Pawlae ma Rom märü üng kangkawng tähang tärü saite cae 1:13 - Caekäcai Kangthae (Lemi)

¹³ Yng saite kangby jä-ai na ä, kai lä nang ce tea ly hethang aerü saite kätü awngmang-a nang ce lä aedawng haile ö hethang ngai hai te vi. Tungaila ätete haetä ma kai tea lä honi kätyng sa saite üng hai mäkhang jawjaw vi dy. Kai lä mityng kälang-a ceng kälang na tea Angthang Kähawi thui kha äni ce la Khrista tea yng ö vi dy. Nang ce thung-a la honi kätyng awng hai hethang ngai te vi.

Asang Khongso New Testament

¹³ Naukamzanawk, avaih paroeai nangcae khaeah angzoh han kangcaeng boah tihae pahnet o hmah, to-e totiah kangzoh thaih han aiah timah maw ang pakaa toepsoep. Kalah Gentel kaminawk thungah palung kalaih kaminawk to ka tawnh batiah nangcae thungah doehsoe palung kalaih kaminawk to oh thaih hanah ka koeh parai.

Pawlae ma Rom märü üng kangkawng tähang tärü saite cae 1:13 ပူးပေါင်းရင်းမြစ်များ

Johan 12:24

Tängai ö. Caw mö lä älawng qawng-a aeqa ea aekaw y dylä mötä xyng awng he kae vi. Caw mö lä aekaw kha aepra dylä äthai awng mang-a aethai vi ai.

Johan 15:16

Nang ce ma kai bung re te y. Kai ma nang ce bung re te kae. Nang ce ly kha äthai aethai mang hethang kai lä mätaw te vi. Nang ce lä aekang jawjaw saite äthai na äthai he kae. Tupyng-a kai üng ämüng hai-a, nang ce mäkai saite angxynlyng na lä Pä-ai ma py ai mang.

Johan 4:36

Caw ae saite na lä vaihi kälu vang dang kha dungtäsa hing saite tähang äthai na mätung ö dy. Tu saite hai ae saite khimi na lä mangtä anghawtho ö ai.

Angtawtha 1:15

Kätü käni qae saite kätü-a, Isu tea Yng saite khimi lawng cungvai kuisytä na lä aekäcö ö kha awng ea Peterae lä aedaw kha älo thui pa dy.

Angtawtha 14:27

Antioh märü-a änini tyng te kätü-a, änini lä Yng saite khimi na bung aekäcö hai kha äma ni hai-a Säthaw ma sa saite kälu na läsy, ceng kälang khimi na yng hethang Säthaw ma kätü kähawi py te phüng-a läsy, änini ma thui hawi pa haile king te vi dy.

Angtawtha 15:12

Banaba ni Pawlae lä äma ni mang hai-a ceng kälang khimi na säla-a awng tea Säthaw ma sa saite cangxei te na hai kamarae angxynlyng na phüng thui te thüng-a, aekäcö saite khimipui na lä sitäri-a tängai kha awng pa ö vi dy.

Angtawtha 19:21

Hini na pyng-a, Pawlae lä Makedonia khö hai Käri pre cäqeng kha Jerusalem märü-a ly hethang aedawng pyng pa te vi dy. Äni lä “Honi märü-a ly pyng-a Rom märü-a lä ly ngece by vi ai rawng” näkha thui pa vi.

Angtawtha 21:19

Pawlae lä honi khimi ce tea kawng bärai sa dy. Tupyng-a ceng kälang na tea Säthaw lä Pawlae te mang hai-a, sa pa saite kälu na phüng äni ce tea thui king pa vi dy.

Angtawtha 28:14

Honi märü-a lä Yng saite khimi phütä na hai aeting ö vi dy. Tukha äni ce lä äma ce hai käni säritä awng hethang mäkai pa dy. Tukha kai ce lä Rom märü-a äkho hai ly kha tyng ö dy.

Pawlae ma Rom märü üng kangkawng tähang tärü saite cae 1:12

Kai ma thui saite älawngsai lä nang ce hai kai lä hini kätyng aeting te kätü-a, mä-ai üng yng saite leng rae hethang mä-ai ma tingtawi aethaw aepy haw ö te vi.

Pawlae ma Rom märü üng kangkawng tähang tärü saite cae 11:25

Kangby jä-ai na ä, kai lä Säthaw üng ho saite na nang ce tea mäny hai hethang ngai te vi. Tudylä nang ce lä nang ma ce tea, “Mä-ai lä tengxyng y bälunghae vi dy” näkha dawng ö y ai dy. Honi ho saite lä hini kätyng vi. Isrelae khimi na üng bälung tangkö saite lä dungtäsa aekang y lyng. Ceng kälang na thung üng Säthaw tea yng saite na cungrü te khytä kae vi.

Pawlae ma Rom märü üng kangkawng tähang tärü saite cae 7:1

Kangby jä-ai na ä, nang ce angxynlyng lä Ubädi mäny phüng-a, kai ma thui saite tea mäny tätang ö vi ai. Ubädi lä khimi ce üng hing saite jungtä äni ce tea pyng pa te vi.

1 Korin 1:10

Kai üng kangby jä-ai na ä, mä-ai üng Areng Isu Khrista ma kai tea äma üng aenae hai thui hethang py vi dy. Nang ce lä lawng lawngtä ae-e ö hethang kae y dy lyng. Kangkawng thung-a aetäphü hethang kae y vi dy. Nang ce lä bälung mangtä, dawng saite la mangtä awng ö lawi näkha kai lä nang ce tea mäci khü te vi dy.

