetang jawjaw te vi.

Filemon 1:4

Kai lä nang Philemon tähang aetang te qütä kai üng Säthaw tea kawng te lo thui jawjaw te vi.

Hebrai 13:15

Tukätephüng-a mä-ai lä Isu hai-a Säthaw tea bälaw te hai löci sa jawjaw ö si. Honi löci lä, “Säthaw lä Areng vi” näkha mä-ai üng täbawng na hai thui saite lä Säthaw tea mä-ai üng löci sa te vi.

1 Piter 2:5

Nang ce la hing saite lungphö na kätyng by vi. Säthaw lä äma üng Muilaw Käcai hai-a Ingkäcai sa hethang nang ce bung tawng sy. Hini Ingkäcai-a, nang ce la mäthykung käcai na kätyng kälu sa ö by vi ai. Nang ce lä Muilaw Käcai ma mäci saite kätyng löci na sa ö vi ai. Isu Khrista hai-a Säthaw lä nang ce üng löci na tea täla haw vi ai.

1 Piter 4:11

Thuikaw saite khimi na lä Säthaw üng angthang thui hethang kae. Khimi kälang tea säbawng saite khimi na lä Säthaw üng aethaw hai-a säbawng hethang kae. Tudylä, nang ce sa saite angxynlyng na hai khimi ce lä Isu Khrista hai-a Säthaw tea bälaw haw ö ai. Äni üng haidae hai phung-ang lä dungtäsa awng jawjaw sy. Amen.