Mathai 5:30 - Caekäcai Kangthae (Lemi)

³⁰ Nang üng kö bangtang mang hunghö sa hai vi dylä, honi äkö bung aebyng po kha kädeja la. Nang üng ätabung käcung hai-a ngärei thung-a ly te qawng-a äkö faitä pra te lä hawiky vi.

Asang Khongso New Testament

³⁰ Na bantang ban mah na zaesak nahaeloa boeng pat aloa vah ving ah. Na takbum boih hell ah caeh pongh loa na khok na ban maemaeto na taat to nang han hoih kue.

Mathai 5:30 ပူးပေါင်းရင်းမြစ်များ

Mathai 11:6

Kai tea yng jawjaw saite khimi tea lä Säthaw ma tähang kähawi py ai” näkha mäthang pa dy.

Mathai 13:21

Tungaila Säthaw lo lä äni ce üng bälung thung-a cakhi y te phüng-a tänaetä yng ö te kae vi. Tukha äni ce lä Säthaw üng lo phüng-a mätangca saite aeting te kätü-a lä yng jawjaw ö y te vi.

Mathai 16:23

Isu lä aehawi kha Peterae tea “Nang lä Setan angra kätyng älo thui te kae vi. Kai te üng aehi la. Nang lä kai tea sa tälokhei te vi. Nang lä Säthaw kätyng aedawng y käla khimi ce kätyng aedawng te kae vi” näkha näpa.

Mathai 17:27

Tungaila äni ce kädawtho y hethang nang lä tuilipui-a ly kha mawibawng lawi. Angcü-a dang mang saite mawi täbawng khawi kha kheng. Phawisae pjaetä dang ai mang. Honi phawisae pjaetä lä mä-ai ni maimö ko hethang aelo te vi. Honi phawisae la kha mä-ai ni tähang äni ce tea maimö py pa” näkha näpa.

Mathai 18:8

“Nang üng äkö y dylä, äkho ma yng saite tea pra hai vi dylä, honi äkö kho bung byngpo kha kädesö la. Mai dü y saite ngärei pre thung-a äkö, äkho käcung-a aeqa te qawng-a äkö äkho pheitä hawi y kha hing te lä hawiky khyry te vi rawng.

Mathai 22:13

Tupyng-a sanphrang lä mawsawng na tea ‘Äni üng äkö hai äkho-a mäkhing ö kha ärang kävingky mang-a mätho ö la. Honi mityng-a khimi ce lä raw kha äfaw aemäkütang ea awng ö vi ai’ näkha näpa.”

Mathai 25:20

Sui phawisae sang bangtä dang saite lä kaepai sa kha aepu rae saite sui phawisae sang bangtä hai ly kha äni tea ‘Särae ä, nang ma kai tea rui hethang sui phawisae sang bangtä a vi. Kheng e, kai lä kaepai sa kha sui phawisae sang bangtä aepu hai rae dy’ näkha näpa.

Mathai 26:31

Tupyng-a Isu ma äni ce tea “Caekäcai thung-a tärü saite lä, Kai lä beram rui saite kung bung bädü kha beram na lä aehui sangxang ö vi ai” näkha awng. “Honi kätyng vaidüng nang ce angxynlyng na ma kai bung lä khaisö kha aehui pa öng vi ai.

Mathai 5:22

Tungaila vaihi nang ce tea kai ma: Nang lä nang ma üng äpy tea kädawtho dylä, Säthaw ma nang tea dengpy ai. Nang lä äpy tea käsi thui dylä, nang tea Sanhendrin kawngci-a dengpy vi ai. Nang ma äpy tea kaerö näkha ka dylä, ngärei thung-a tyng ai mang.

Mathai 5:29

Nang üng ämi bangtang mang hunghö sa hai vi dylä, honi ämi bung thawpu kha kädeja la. Nang üng ätabung käcung hai-a ngärei thung-a ly te qawng-a ämi faitä pra te lä hawiky vi.

Marka 9:43

Nang üng äkö ma nang üng yng saite tea pra hai dylä honi äkö bung byngpo la. Mai dü y saite ngärei pre thung-a äkö phei netä käcung-a aeqa te qawng-a lä äkö pheitä hawi y kha hing te lä hawiky khyry te vi rawng.

Luka 12:5

Tungaila nang ce ri hethang aeteng saite lawngtä phüng kai thui ai. Ätabung bädü pyng ea nang ce bung ngärei-a käde haw saite Säthaw tea ri ö. Kai thui be thele ai. Äni tea ni ri hethang aeteng khaw te vi.

Luka 17:2

Honi khimi lä hini kai tea yng saite lawng lawngtä pra hai te qawng-a lä äni üng känawngjang-a kälung käleng ae-awi kha pangle tui thung-a khimi ce ma kädesö khyry te lä äni tähang hawiky vi ai rawng.

Pawlae ma Rom märü üng kangkawng tähang tärü saite cae 9:33

Honi kätyng Säthaw lä Caekäcai thung-a, “Tängai ö. Khimi ce lä mäthui khy kha aetüng hai saite kälung tea Zaion märü-a kai lä khai vi ai. Honi kälung tea khimi ce lä mäthui khy kha täbakhu hai ö vi ai. Tungaila äni tea yng saite khimi lä manila aethawsi ö y vi ai” näkha awng te vi.

1 Korin 8:13

Tukätephüng-a kai üng ca saite, yng saite hai-a kai üng kangby jä-ai tea hunghö sa hai vi dylä, kai lä manila ängang ca haile tyng y vi ai. Tudylä yng saite na lä hunghö sa hai ö y vi ai.

Galati 5:11

Yng saite kangby jä-ai na ä, khimi ce lä lengkhüng täke hethang kae näkha kai thui dylä, ätephüng-a kai tea vaihi khytä khimi ce lä sakälö khü ö te vi mei. Khrista lä thinglang qawng-a dü te hai-a aeqang saite dang te phüng thui te jüng-a, khimi ce lä lengkhüng täke hethang kae näkha kai thui vi dylä, Judae khimi na ma kai tea lä elekhei sa y dy lyng.

1 Piter 2:8

Caekäcai thung-a, “Hini lungphö lä khimi ce tea äkho hai mäthui khy hai kha äni ce bung täbakhu hai ö vi ai” näkha tärü te la awng te vi. Äni ce lä Säthaw üng lo tängai y te phüng-a, äkho mäthui khy ö te vi. Honi lä äni ce tähang Säthaw üng aely kängai vi dy.