1 Korin 10:1

Kangby jä-ai na ä, jangni-a mä-ai üng kangsi kangjaw na lä Mosi hai mangtä daithung kärang-a awng te kätü-a, äni ce lä ätemakä awng mei näte tea nang ce lä dawng tämang ö hethang kae y. Säthaw lä äni ce angxynlyng na tea khö angnüng hai khu kha lolang mätü pa te vi. Äni ce angxynlyng na lä pangle kangthing tea äkho sui y käla ma aekae ö te vi dy.

1 Korin 12:1

Kangby jä-ai na ä, kai lä Muilaw Käcai ma mä-ai lawng lawngtä tea py qi saite sakaw saite na phüng nang ce tea mäny hai khaw hethang ngai te vi.

1 Korin 14:20

Kangby jä-ai na ä, nang ce lä ryng y saite nade na kätyng dawng ö hethang kae y. Hunghö sa saite-a lä nade na kätyng awng ö. Tungaila ryng saite khimi na kätyng nang ce lä aedawng ö lawi.

1 Korin 14:26

Kangby jä-ai na ä, kai thui hethang ngai te lä hini vi. Nang ce lä Säthaw tea cäphaw hethang mangtä aecö te kätü-a, lawngtä lä ae-awi thui, lawngtä lä Säthaw lo mätu, lawngtä lä äma tea Säthaw ma aetüng hai saite phüng thui, lawngtä lä mäny haw y saite lo hai angthang thui kha lawngtä ma lä mäny haw y saite lo tea thui mäcai pa te vi. Hini sakaw saite angxynlyng na lä kangkawng tea säbawng hethang tawng he kae.

1 Korin 9:2

Khimi kälang na ma kai tea angtawtha kätyng dawng y ngaila, nang ce lä kai bung angtawtha lawngtä-a mäthi khü hethang kae ö te vi. Nang ce lä Areng hai bungtä-a awng saite lä kai lä angtawtha lawngtä näte tea mätü saite äsäny vi.

2 Korin 1:8

Kängby jä-ai na ä, Asia pre cäpi-a kai ce aeting saite, mätang bälai saite na phüng kai ce lä nang ce tea mäny hai hethang ngai ö te vi. Kai ce aeting saite müngkäli na lä kai ce üng bälung na tea tibutica hai te vi dy. Kai ce lä dü tätang khaw ai näkha dawng ö te vi dy.

2 Korin 2:14

Mä-ai üng Säthaw tea mä-ai bälaw ö si. Säthaw lä mä-ai bung Khrista üng bäja saite pawi-a qa hai jawjaw hethang phüng-a vi. Mä-ai ly saite mityng qütä-a, Säthaw lä Khrista üng Angthang Kähawi thui hai jawjaw te vi. Honi lä ämui kähawi kätyng lawng hai hethang vi.

Galati 3:15

Yng saite kangby jä-ai na ä, nang ce tea käni qütä mä-ai ma üng hing saite hai-a mätae kha lo mitang kai ma mätü si ba. Khimi lawng netä ma bälung mangtä aedü kha älo aedo hawi khü dylä, ämi ma la aedo saite lo tea täphra haw y lyng. Ämi la mäqa haw y lyng. Säthaw üng aedo saite lo lä honi kätyng by vi.

Galati 6:18

Yng saite kangby jä-ai na ä, Areng Isu Khrista üng tähang kähawi lä nang ce hai mangtä awng jawjaw sy. Amen.

Filipi 1:22

Tungaila kai ma hing jawjaw dylä ävang ting saite kälu na sa haw rae vi ai. Tukätephüng-a hing hethang hai dü hethang thung-a manita tea re ai mei näte kai lä mäny y.

Filipi 4:17

Nang ce üng lasawng tea kai lä ngai te y lyng. Säthaw ma nang ce tea ävang py hethang kai lä ngai hai te kae.

Kolosa 1:10

Tupyng dylä Areng üng ngai te kätyng awng hethang, Areng ma kawng hai hethang nang ce lä sa haw jawjaw ö ai. Nang ce lä hawi saite kälu angxynlyng na sa ö ai. Tukha nang ce lä Säthaw tea mäny te qawng-a mäny rae ö ai.

Kolosa 1:6

Nang ce tea tyng saite Angthang Kähawi lä älawngpre-a awng te mityng qütä, aethang hai dü vi dy. Nang ce lä honi Angthang Kähawi thai angcü kha Säthaw üng tähang kähawi tea mäny te üng hai ma dang te kätyng, mityng qütä awng saite khimi na la dang ö tyng by vi dy.

1 Thesalon 2:18

Nang ce tea ly haile hethang kai ce lä ngai ö vi dy. Kai ce ma nang ce tea ly hethang aethaw qengtä cang y sa ngaila, Setan angra ma kai ce tea mäkhangky te vi.

1 Thesalon 4:13

Yng saite kangby jä-ai na ä, yng kha dü saite khimi na phüng nang ce tea kai ce lä mäny hai he ngai ö te vi. Ätephüng-a mei nädylä nang ce lä yng y käla aethang khai saite awng y te khimi na kätyng bälungsi hai hethang kai ce lä ngai te y vi.

2 Thesalon 2:7

Tätang khaw, Säthaw üng Ubädi tea elekhei sa hethang Setan lä khimi ce bung kangru-a the hethang aetawng rüng te vi. Tungaila hini haidae tea mäkhang saite lawngtä lä vaihi khytä awng te vi rawng. Äni bung Säthaw ma nähaija te kätü tyng y rytä lä, äni lä hikä sa jawjaw vi ai.

2 Timote 4:17

Tungaila Areng Isu lä kai äteng-a mangtä awng hai kha aethaw py te vi dy. Tukätephüng-a Khrista üng Angthang Kähawi tea honi mityng-a awng saite ceng kälang khimi angxynlyng na thai hethang kai lä thui king haw vi dy. Khrista ma kai bung lä kädü khaw üng aeqang pa te vi dy.