Pawlae ma Rom märü üng kangkawng tähang tärü saite cae 1:1 - Caekäcai Kangthae (Lemi)

¹ Hini lä Khrista Isu üng mawsawng Pawlae te üng cae vi. Säthaw lä äma üng Angthang Kähawi thui hethang ka kha kai bung angtawtha-a re te vi dy.

Asang Khongso New Testament

¹ Khrih Jesuh ih tamtoeh hoi Sithaw mah angmah ih Tamthang Kahoih thuih hanah qoih moa kawk ih kawkpatoeh kai Paul mah ca kang pat o.

Pawlae ma Rom märü üng kangkawng tähang tärü saite cae 1:1 ပူးပေါင်းရင်းမြစ်များ

Marka 1:14

Baptismae Johan bung reisae na ma thawng thung-a khai pyng-a, Isu lä Kalile khö-a ly kha Säthaw üng Angthang Kähawi thui pa vi dy.

Johan 12:26

Kai üng mawsawng sa he ngai dylä kai leithung hui hethang kae. Kai awng te mityng-a lä kai üng mawsawng la awng by ai. Kai üng mawsawng na tea lä, Kai üng Pä-ai ma tämö mäsang vi ai.

Johan 15:15

Kai lä nang ce tea mawsawng näkha kähyng y dy. Ätephüng-a mei nädylä mawsawng lä ingkung üng aedawng saite na mäny y. Tungaila vaihi kai lä nang ce tea ‘Rawijae’ näkha kähyng dy. Ätephüng-a mei nädylä, Pä-ai te üng thai saite älo angxynlyng nang ce tea kai lä thui pyng te vi dy.

Johan 15:20

Nang ce tea kai thui vai saite na aedawng hai ö. ‘Mawsawng lä areng qawng-a lengky y’ näkha näpa. Älawng üng khimi na ma kai tea sakälö khü dylä, nang ce tea la sakälö khü ö vi ai. Äni ce ma kai üng mätu saite lo tängai dylä, nang ce üng mätu saite lo la tängai ö vi ai.

Angtawtha 13:9

Tupyng-a Pawlae näsaite Sawlae lä Muilaw Käcai hai kawi kha angra buisaw Elima tea kheng khü pa vi.

Angtawtha 20:24

Kai lä dü ea la, hing ea la, kai tähang aely leng y lyng. Tungaila Areng Isu ma sa hai hethang kai tea py saite kälu khüng haw hethang sa saite lä aely lengky te vi. Honi kälu lä, Säthaw üng tähang kähawi phüng-a, Angthang Kähawi thui hethang vi.

Angtawtha 21:40

Tukha reisae kälengky ma älo aepe he py ea Pawlae lä lenglö qawng-a aedaw kha khimipui na tea sitäri-a awng hethang äkö hai mätü pa. Äni ce sitäri ea äma lä Hebärai lo hai thui pa dy.

Angtawtha 22:21

Tupyng-a Areng ma ‘Ly lawi. Mityng kähanglaw-a awng saite ceng kälang khimi na tea nang bung kai mätaw ai’ näkha thui vi” näpa.

Angtawtha 22:7

Kai lä älawng qawng-a aetüng praw kha ‘Sawlae, Sawlae, nang lä ätephüng-a kai tea sakälö khü te vi mei’ näsaite ätüng haetä thai vi.

Angtawtha 26:1

Akripa sanphrang ma “Nang thui haw dy” näkha Pawlae tea näpa. Tukha Pawlae lä äkö bäjae kha,

Angtawtha 26:14

Tukha kai ce angxynlyng lä älawng qawng-a aetüng praw ö vi. Tupyng-a Hebärai lo hai kai tea ‘Sawlae, Sawlae, nang lä ätephüng-a kai tea sakälö khü te vi mei. Nang lä kai aely ngai saite tea e dylä nang mani naw hethang kae vi’ näsaite ätüng kai lä thai vi.

Angtawtha 27:23

Jangdüng kärung-a kai cäphaw saite Säthaw üng angtawtha lawngtä lä kai teng-a aedaw kha

Angtawtha 9:15

Tungaila Areng ma “Ly lawi. Äni bung lä kai üng mawsawng tähang-a, kai ma re te vi dy. Äni ma ceng kälang na hai äni ce sanphrang na hai, Isrelae khimi na tea Angthang Kähawi thui vi ai.

Pawlae ma Rom märü üng kangkawng tähang tärü saite cae 1:16

Kai lä Angthang Kähawi tähang aejae te y. Honi Angthang Kähawi yng saite angxynlyng na tea aeqang hethang lä Säthaw üng haidae vi. Honi Angthang Kähawi lä angcüky-a Judae khimi na tähang hai honi pyng-a lä ceng kälang khimi ce tähang by vi.

