Mathai 5:3 - Caekäcai Kangthae (Lemi)

³ Äni ma “Säthaw üng säbawng saite aely ngai näte mäny saite khimi na lä tähang hawi. Äni ce lä Säthaw üng pre-a tawngnang te vi.

Asang Khongso New Testament

³ “Pakhra bangah kamtang tiah ka panoek kaminawk loa tahamhoih o; kawmawtiah van Poenghaih loa anihcae ih ni.

Mathai 5:3 ပူးပေါင်းရင်းမြစ်များ

Mathai 11:25

Tupyng-a Isu ma “Ä-ai ä, käni hai älawng üng Areng nang tea kai bälaw mang. Ätephüng-a mei nädylä nang lä bälungkähae na tähang ho saite phüng na nade kätyng awng saite khimi na tea täphawng pa te phüng-a vi.

Mathai 11:6

Kai tea yng jawjaw saite khimi tea lä Säthaw ma tähang kähawi py ai” näkha mäthang pa dy.

Mathai 13:16

“Säthaw ma nang ce tea tähang kähawi py te phüng-a Nang ce lä ämi la nung, känawkhing la thai ö dy.

Mathai 19:14

Isu ma “Nade na bung kai tea ly hai ö mai sy. Mäkhang pa ö hang. Säthaw üng pre lä honi nade kätyng awng saite khimi na tähang vi” näkha näpa.

Mathai 24:46

Ingkung ma vawi haile te kätü-a äni ma thui te kätyng mawsawng kälengky üng sa khü te nung dylä, mawsawng kälengky lä tähang hawi.

Mathai 25:34

Tupyng-a Kai Sanphrang ma kai üng bangtang mang-a awng saite na tea ‘Ly ö lawi, Kai üng Pä-ai Säthaw üng tähang kähawi dang saite na ä, älawng sa angcü te kätü üng hai ma nang ce tähang sa rüng saite pre tea kung kha pyng ö lawi.

Mathai 3:2

Äni ma “Ae-ui ö lawi Säthaw ma pre pyng saite kätü lä tyng hethang aenai dy” näkha näpa.

Mathai 8:11

Kai ma nang ce tea thui ai dy, khimi kä-awng mang na lä käni düng känise pre kälang mang üng ly ö te vi. Säthaw lä äma üng pre-a Sanphrang sa te kätü-a mä-ai üng kangsi Abraham, Isaika, Jaeko ce hai äni ce mangtä aety kha pawi sa ö vi ai.

Marka 10:14

Hikä awng te Isu ma nung te kätü-a lä, kädawtho kha äkähui na tea “Nade na bung kai tea ly hai ö mai sy. Mäkhang pa ö hang. Säthaw üng pre lä honi nade kätyng awng saite khimi na tähang vi.

Luka 11:28

Tukha Isu ma “Säthaw üng lo thai kha tängai saite khimi lä tähang hawiky” näkha thui haile pa.

Luka 18:14

Tängai ö. Hini khimi vawi haile te kätü-a Säthaw lä äni tea khimi käcüng-a nung pa vi dy. Pharisai tea lä hokä nung pa y. Mä-ai ma tea aemäsang saite khimi tea lä Säthaw ma mäneng pa vi ai. Tukha mä-ai ma tea aemäneng saite khimi tea Säthaw lä mäsang pa vi ai” näpa.

Luka 22:29

Üngai ma kai tea pre pyng hethang py te kätyng nang ce pre pyng hethang kai ma py ai.

Luka 22:30

Tukätephüng-a nang ce lä kai üng pre-a kai hai mangtä loka-a ca nei haw ö ai. Tukha nang ce lä tärae cei te kung üng aety nae-a aety kha Isrelae ceng hawlai netä na tea pyng ö vi ai.

Luka 4:18

“Areng üng Muilaw Käcai lä kai hai mangtä awng dy. Khimi kangtang na tea Angthang Kähawi thui hethang Säthaw ma kai bung re te phüng-a vi. Thawng thung üng khimi ce tea bälawi vi ai näte phüng thui hethang, ämi kangjö na ämi nung haile hethang, Säthaw ma kai bung mätaw te vi. Sakälö khü pa saite khimi na aelawi hethang, Areng ma äma üng khimi ce bung qae y tea ma, aeqang ai dy näte thui pa hethang, Säthaw ma kai bung mätaw te vi dy” näkha phai pa.

Johan 20:29

Isu ma “Nang lä kai bung nung te phüng-a yng te kae vi. Kai bung nung y käla ma yng saite khimi na lä tähang hawi” näkha näpa.

Jako 1:10

Tungaila tawngnang saite lawngtä lä Säthaw ma äni bung mäneng ai te phüng-a anghawtho sy. Ätephüng-a mei nädylä, äni üng hing saite lä daithung üng äpa kätyng tänaetä ma la vi ai.

Jako 1:12

Khimi lawngtä lä the saite hai käny saite aeting te kätü-a, äni üng yng saite cakhi dylä, äni lä anghawtho haw vi. Ätephüng-a mei nädylä Säthaw ma honi na tea bäja pyng saite khimi bung lä ävang käting dungtäsa hing saite py ai. Säthaw lä äma tea bälung aevaw saite khimi na tea lä ävang käting dungtäsa hing saite py hethang älo aedo te vi.

Jako 2:5

Kai üng bälung aevaw saite kangby jä-ai na ä, tängai ö! Säthaw lä hini älawngpre-a khimi kangtang na bung re te vi. Äni ce lä Isu tea yng te phüng-a, tätang tawngnang saite na vi. Säthaw lä äma tea bälung aevaw saite khimi na tea lä äma üng pre py hethang älo aedo te kätyng khimi kangtang na tea äma üng pre dang te thung-a qa hai ö te vi.

Lokphong 19:9

Tupyng-a Känipre angtawtha ma kai tea, “Beram caw üng aepawng saite pawi-a ly hethang hyng rüng saite khimi na lä tähang hawi, näkha tärü ba” nä vi. Känipre angtawtha ma, “Hini na lä Säthaw üng lo mitang na vi” näkha thui be vi dy.

Lokphong 22:14

Mä-ai ma üng kä-o na tea caiping-a mäsu saite khimi na lä tähang hawi. Äni ce lä kähing py saite thingkawng kung üng äthai ca haw kha märü käleng thung-a hawngkhae kätho na mang kung haw ö ai.

Lokphong 3:17

Nang ce ma, “Kai ce lä tawngnang vi. Ngai saite angxynlyng na awng vi dy. Täkang y dy lyng” näkha thui ö vi. Tungaila nang ce lä tähang si te hai bäheng hethang hawi ö te vi. Nang ce lä kangtang kanglai, ämi kangjö, hai aekhu aena nae awng ö te y vi. Tungaila honi na tea nang ce lä mäny ö te y.