Pawlae ma Rom märü üng kangkawng tähang tärü saite cae 1:6 - Caekäcai Kangthae (Lemi)

⁶ Rom märü-a awng saite nang ce la Isu Khrista hai aesui hethang Säthaw ma re saite na thung-a qa ö te by vi dy.

Asang Khongso New Testament

⁶ Ato kaminawk thungah nangcae Rom vang ih kaom kaminawk to doehsoe Jesuh ih kami ah oh hanah Sithaw mah kawk ih kami ah na paa o toeng.

Pawlae ma Rom märü üng kangkawng tähang tärü saite cae 1:6 ပူးပေါင်းရင်းမြစ်များ

Pawlae ma Rom märü üng kangkawng tähang tärü saite cae 9:24

Mä-ai lä äni üng re saite khimi vi. Äni lä mä-ai bung re te kätü-a Judae ceng thung üng khimi na qaitä tea kae y, ceng kälang na thung üng tea la re te by vi.

1 Korin 1:9

Säthaw lä nang ce bung mä-ai üng Areng, äma üng Cäpaw Isu Khrista hai mangtä kangby jä-ai lawng hai hethang re pyng vi dy. Säthaw lä äma üng aedo saite älo kätyng sa te vi.

Galati 1:6

Khrista üng tähang kähawi hai-a ka te Säthaw tea nang ce lä dawde-a khaisö ö te phüng-a, kai lä tengxyng y cangxei vi. Nang ce lä khimi ce ma kälang mätu saite mang-a hui ö lae te vi.

Ephesi 1:11

Säthaw lä mä-ai bung Khrista hai bungtä awng hethang re te by vi. Jangni-a ma honi tea sa hethang äni lä aedawng rüng te phüng-a, mä-ai bung re te vi dy. Äte angxynlyng na tea lä äma üng mawlang kaedawng kätyng sa te vi.

Kolosa 1:21

Jangni-a nang ce üng hawi y saite bälung mäke phüng-a, Säthaw hai hanglaw saite mityng-a awng ea lä äni üng täre na lawng ö vi dy.

Kolosa 1:6

Nang ce tea tyng saite Angthang Kähawi lä älawngpre-a awng te mityng qütä, aethang hai dü vi dy. Nang ce lä honi Angthang Kähawi thai angcü kha Säthaw üng tähang kähawi tea mäny te üng hai ma dang te kätyng, mityng qütä awng saite khimi na la dang ö tyng by vi dy.

1 Thesalon 2:12

Nang ce bung Säthaw lä äma üng pre hai phung-ang thung-a qa hethang tähang ka te vi. Tukätephüng-a kai lä nang ce tea Säthaw üng kängai-a hing hethang tähang aethaw py te, bälung bädang te hai mäci jawjaw te vi.

2 Thesalon 2:14

Kai ce üng Angthang Kähawi thui saite hai-a Säthaw lä nang ce bung ka te vi. Mä-ai üng Areng Isu Khrista üng phung-ang tea nang ce lä qa haw hethang nang ce bung ka te vi.

2 Timote 1:9

Säthaw lä mä-ai bung aeqang kha käcai-a hing hethang ka te vi dy. Äni lä mä-ai üng kähawi sa saite na phüng-a ka te y lyng. Äma ma üng mawlang kaedawng hai tähang kähawi phüng-a vi. Älawng sa y te kälang-a ma, Säthaw lä äma üng tähang kähawi mä-ai tea mätü hethang Isu Khrista bung mätaw te hai-a sa rüng te vi dy.

Hebrai 3:1

Säthaw ma re saite yng te kangby jä-ai na ä, Areng Isu üng äphüng aedawng ö lawi. Äni bung lä mä-ai üng thui te yng saite üng Mäthykung Kälengky lawng hethang Säthaw ma mätaw te vi dy.

1 Piter 2:21

Säthaw lä nang ce tea hini kätyng sa hai hethang re te vi dy. Khrista lä nang ce tähang mätang bälai hai pa te vi dy. Äni lä nang ce tähang aetu nae vi. Äni üng kho lawi na tea nang ce lä bäjui hethang kae.

1 Piter 2:9

Tungaila nang ce lä Säthaw ma re saite khimi na, Sanphrang üng mäthykung na, cai saite khimi na hai, Säthaw hai aesui saite khimi na vi. Äni ma nang ce bung lä käving thung üng käthoja kha äma üng cangxei saite kaevang thung-a khai vi dy. Tukätephüng-a nang ce lä Säthaw üng cangxei saite kälu phüng tea thui haw ö te vi.

2 Piter 1:10

Tukätephüng-a, yng saite kangby jä-ai na ä, nang ce lä Säthaw üng ka saite hai re saite na cakhi hethang aethawsa rae sa rae ö. Nang ce hini kätyng sa dylä, nang ce lä yng saite tea manila khaisö ö y vi ai.

Judae 1:1

Kai, Judae, Isu Khrista üng mawsawng hai Jaeko üng kangby ma hini cae tärü dy. Mä-ai üng Pä-ai Säthaw ma re ea äma üng bälung aevaw saite thung-a awng kha Isu Khrista ma aedung hai saite khimi angxynlyng na tea hini cae tärü te vi.

Lokphong 17:14

Äni ce lä Beram caw tea täre aety ö ai. Tungaila Beram caw ma lä äni ce tea bäja vi ai. Ätephüng-a mei nädylä äni lä areng na üng Areng hai sanphrang na üng Sanphrang lawng te phüng-a vi. Äni üng ka saite, re saite, yng khü saite äkähui na lä äni hai mangtä awng ö ai” näkha näpa.