Pawlae ma Rom märü üng kangkawng tähang tärü saite cae 1:5

Honi Areng hai-a Säthaw ma kai lä Khrista tähang mawsawng sa kha angtawtha lawng hai hethang tähang kähawi py te vi dy. Ceng angxynlyng üng khimi na lä yng kha tängai ö hethang Säthaw lä kai tea Angthang Kähawi thui hai te vi.

Pawlae ma Rom märü üng kangkawng tähang tärü saite cae 1:9

Säthaw üng Cäpaw Angthang Kähawi thui te hai-a kai lä Säthaw üng kälu tea bälung mäke angxynlyng na hai sa te vi. Kai lä nang ce tea aedawng jawjaw kha aetang te vi näte Säthaw ma mäny khe te vi.

Pawlae ma Rom märü üng kangkawng tähang tärü saite cae 11:13

Nang ce ceng kälang na tea kai lä vaihi älo thui hethang ngai. Kai lä ceng kälang na üng angtawtha lawng te jungtä kai ma üng kälu tea aethaw vi ai.

Pawlae ma Rom märü üng kangkawng tähang tärü saite cae 15:16

Kai lä ceng kälang na tähang kälu sa hethang Khrista Isu üng mawsawng-a lawng vi dy. Säthaw ma kawng hai saite löci mawi käcai lawng hethang kai lä Säthaw üng Angthang Kähawi ceng kälang na tea thui hethang mäthykung lawngtä kätyng sa te vi dy. Muilaw Käcai lä honi na tea Säthaw tähang kälang khai pa te vi.

Pawlae ma Rom märü üng kangkawng tähang tärü saite cae 15:29

Tukha nang ce tea kai tyng te kätü-a, Khrista ma py saite tähang kähawi awng mang saite na hai ly ai näte kai lä mäny vi.

Pawlae ma Rom märü üng kangkawng tähang tärü saite cae 16:18

Äni ce lä mä-ai üng Areng Isu Khrista üng kälu sa saite na ö y lyng. Äma ce üng ngai saite na tea dang hethang sa ö te kae. Äni ce lä älo käneng na, mäthaw saite älo na hai khimi bälung kähawi na tea kaeling kaemae sa ö te vi.

Pawlae ma Rom märü üng kangkawng tähang tärü saite cae 16:25

Säthaw üng phung-ang tea mä-ai lä bälaw ö si. Isu Khrista üng Angthang Kähawi tea kai ma thui te kätyng Säthaw lä nang ce üng yng saite cakhi hai hethang sa haw te vi. Honi Angthang Kähawi lä jangni üng khösäning leithung jungtä ho kha vaihi täphawng saite lo mitang vi.

1 Korin 1:1

Hini cae lä kai, Pawlae, hai mä-ai üng yng saite kangby jä-ai Sothene ni ma nang ce tea tha saite vi. Isu Khrista üng angtawtha lawng hai hethang Säthaw lä äma aely kängai kätyng-a kai bung re vi dy.

1 Korin 9:1

Kai lä khimi kaelawi kha angtawtha lawngtä vi. Kai lä mä-ai üng Areng Isu bung kai ma üng ämi na hai nung khe vi dy. Kai üng kälu phüng-a, nang ce lä Areng hai aesui te vi.

2 Korin 1:1

Hini cae lä kai, Pawlae hai mä-ai üng kangby Timothe te üng tha te vi. Säthaw lä äma üng aely kängai hai-a, kai bung Khrista Isu üng angtawtha lawng hethang re vi dy. Kai lä Korin märü-a awng saite Säthaw üng kangkawng hai Käri pre-a awng saite Säthaw üng khimi käcai angxynlyng na tea hini cae tärü te vi.

2 Korin 11:5

Nang ce ma aesangky te kätyng mäthi saite angtawtha na lä kai qawng-a aesangky vi näkha kai lä aedawng te y vi.

2 Korin 11:7

Kai lä nang ce tea äte ävang la y käla Säthaw üng Angthang Kähawi thui te vi dy. Kai lä aemäneng te hai-a nang ce tea aely leng hai te vi. Hini kätyng kai üng sa saite lä tämang te vi mei.

2 Korin 12:11

Kai lä kangthö kätyng sa vi dy. Tungaila nang ce lä kai tea hini kätyng sa hai te vi dy. Nang ce lä kai tea bälaw hethang kae saite khimi na vi. Kai lä Säthaw üng maw-a aely leng y saite khimi lawng ngaila, nang ce ma aesangky-a mäthi saite angtawtha na kätyng aely leng te lawngtä by vi.

