Mathai 6:2 - Caekäcai Kangthae (Lemi)

² “Nang lä mätang saite na tea säbawng kätü-a, nang sa te khimi na tea thui hang ba. Khimi kähawi käjüng aesa saite na kätyng sa ö hang. Äni ce lä Judae na üng ingkäcai hai lolang kaeting-a mätang saite na tea säbawng ö te vi. Khimi ce ma äni ce tea tämö khai hethang honi kä sa ö vi. Tängai ö. Äni ce la khimi ce üng ävang dang pyng ö te vi dy. Säthaw ma äni ce tea ävang py te y.

Asang Khongso New Testament

² “Topongah kavawt kaminawk khaeah hmuen maemaeto na paek na-ah laiha kaminawk mah sinakok hoi lam sungqum ah a sak o batih toengah na sak ih to amtuengsak o hmah. Anihcae loa minawk mah pakoeh na soe tito koeh pongah a sak o. Loktang ta-ah kang thuih o: A hak hankoi to kacung ta-ah a hak o boah.

Mathai 6:2 ပူးပေါင်းရင်းမြစ်များ

Mathai 15:7

Nang ce lä käjüng aesa saite khimi na vi. Nang ce phüng buisaw Isaia ma thui rüng te lä hini kätyng vi.

Mathai 16:3

Kädang mang-a khö angnüng khu kha käni khösang thingdang kha mänungxae dylä, aeli khöpui tho ai nä ö vi näkha nang ce thui ö vi. Nang ce lä käni khösang-a kheng kha khöne ai mei, khö hawi ai mei näte mäny ö vi. Tungaila vaihi üng tyng saite na tea nung ea la nang ce lä mäny ö y.

Mathai 22:18

Tungaila Isu lä äni ce üng hawi y saite aedawng te na mäny pa vi. Äni ma “Nang ce lä khimi kähawi käjüng aesa saite na vi. Ätephüng-a kai tea käny näpi ö te vi mei.

Mathai 23:5

Äma ce üng sa saite angxynglyng na khimi ce nung bawi rungtä sa ö te vi. Äma ce üng löpeng hai äkö-a Caekäcai lo kädawi na tärü saite aemäkhing ö vi. Äni ce üng äteng-a aebang sawi saite kä-o käsa na aelawng ö vi.

Mathai 23:6

Ubädi särae na hai Pharisai na lä pawi sa saite mityng kähawi-a aety hethang ngai ö vi. Judae na üng ingkäcai thung-a aesangky saite mityng-a aety hethang ngai ö vi.

Mathai 24:51

Ingkung lä hini mawsawng kälengky tea tengxyng y dengpy kha Säthaw üng lo tängai te käjüng sa saite na hai mangtä khai pa vi ai. Äni ce lä raw kha äfaw aemäkütang kha awng ö vi ai.”

Mathai 5:18

Tängai ö. Käni hai älawng awng te khytä Mosi üng Ubädi älawngsai cäpi hai caelung cäpi la ja y. Säthaw ma sa saite kälu khüng y rytä äni üng Ubädi angxynlyng na awng vi ai rawng.

Mathai 6:16

“Nang lä böjae ea khimi kähawi käjüng aesa te kätyng mimai hawi y te sa ö hang. Äni ce lä böjae te khimi na mäny hethang ngai te phüng-a ämi aelae y käla mimai hawi y te kätyng sa ö vi. Tängai ö, äni ce lä khimi ce üng ävang dang vi dy. Säthaw ma äni ce tea ävang py y dy.

Mathai 6:3

Nang lä mätang saite na tea säbawng te kätü-a, nang rawijae na mäteng mäny hai hang.

Mathai 6:5

“Nang lä aetang ea khimi kähawi käjüng käsa na kätyng sa hang. Äni ce lä khimi ce känung bawi-a Judae na üng ingkäcai hai lolang kaeting mityng-a aedaw kha aetang hethang ngai ö vi. Tängai ö. Äni ce la khimi ce üng ävang dang vi dy. Säthaw ma äni ce tea ävang py pa y dy.

Mathai 7:5

Nang ce lä käjüng aesa te khimi na vi. Angcü-a nang ce üng ämi thung üng thingkawng byng käleng mätho la. Tupyng-a ni nang ce äpy äjae üng ämi angnüng cäpi cäcaw tea mätho haw ai.

