Mathai 9:38 - Caekäcai Kangthae (Lemi)

³⁸ Tukätephüng-a caw ae saite na bung mätaw mang hethang lai kung tea mäkai ö ba” näkha näpa.

Asang Khongso New Testament

³⁸ Topongah cang ka aat hanah toksahkungnawk patoeh thaih hanah lawk tawnkung khaeah khophoe oah,” tiah a naa pae.

Mathai 9:38 ပူးပေါင်းရင်းမြစ်များ

Mathai 9:37

Tupyng-a Isu ma äkähui na tea “Hini khimi ce lä caw müng saite lai prang hai aetawng vi. Tungaila caw ae te khimi na lä di.

Johan 20:21

Tupyng-a Isu ma thui pa haile te lä “Nang ce tea awngneng te awng sy. Pä-ai ma kai bung mätaw te kätyng-a, nang ce bung la kai mätaw te vi dy” näkha näpa.

Johan 4:35

‘Vaihi üng hai law bälitä qae ea caw ae te kätü tyng ai dy’ näte nang ce lä thui ö. Nang ce tea kai thui te lä ämi bäli kha lai na tea kheng ö lawi. Lai-a caw ae hethang caw müng vi dy.

Angtawtha 13:2

Äni ce lä Areng tea cäphaw kha böjae te hai awng ea, Muilaw Käcai ma “Sawlae hai Banaba bung kai üng kälu sa hethang tähang-a khai ö ba” näkha näpa.

Angtawtha 8:4

Yng saite khimi aeprei xhixae saite na lä, mityng qütä-a ly kha Angthang Kähawi thui ö vi.

1 Korin 12:28

Kangkawng thung-a Säthaw lä kaepreng na tea äma ce üng mityng py pyng te vi dy. Angcüky üng na tea äni lä angtawtha na-a khai te vi. Äbaeni üng na tea lä buisaw na, ämäthung üng na lä Säthaw üng mätu saite särae na-a khai ö vi dy. Honi pyng-a lä cangxei te na sa haw saite khimi na, honi pyng dylä känaw käsaw tea hawi sa haw saite na, khimi kälang na tea säbawng haw saite na, kangkawng tea bähawi saite na hai mäny haw y saite lo cawngkhang thui haw saite na tea äma ce üng mityng-a py pa vi dy.

Ephesi 4:11

Hini Areng lä äma üng kangkawng na tea sakaw saite cawngkhang na py pa te vi. Äni lä khimi phütä na tea angtawtha na-a lawng hethang sakaw saite na py kha kälang phütä na tea lä buisaw na-a lawng hethang sakaw saite na py pa te by vi. Phütä na tea lä Angthang Kähawi thui hethang sakaw saite na py pa te vi. Kälang phütä na tea lä yng saite na bung rui kha mätu hethang sakaw saite na py pa vi dy.

2 Thesalon 3:1

Yng saite kangby jä-ai na ä, nang ce lä kai ce tähang aetang pa ö jo ba. Areng Isu üng Angthang Kähawi aepreng dawde kha nang ce ma Angthang Kähawi yng ea tängai te kätyng, thai saite khimi qütä la tängai haw hethang aetang pa ö jo.