2 Korin 2:12

Kai lä Troa märü-a Khrista üng Angthang Kähawi thui hethang tyng te kätü-a, Areng lä ho-a kälu sa hethang älang sa rüng pa vi dy.

2 Korin 4:5

Kai ce lä kai ma ce üng phüng na tea thui ö te y. Kai ce lä “Isu Khrista lä khimi angxynlyng na üng Areng vi näte hai kai ce lä Isu hai-a nang ce üng mawsawng na lawng ö vi” näte thui ö te vi.

Galati 1:1

Hini lä kai, Pawlae, ma tärü te cae vi. Kai lä angtawtha lawngtä vi. Kai bung lä khimi ce üng aenae hai khimi ce ma angtawtha hethang mätaw te y. Isu Khrista hai kädü thung üng äma bung mätha haile pa saite mä-ai üng Pä-ai Säthaw ma kai bung lä mätaw te kae vi.

Ephesi 1:1

Kai, Pawlae, ma Ephesi märü-a awng saite Säthaw üng khimi na tea cae tärü te dy. Isu Khrista üng angtawtha lawngtä-a khai hethang lä Säthaw üng aely kängai vi. Nang ce lä Isu Khrista hai bungtä awng kha äni tea yng ö jawjaw saite na vi.

Ephesi 1:13

Vaihi nang ce la aeqang saite Angthang Kähawi, lo mitang tea lä thai ö pyng te by vi dy. Nang ce lä Khrista tea yng kha äni hai bungtä awng ö te vi dy. Äni hai bungtä te phüng-a Säthaw lä älo aedo saite kätyng Muilaw Käcai bung nang ce tea py vi dy. Hini Muilaw Käcai lä nang ce tea Säthaw üng khimi vi näkha mätü saite äsäny vi dy.

Ephesi 4:11

Hini Areng lä äma üng kangkawng na tea sakaw saite cawngkhang na py pa te vi. Äni lä khimi phütä na tea angtawtha na-a lawng hethang sakaw saite na py kha kälang phütä na tea lä buisaw na-a lawng hethang sakaw saite na py pa te by vi. Phütä na tea lä Angthang Kähawi thui hethang sakaw saite na py pa te vi. Kälang phütä na tea lä yng saite na bung rui kha mätu hethang sakaw saite na py pa vi dy.

Filipi 1:1

Pawlae hai Timothe ni lä Isu Khrista üng mawsawng na vi. Kai, Pawlae, ma Philipi märü-a awng saite Säthaw üng khimi na hai kangkawng üng mätawngky na hai kangkawng-a säbawng saite khimi na tea cae tärü dy.

Filipi 2:11

Tukha khimi angxynlyng na ma “Isu Khrista lä Areng dy” näkha thui ö bawi vi ai. Tukätephüng-a khimi angxynlyng na ma lä mä-ai üng Pä-ai Säthaw üng phung-ang tea bälaw ö bawi vi ai.

Kolosa 1:1

Hini lä kai, Pawlae, ma tärü saite cae vi. Säthaw ma re te phüng-a, kai lä Isu Khrista üng angtawtha lawngtä vi. Kai lä mä-ai üng kangby Timothe hai mangtä hi-a awng hawi te vi. Kai ni ma nang ce tea kawng te lo thui hawi te dy ba.

Kolosa 1:25

Säthaw lä kai bung äma üng lo cungrü hai hethang, nang ce tea äma üng Angthang Kähawi thui hai hethang mätaw te vi. Tukätephüng-a kai lä kangkawng üng mawsawng lawng te vi dy.

1 Thesalon 2:2

Kai ce lä Thesalonika märü-a nang ce tea ly y te kälang-a, Philipi märü üng khimi na ma kai ce tea mätang bälai-a sakälö khü te hai käsi thui saite na tea nang ce lä kähawi-a mäny ö te vi. Khimi ce lä kai ce tea elekhei sa täto ngaila, nang ce tea Angthang Kähawi thui vawng hethang Säthaw ma mä-ai tea lä säbawng te vi dy.

1 Thesalon 2:8

Kai ce lä nang ce tea bälung aevaw phi te phüng-a, Säthaw üng Angthang Kähawi tea kawng te hai thui hethang ngai te qaitä y, säbawng haw saite angxynlyng na sa hethang la ngai ö te vi. Ätephüng-a mei nädylä kai ce lä nang ce tea bälungrui sui ö te phüng-a vi.

