Pawlae ma Rom märü üng kangkawng tähang tärü saite cae 1:21 - Caekäcai Kangthae (Lemi)

²¹ Äni ce lä Säthaw bung mäny ngaila äni tea cäphaw la cäphaw y, kawng te lo la thui ö y. Honi jüng-a äni ce üng dawng saite na lä aetütü-a lawng ö vi dy. Äni ce üng bälung kangthö lä ving saite hai kawi te vi dy.

Asang Khongso New Testament

²¹ Sithaw to a panoek o, to-e khangzahaih paek hankoi to paek o ai moa kawn lok doeh thui o ai. Anihcae ih poekdawnhaih ihnawk loa azompui ah coengh moa anihcae ih palungthin ka kokkak to vinghaih hoiah a koi.

Pawlae ma Rom märü üng kangkawng tähang tärü saite cae 1:21 ပူးပေါင်းရင်းမြစ်များ

Johan 3:19

Säthaw üng dengpy te lä hini dy. Kaevang lä älawngpre-a tyng ngaila khimi ce lä hunghö sa te phüng-a kaevang qawng käving tea bälung aevaw ö ky te vi.

Angtawtha 26:18

Nang lä ceng kälang khimi na üng ämi tea aevang hai pa he kae. Äni ce bung käving thung üng hai kaevang mang-a aekö hai lawi. Tukha Setan angra üng haidae thung üng hai Säthaw te mang-a, tyng hai hethang kae. Äni ce lä kai tea yng te phüng-a, Säthaw ma äni ce üng hunghö na bälawi pa ai. Säthaw ma re saite khimi na thung-a, awng haw hethang mityng py ai. Hini kä aelawng hethang kai lä nang bung mätaw te vi.’

Pawlae ma Rom märü üng kangkawng tähang tärü saite cae 1:19

Säthaw lä äni ce tea dengpy vi ai. Ätephüng-a mei nädylä, äni ce tea Säthaw üng aetüng hai saite phüng-a, äni üng phüng mäny haw saite tea nung haw ö te vi.

Pawlae ma Rom märü üng kangkawng tähang tärü saite cae 1:28

Hini khimi ce lä äma ce üng bälung thung-a, Säthaw üng phüng mänykaw saite tea aedawng haile he ngai ö te y vi. Tukätephüng-a Säthaw lä äni ce sa hethang kae y saite na sa hai he äni ce üng aetütü te bälung kaedawng na a pa vi dy.

Pawlae ma Rom märü üng kangkawng tähang tärü saite cae 11:10

Äni ce üng ämi na lä ving kha nung haw ö hang sy. Äni ce üng mätang saite na hai-a äni ce üng angkeng na la aekhüng cölö jawjaw ö sy” näkha nä vi.

2 Timote 3:2

Khimi ce lä äma ce tea xyng hai äma ce üng tangkae tea bälung aevaw ö ai. Äni ce lä aethaw te hai bälungleng kha khimi ce phüng käsi thui ö ai. Änä-awi äpä-ai üng lo tängai ö y ai. Säbawng saite khimi na tea kawng te lo thui y te hai, Säthaw tea tämö khai ö y ai.

1 Piter 1:18

Nang ce lä nang ma ce üng kangsi kangjaw te üng dang saite ävang käting y hing saite älang üng lawi hai hethang Säthaw ma py saite tea mäny ö te vi. Äni ma py saite ävang lä pra haw saite sui hai tangkae kätyng y.

1 Piter 2:9

Tungaila nang ce lä Säthaw ma re saite khimi na, Sanphrang üng mäthykung na, cai saite khimi na hai, Säthaw hai aesui saite khimi na vi. Äni ma nang ce bung lä käving thung üng käthoja kha äma üng cangxei saite kaevang thung-a khai vi dy. Tukätephüng-a nang ce lä Säthaw üng cangxei saite kälu phüng tea thui haw ö te vi.

Lokphong 14:7

Äni ma, “Säthaw tea tämö khai kha äni üng leng saite tea bälaw ö. Khimi angxynlyng na tea äni ma tärae cei hethang kätü lä, tyng pyng vi dy. Käni, älawng hai pangle, tui cäpring na sa saite äni tea cäphaw ö lawi” näkha ätüng käleng hai thui pa vi dy.

Lokphong 15:4

Areng ä, nang üng ämüng bälaw kha tämö khai y saite lä ämi awng ai mei. Nang lawngtä xyng ni cai te kae vi. Pre angxynlyng na üng khimi na lä nang tea ly kha cäphaw ö ai. Ätephüng-a mei nädylä nang sa saite lä cüng vi näte khimi qütä mäny ö vi” näkha thui ö vi dy.