Marka 12:39

Judae na üng ingkäcai mityng kähawi-a aety hethang ngai ö bärai te vi. Pawi sa saite ing-a la hawiky saite mityng-a aety hethang ngai ö te kae vi.

Marka 7:6

Isu ma äni ce tea “Nang ce phüng buisaw Isaia ma thui rüng te lä hini kätyng vi. Nang ce lä khimi cüng saite na kätyng, angrubu-a awng saite na vi. Buisaw Isaia ma ‘Hini khimi ce lä kai tea täbawng hai lä tämö khai ö. Tungaila äni ce üng bälung lä kai hai hanglaw bärai vi.

Luka 11:41

Tungaila khimi kangtang na tea bäheng kha nang ce üng kaephi hai pangkae-a awng saite raca na py pa. Tudylä nang ce lä Säthaw maw-a cai ai mang.

Luka 11:43

“Pharisai, nang ce lä tähang si. Nang ce lä Judae na üng ingkäcai thung-a aety nae kaesangky mang awng he ngai ö te vi. Vyngjaw saite mityng-a khimi ce ma tämö khai te na ngai ö ky te phüng-a vi.

Luka 12:33

Nang ma ce üng pyng saite ingthawng na jaw ea khimi kangtang na tea tangkae py ö. Hini kätyng mö haw y saite phawisae-i na nang ma ce tähang sa ö dy. Theru bäru haw y, dengkeng ma ca haw y kha tenglei y saite ingthawng nang ce tähang Känipre-a awng ai.

Luka 12:56

Khimi käjüng käsa na ä, nang ce lä älawngpre hai käni khösang-a kheng kha makä awng ai mei näte mäny dy. Säthaw tea mäny hethang käjüng sa ö vi. Tungaila vaihi Säthaw makä sa ai mei näte nang ce lä mäny ö y vi.

Luka 13:15

Areng ma äni tea “Nang ce käjüng aesa saite khimi na ä, Aehae te Käni-a, nang ma ce üng raebawi, cäphö känawkhing käsa na bung tui nei hai hethang ärang mang-a mäqaw vai ö y khe mei.

Luka 20:46

“Ubädi särae na tea aehi ö. Äni ce lä kä-o ävang kätingky na aelawng kha seng mityng mang-a ly ea khimi ce ma tämö khai ea lady te ngai ö bärai vi. Judae na üng ingkäcai mityng kähawi-a aety hethang ngai ö bärai te vi. Pawi sa saite ing-a la hawiky saite mityng-a aety hethang ngai ö te kae vi.

Luka 6:24

Tungaila khimi känang na ä, nang ce lä tähang si. Nang ce lä älawng üng hawi saite na dang ö pyng te vi dy. Tudylä nang ce lä dang bälai hethang awng y dy.

Luka 6:42

Nang ce üng äpy äjae tea ‘Nang mi thung üng angnüng cäpi cäcaw tea la si’ näkha thui ö hang. Käjüng sa saite nang lä, nang ma üng ämi-a awng saite thingkawng byng tea angcü-a la mang re baw. Tukä ea ni nang lä caiping-a nung kha äpy äjae ämi angnüng tea la haw vi ai.

Johan 13:29

Judae Iskriota lä tangkae cawngkö süng saite khimi vi kha pawi tähang ngai saite na rang hethang, y dylä mätang saite khimi na tähang phawisae py hethang tähang-a, Isu ma älo py pa müng näkha äkähui na lä aedawng ö te vi.

Johan 5:41

“Khimi ce ma bälaw saite tea kai lä ngai te y.

Johan 5:44

Nang ce lä lawngtä hai lawngtä tea aebälaw hethang ngai ö te kae vi. Tungaila lawngtä xyng awng te Säthaw üng bälaw te dang hethang lä aethaw aesa ö y. Tudylä nang ce lä ätemakä sa kha kai tea yng haw ö ai mei.

Johan 7:18

Mä-ai ma üng aely kängai hai thui saite khimi lä mä-ai ma phung-ang dang he ngai te kae vi. Tungaila äma bung mätaw te Kung üng phung-ang tähang aethawsa saite khimi lä mitang khü vi. Äni lä älo kaeling thuikaw y lyng.

Angtawtha 10:2

Äni lä Säthaw tea dawngrütü saite khimi vi. Äni hai äni üng engthung rütä na la Säthaw tea tämö khai ö bärai vi. Khimi kangtang na tea tangkae py kha säbawng leilae vi. Säthaw tea la aetang jawjaw kha awng te vi.

