Mathai 9:2 - Caekäcai Kangthae (Lemi)

² Khimi phütä na ma kökho kädü lawngtä bung Isu tea nähai pa. Äni lä i nae qawng-a aesawng pa te vi. Isu lä hini khimi ce üng yng saite nung kha naw saite khimi tea “Änang ä, aethawsi hang. Nang üng hunghö bung kai ma bälawi vi dy” näkha näpa.

Asang Khongso New Testament

² Kamkhawn kami longto hnibaih hoi maek ah Jesuh khaeah angzawn o. Jesuh mah natanto maw taanghaih a tawnh o tito a hnuk na-ah kamkhawn kami khaeah, “Ka capa, palung mongsak ah! Na zaehaih ihnawk loa tahmen ah oh boah,” tiah a naa.

Mathai 9:2 ပူးပေါင်းရင်းမြစ်များ

Mathai 14:27

Qengtäma Isu lä äni ce tea “Aethaw aela ö. Kai kae ecy. Ri ö hang” näkha näpa.

Mathai 4:24

Siria pre mityng qütä-a khimi ce lä Isu äphüng thai vi dy. Äni ce lä känaw käsaw amäjy cawngkhang awng saite khimi na bung äni tea nähai pa ö dy. Khimi phütä na lä nawphi saite phütä na hai angra kung saite, phütä na lä aesö kanglang saite, phütä na lä kökho dü saite na vi. Isu ma äni ce angxynlyng bung känaw käsaw hawi sa pa dy.

Mathai 6:12

Kai ce tea tämang saite khimi na hunghö kai ce bälawi te kätyng-a, kai ce üng hunghö bälawi kü ba.

Mathai 8:10

Isu ma hini lo thai ea tengxyng y cangxei vi dy. Tukha äma leithung hui te khimipui na tea “Tängai ö, Isrelae khimi na thung-a mäteng ma hini kätangtä yng phi saite khimi bung kai aeting vai y.

Mathai 8:16

Honi kädüng käni leng ea lä khimi ce ma angra kung saite khimi kä-awng mang na bung Isu tea nähai pa ö cu dy. Isu ma älo thui kha khimi ce te üng angra na bung mätho pang pa vi dy. Isu ma khimi ce üng känaw käsaw angxynlyng na hawi sa pa dy.

Mathai 9:22

Isu ma aehawi kha nawngmädi bung nung pa vi. Äni ma “Cänung ä, aethawsi hang. Kai tea yng te phüng-a Säthaw ma nang tea hawi hai te vi” näkha näpa. Nawngmädi üng naw te hawi praw pa dy.

Mathai 9:5

Kökho kädü khimi tea thui hethang manita jaky mei. ‘Nang üng hunghö na kai bälawi dy’ näkha thui te jaky mei. Y käla äni tea ‘Aetha kha aeke lawi’ näte jaky mei.

Mathai 9:6

Tungaila Khimi üng Cäpaw, Kai lä älawng qawng-a hunghö na bälawi hethang aenae awng saite nang ce tea mätü vi ai” näkha näpa. Tupyng-a Isu ma kökho kädü khimi tea “Aetha, nang üng i nae tä-yng kha ing-a vawi lawi cü” näkha näpa.

Marka 1:32

Honi kädüng käni leng ea lä khimi ce ma angra kung saite na hai känaw käsaw awng saite angxynlyng na bung Isu tea nähai pa ö cu dy.

Marka 10:49

Isu lä aedaw ea “Äni bung ka lawi” näkha näpa. Tukätephüng-a äni ce lä ämi kangjö tea “Aethawsi hang. Aetha lawi. Areng ma nang bung ka dy” näkha näpa.

Marka 5:34

Isu ma äni tea “Cänung ä, kai tea yng te phüng-a Säthaw ma nang tea hawi hai te vi dy. Awneng te hai ly lawi ba. Nang lä naw mätang te üng hawi te dy” näpa.

Marka 6:50

Äni ce lä Isu bung nung te kätü-a ri ö bawi pa vi dy. Tukha Isu ma äni ce tea “Aethaw aela ö. Kai kae ecy. Ri ö hang” näkha näpa.

Johan 16:33

Nang ce lä Kai hai aesui kha awngneng hethang tähang hini phüng na Kai thui pyng te vi dy. Nang ce lä älawngpre-a mätangca saite na aeting ö vi ai. Tungaila aethaw aela kha awng ö. Kai lä älawngpre tea bäja te vi dy” näkha näpa.

Johan 2:25

Isu lä khimi ce üng phüng mäny king te phüng-a ämi lawngtä lä khimi phüng thui hethang aely ngai te y.

Johan 21:5

Isu ma “Rawijae na ä, mawi dang ö mei” näkha düng pa. Äni ce ma “Dang y vi” näpa.

Angtawtha 14:9

Äni lä Pawlae thui saite Lo Angthang tängai kha awng te vi. Pawlae lä khimi känaw tea kheng khü ea lä, Isu ma naw te hawi sa pa haw vi näte äni yng te tea nung pa vi.

Angtawtha 19:12

Khimi ce lä Pawlae ma tawng saite sipry hai aekhu aena nae na khimi känaw na hai angra kung saite khimi na tea nähai pa kha äni ce üng äqawng-a thyng kha khimi känaw na üng naw saite na hawi hai pa ea angra na bung la äma ce kung saite khimi te üng tho hai ja pa ö vi dy.

Angtawtha 23:11

Honi kärung-a Areng lä Pawlae teng-a aedaw kha “Ri hang. Nang lä Jerusalem märü üng khimi na tea kai üng phüng thui pyng te kätyng, Rom märü üng khimi na tea la thui he kae te by vi” näkha näpa.

Pawlae ma Rom märü üng kangkawng tähang tärü saite cae 5:11

Hokä tangtä cang y rawng, mä-ai üng Areng Isu Khrista hai-a mä-ai bung Säthaw üng kangby jä-ai na-a lawng hai te phüng-a, mä-ai lä anghawtho ö te vi.

Jako 2:18

Tungaila khimi lawngtä ma, “Nang lä yng saite awng vi. Kai lä hawi saite kälu sa vi. Tudylä nang lä hawi saite kälu sa y käla nang üng yng saite kai tea mätü lawi. Kai lä kälu kähawi na sa te hai-a kai üng yng saite nang ce tea mätü ai” näkha thui he awng vi.