Mathai 6:1 - Caekäcai Kangthae (Lemi)

¹ “Nang ce lä kähawi sa tea khimi ce känung-a sa ö hang. Y dylä, Känipre-a awng saite nang ce üng Pä-ai ma nang tea ävang py hethang y dy.

Asang Khongso New Testament

¹ “Bokhaih bangah hmuen kahoih na sak ihnawk hae minawk mah hnuh na soe tiah mi mikhnuk ah na sak o han aiah acoe oah. Totiah na sak o nahaeloa van ih kaom nam Pa khaeih kawnvang tidoeh na hnuh o mak ai.

Mathai 6:1 ပူးပေါင်းရင်းမြစ်များ

Mathai 16:27

Kai, Khimi üng Cäpaw, lä Äpä-ai üng phung-ang hai Säthaw üng angtawtha käcai na hai mangtä ly vi ai. Honi kätü-a khimi angxynlyng na äma ce sa te kätyng ävang py pa vi ai.

Mathai 16:6

Isu ma äni ce tea “Nang ce lä Pharisai na hai Sadukai na üng täkaw aepae saite aesi tea kähawi-a sädi khai ö” näkha näpa.

Mathai 23:13

“Pharisai hai Ubädi särae na ä, nang ce lä tähang si vi. Nang ce lä khimi kähawi käjüng aesa ö te vi. Khimi ce lä Säthaw pre-a kung haw y hethang nang ce lä kätho aekhae ö vi. Tungaila nang ma ce lä kung y ta ma kung hethang aethawsa saite na tea mäkhang pa ö vi.

Mathai 23:5

Äma ce üng sa saite angxynglyng na khimi ce nung bawi rungtä sa ö te vi. Äma ce üng löpeng hai äkö-a Caekäcai lo kädawi na tärü saite aemäkhing ö vi. Äni ce üng äteng-a aebang sawi saite kä-o käsa na aelawng ö vi.

Mathai 25:40

Tukha kai Sanphrang ma äni ce tea ‘Tängai ö. Hini kai üng äkähui na thung-a cäpiky saite lawngtä tähang nang ce ma säbawng te lä kai tea säbawng te kätyng by kae dy’ näkha näpa.

Mathai 5:16

Honi kätyng nang ce üng kaevang khimi ce maw-a aevang sy. Tukä dylä, khimi ce lä nang ce üng kälu kähawi nung kha Känipre-a awng saite nang üng Pä-ai tea bälaw ö ai.

Mathai 5:46

Nang ce tea bälung aevaw saite khimi na tea ni bälung aevaw ö kae dylä, Säthaw ma nang ce tea äte ävang la py y lyng. Angko cawng saite na mäteng hini kätyng sa ö te by vi.

Mathai 5:48

Tukätephüng-a Känipre üng Pä-ai Säthaw lä cungrü te kätyng nang ce la cungrü-a awng ö jo.

Mathai 6:16

“Nang lä böjae ea khimi kähawi käjüng aesa te kätyng mimai hawi y te sa ö hang. Äni ce lä böjae te khimi na mäny hethang ngai te phüng-a ämi aelae y käla mimai hawi y te kätyng sa ö vi. Tängai ö, äni ce lä khimi ce üng ävang dang vi dy. Säthaw ma äni ce tea ävang py y dy.

Mathai 6:9

Tukha nang aetang te kätü-a hini kä thui ö. ‘Känipre üng kai ce üng Pä-ai ä, nang üng ämüng käcai tea khimi ce ma tämö khai sy.

Marka 8:15

Tukha Isu ma äni ce tea “Nang ce lä Pharisai na hai sanphrang Herodae üng täkaw aepae saite aesi tea kähawi-a sädi khai ö” näkha näpa.

Luka 11:35

Tukätephüng-a nang ce tea awng saite kaevang lä käving-a aelawng y hethang sädi khai ö.

Luka 12:1

Khimipui sangrui-a märaw y na lä aekäcö te kätü-a äni ce lä lawng lawngtä tea äma ce üng äkho na hai aethaw mimawng ö dy. Isu lä äkähui na tea thui mang te lo lä “Nang ce lä Pharisai na üng täkaw aepae saite aesi tea kähawi-a sädi khai ö. Äni ce lä käjüng aesa vävawi te vi.

Luka 12:15

Tupyng-a Isu ma äni ce tea “Sädi khai ö. Ingthawng na tea bädö ö hang. Khimi lawng lawngtä lä ingthawng awng mang te phüng-a kawng anghawtho te hai hing sa y lyng” näpa.

Luka 16:15

Tukätephüng-a Isu ma äni ce tea “Nang ce lä khimi ce üng maw-a angrubu-a awng hethang ngai ö te kae vi. Tungaila Säthaw lä nang ce üng bälung tea mäny te vi. Khimi ce ma aely kälengky-a khai saite na tea Säthaw lä esäre kha känyng te vi.

Johan 12:43

Äni ce lä Säthaw ma bälaw te qawng-a, khimi ce üng bälaw saite tea ngaiky ö te phüng-a vi.

Johan 5:44

Nang ce lä lawngtä hai lawngtä tea aebälaw hethang ngai ö te kae vi. Tungaila lawngtä xyng awng te Säthaw üng bälaw te dang hethang lä aethaw aesa ö y. Tudylä nang ce lä ätemakä sa kha kai tea yng haw ö ai mei.

Angtawtha 3:12

Peterae lä khimi ce bung nung kha äni ce tea “Isrelae khimi ce ä, ätephüng-a nang ce lä cangxei kha kheng ö te vi mei. Kai ce üng haidae hai hawi saite phüng-a, äni üng naw hawi te näkha nang ce lä kai ce tea aepö ö te vi mei.

Galati 6:12

Nang ce tea lengkhüng täke hethang aethaw paitae hai sa saite na lä, Judae khimi kälang na üng mimai dang hethang sa te kae. Säthaw lä Khrista ma thinglang qawng-a dü te hai-a khimi ce bung aeqang te vi näkha thui te phüng-a, äni ce lä sakälö khü saite aeting hethang ngai ö te y vi.

Hebrai 11:26

Mesia üng tähang mäthi y saite lä, Aikuta pre üng tawnang saite angxynlyng na qawng-a ävang tingky vi näkha äni lä aedawng vi dy. Äni lä ämaw mang-a äma üng dang hethang ävang käting tea nung rüng te phüng-a vi dy.

Hebrai 2:1

Tukätephüng-a mä-ai lä thai saite lo mitang tea kähawi-a tängai ö khü hethang kae. Tukä y dylä mä-ai üng yng saite lä laja vi ai.

Hebrai 6:10

Säthaw lä cüng jawjaw te vi. Äma üng khimi na tea nang ce ma säbawng pyng saite na hai säbawng jawjaw saite na tea lä Säthaw ma aedawng haile tyng te vi. Nang ce lä Säthaw tea bälung aevaw ö kha äni tähang kälu sa saite tea äni lä tämang te y.

2 Johan 1:8

Tukätephüng-a hini khimi ma nang ce tea älang tämang saite mang-a bähawi haw y rung khytä nang ce lä sädi khai ö. Hokä ea ni nang ce üng aethawsa saite na lä aetütü-a lawng y käla Säthaw üng py saite cungrü te ävang nang ce lä dang ö ai.