Angtawtha 10:31

Äni ma ‘Konelia ä, nang üng aetang saite tüng lä Säthaw ma thai vi dy ecy. Nang ma kangtang na tea tangkae hai py leilae saite na lä Säthaw ma mäny te vi dy.

Angtawtha 10:4

Äni lä ri te hai-a Säthaw üng angtawtha tea kheng kha “Areng ä, äte mei” näkha näpa. Säthaw üng angtawtha ma “Nang üng aetang leilae te hai khimi kangtang na tea tangkae hai py vävawi saite na lä, Säthaw ma kawng hai vi dy.

Angtawtha 11:29

Yng saite khimi na lä äma ce bäja te rytä Judae khö-a awng saite kangby jä-ai na tea säbawng hethang aedüng aethui ö vi dy.

Angtawtha 24:17

“Kai lä Jerusalem märü üng tho kha khösäning qae bärai saite kätü pyng-a, kai ma üng khimi kangtang na tea lasawng py hethang hai aemäthy hethang Jerusalem märü-a ly haile tyng te vi.

Angtawtha 9:36

Jopa märü-a lä Abitha näsaite Isu tea yng te nawngmädi lawngtä awng. Äni üng ämüng tätang lä Käri lo hai-a, Doka näpa vi. Äni lä kähawi sa te hai mätang saite na tea säbawng he ngaiphi saite khimi vi.

Pawlae ma Rom märü üng kangkawng tähang tärü saite cae 12:8

Mä-ai üng sakaw saite khimi tea aethaw py haw dylä, aethaw py hethang kae. Khimi ce tea säbawng he awng dylä, mäsai y käla säbawng hethang kae. Mä-ai üng sakaw saite lä yng saite na üng mätawngky-a sa hethang dylä, ae-eng kha sa hethang kae. Mä-ai üng sakaw saite hai khimi ce tea bäheng haw vi dylä, anghawtho te hai bäheng hethang kae.

1 Korin 13:3

Kai tea awng saite vyngsai angxynlyng na mätang saite khimi na tea py king te läsy, löci mawi kätyng maisawi hethang kai ma üng ätabung tea mäteng ma aepy te läsy, kai üng kangby jä-ai na tea bälung aevaw y dylä, kai lä äte ävang la dang y lyng.

Galati 2:10

Äni ce mäkai te haetä lä, “Jerusalem märü üng yng saite khimi kangtang na tea säbawng pa” näkha nä ö te vi. Hini lä kai üng aely ngai saite kälu by vi dy.

Ephesi 4:28

Jangni-a bäru saite khimi lä bäru jawjaw hethang kae y dy. Hini jung-a äni lä äma üng kö na hai aethaw rae kha kälu sa sy. Tudylä khimi kangtang na tea säbawng haw ai mang.

1 Thesalon 2:6

Nang ce, y dylä khimi kälang na ma bälaw hethang kai ce lä sa ö te y lyng. Kai ce lä Khrista üng angtawtha na vi te phüng-a, aely leng saite khimi na kätyng-a, nang ce tea särilo hai thui haw ö te vi.

1 Timote 6:18

Khimi ce tea säbawng hethang thui pa. Äni ce lä hawi saite kälu na sa hethang kae. Khimi ce tea mäsai y käla py hethang hai äma ce üng vyngsai na khimi kälang na tea bäri hethang äma ce üng ngai te kätyng äni ce tea mätu pa.

Filemon 1:7

Äby ä, nang lä khimi ce tea bälung aevaw te phüng-a, kai lä anghawtho bärai te hai aethaw dang dy. Nang lä Säthaw üng khimi na tea aethaw py te phüng-a vi.

Hebrai 13:16

Hawi saite kälu tea sa kha lawngtä tea lawngtä aesäbawng hethang lä tämang ö hang. Hini na lä Säthaw tea bälung kawng hai saite löci aesa te na phüng-a vi.

1 Piter 4:11

Thuikaw saite khimi na lä Säthaw üng angthang thui hethang kae. Khimi kälang tea säbawng saite khimi na lä Säthaw üng aethaw hai-a säbawng hethang kae. Tudylä, nang ce sa saite angxynlyng na hai khimi ce lä Isu Khrista hai-a Säthaw tea bälaw haw ö ai. Äni üng haidae hai phung-ang lä dungtäsa awng jawjaw sy. Amen.