1 Thesalon 2:9

Yng saite kangby jä-ai na ä, kai ce lä nang ce hai awng te thüng-a, aethaw rae bärai te hai kälu sa tätang mei näte nang ce lä aedawng haile tyng ö te vi mei. Säthaw üng Angthang Kähawi thui te kätü-a, kai ce tea mäcaw mänei hethang lä bälungbi hai ö y ma ba. Tukätephüng-a kai ce lä kärung käni kälu sa ö te vi dy.

1 Timote 1:1

Mä-ai aethang khai saite Isu Khrista hai Aeqangkung Säthaw üng särilo hai-a, Isu Khrista üng angtawtha kai, Pawlae, ma hini cae tärü te vi.

1 Timote 2:7

Honi phüng-a Säthaw lä ceng kälang na tea yng saite hai älo mitang phüng-a angthang thui hethang angtawtha-a kai bung re te vi. Kai thui saite lä lo mitang vi. Kaeling y lyng.

2 Timote 1:11

Säthaw lä hini Angthang Kähawi thui hai hethang kai bung angtawtha-a hai särae lawngtä-a re te vi dy.

Titas 1:1

Hini cae lä Säthaw üng mawsawng hai Isu Khrista üng angtawtha saite kai, Pawlae, ma tärü te vi. Säthaw ma re saite khimi na üng yng te aethaw awng hethang hai äni ce lä Isu üng mätu saite älo mitang tea mäny rae hethang Säthaw ma kai bung mätaw te vi. Tukha äni ce lä Säthaw tea tämö khai te mätü te älang-a awng ö ai.

Hebrai 5:4

Ämi la äma tea mäthykung kälengky lawng hethang aemäsang haw y lyng. Säthaw lä Aron bung mäthykung kälengky lawng hethang re te kätyng Säthaw ma ka saite khimi xyng ni mäthykung kälengky lawng haw te kae vi.

Hebrai 7:26

Isu lä mä-ai üng aely ngai saite Mäthykung Kälengky vi. Äni lä caiping kha cy nae awng y. Sa tämang saite la awng y. Mä-ai hunghö sa saite khimi na hai äni lä aetawng te y vi. Säthaw lä äni bung Känipre üng aesangky saite mityng-a mäsang pa vi dy.

Jako 1:1

Säthaw hai Areng Isu Khrista üng mawsawng kai, Jaeko, lä mityng qütä-a aehi sangxang saite Isrelae ceng hawlai netä na tea kawng te lo thui te vi.

1 Piter 4:17

Säthaw üng ingthung-a tärae cei saite kätü aetawng hethang lä aenai vi dy. Mä-ai tea tärae cei saite aetawng dylä, Säthaw üng Angthang Kähawi yng y saite khimi na lä tähang si ö vi ai.

2 Piter 1:1

Hini cae lä Isu Khrista üng mawsawng hai angtawtha lawng saite, kai, Simon Peterae, te üng vi. Kai lä Säthaw hai mä-ai üng Aeqangkung Isu Khrista üng cüng saite hai-a kai ce kätyng yng te ävang käting dang saite na tea cae tärü te vi.

Judae 1:1

Kai, Judae, Isu Khrista üng mawsawng hai Jaeko üng kangby ma hini cae tärü dy. Mä-ai üng Pä-ai Säthaw ma re ea äma üng bälung aevaw saite thung-a awng kha Isu Khrista ma aedung hai saite khimi angxynlyng na tea hini cae tärü te vi.

Lokphong 1:1

Hini lä Isu Khrista üng täphawng saite phüng na tea tärü te cae vi. Qae y tea ma äni üng mawsawng na tea tyng ai te phüng mätü hethang hini täphawng saite lä Isu Khrista tea Säthaw ma py pa te vi dy. Khrista lä äma üng mawsawng Johan tea äma üng Känipre angtawtha bung mätaw kha hini na tea mäny hai te vi.

Lokphong 22:6

Känipre angtawtha ma kai tea, “Hini na lä älo mitang hai ae-y khü nae hawi saite na vi. Buisaw na tea Muilaw Käcai py saite Areng Säthaw lä qae y tea ma tyng hethang awng saite na äma üng mawsawng na tea mätü hethang äma üng Känipre angtawtha bung mätaw vi dy” näkha nä vi.

Lokphong 22:9

Tungaila äni ma kai tea, “Tukä lä sa hang. Kai lä nang hai nang üng kangby jä-ai buisaw na hai hini cae-u üng älo na tea tängai saite angxynlyng na üng kangby jä-ai mawsawng lawngtä by kae vi. Säthaw tea phai cäphaw kae” näkha nä vi.