Mathai 5:8 - Caekäcai Kangthae (Lemi)

⁸ Säthaw tähang bälung käcai hai aepy saite khimi na lä tähang hawi. Äni ce lä Säthaw bung nung ö ai mang.

Asang Khongso New Testament

⁸ Palungthin kacai kaminawk loa tahamhoih o; Kawmawtiah anihcae loa Sithaw to hnuh o tih.

Mathai 5:8 ပူးပေါင်းရင်းမြစ်များ

Angtawtha 15:9

Säthaw lä äni ce bung mä-ai hai täphü kha khai te y. Äni ce lä Isu tea yng te phüng-a, äni ce üng bälung la caiping vi dy.

1 Korin 13:12

Vaihi mä-ai lä Säthaw üng ämaw äcae tea khawitälae thung-a awng te kätyng sävui sävai-a nung ö te kae. Tungaila kangkhüng kätü-a, mä-ai lä Säthaw tea mimai hai nungsy ö vi ai. Vaihi kai üng mäny saite lä äje cäcaw kha cungrü te y vi rawng. Tungaila Säthaw lä kai tea vaihi mäny te kätyng kangkhüng kätü-a, kai lä äte angxynlyng na cungrü-a mäny king vi ai.

2 Korin 7:1

Kangby jä-ai na ä, Säthaw üng hini aedo saite na lä mä-ai tähang vi te phüng-a, mä-ai ma tea ätabung hai bälung üng ngaiphi tüng y saite angxynlyng na tea lä aemäcai pang ö si. Mä-ai lä Säthaw tea ri kha tämö khai saite hai-a käcai ping-a awng ö si.

Titas 1:15

Khimi käcai na tähang lä äte angxynlyng na lä cai bawi te vi. Tungaila pawprae-a awng kha Säthaw tea yng y saite na tähang lä äte angxynlyng na la cai te awng bi y. Ätephüng-a mei nädylä äni ce lä käsi lang-a dawng jawjaw kha äni ce üng bälung kaedawng lä hawi te, hawi y te, tea mänykaw ö te y vi.

Hebrai 10:22

Tukätephüng-a mä-ai lä Säthaw üng äteng-a mitang khaw saite bälung, yng khü te hai ly ö si. Khrista üng äthi lä mä-ai üng käsi kähawi mäny saite bälung kaedawng na tea mäcai pa te phüng-a, mä-ai üng sa saite hunghö na tea lä aedawng ö vi hang lawi. Mä-ai üng ätabung na tea lä tui käcai hai mäse pang vi dy.

Hebrai 12:14

Khimi angxynlyng na hai mangtä awngneng saite hai-a awng hethang aethawsa ö ba. Caiping saite thung-a hing ö. Caiping y saite khimi ämi la Areng bung nung haw y lyng.

Hebrai 9:14

Tungaila Khrista üng äthi lä hini qawng-a cang y sa haw te vi. Äni lä dungtäsa Muilaw hai-a äma ma löci sa te vi dy. Äni lä Säthaw tähang cungrü-a löci aesa saite vi dy. Tukätephüng-a äni üng äthi lä tengxyng y haidae awng kha mä-ai üng käsi kähawi mänykaw saite bälung kaedawng na tea ävang ting y saite reitae thung üng cai hai te vi. Vaihi mä-ai lä Säthaw kähing tea mawsawng sa haw ö te vi dy.

Jako 3:17

Tungaila Säthaw te üng tho saite bälung kähae lä angcüky-a cai te vi. Honi lä awngneng saite, bälung hawi saite, khimi kälang na tähang aedawng kaw pa saite, bäheng saite hai kälu kähawi sa saite na vi. Honi lä khimi ce üng mimai kheng te hai käjüng sa te awng y.

Jako 4:8

Nang ce lä Säthaw äteng-a ly dylä, äni la nang ce äteng-a ly by ai. Hunghö sa saite nang ce lä nang ma ce üng sa saite na cai hai ö lawi. Yng vawng y saite nang ce lä cai saite kaedawng awng ö lawi.

1 Piter 1:22

Nang ce üng lo mitang tängai saite hai-a, nang ce lä käcai na-a lawng ö te vi dy. Tukha nang ce lä nang ma ce üng yng saite äpy kälang na tea bälung aevaw khaw ö te vi. Lawng lawngtä tea bälung mäke hai bälung aevaw ö lawi.

Lokphong 22:4

Äni ce lä Areng üng mimai tea nung ö vi ai. Äni ce üng löpeng na qawng-a lä äni üng ämüng tärü ö vi ai.