Mathai 5:22 - Caekäcai Kangthae (Lemi)

²² Tungaila vaihi nang ce tea kai ma: Nang lä nang ma üng äpy tea kädawtho dylä, Säthaw ma nang tea dengpy ai. Nang lä äpy tea käsi thui dylä, nang tea Sanhendrin kawngci-a dengpy vi ai. Nang ma äpy tea kaerö näkha ka dylä, ngärei thung-a tyng ai mang.

Asang Khongso New Testament

²² To-e vaihi kang thuih o: Ami doeh naukamza nuiah palungphui kami boih loa lokcaekhaih zung ah caeh haih ah om tih. Ami doeh naukamza to ‘Tidoeh na vanglang ai,’ tiah ka naa kami loa lokcaekkung hma-ah phak haih ah om tih, ami doeh naukamza to, ‘Kamthu kamling,’ tiah ka naa kami boih loa hell hmai thungah krah tih.

Mathai 5:22 ပူးပေါင်းရင်းမြစ်များ

Mathai 10:17

Nang ce lä kähawi-a sädi khai ö. Makäte phüng-a mei na dylä, khimi phütä na ma nang ce bung ne kha Judae na üng jung kai-a nähai ö vi ai. Judae na üng ingkäcai thung-a nang ce tea bo ö ai.

Mathai 10:28

Khimi ce tea ri ö hang. Äni ce lä nang ce üng ätabung tea bädü haw ngaila nang ce üng muilaw tea lä bädü haw te y lyng. Honi jüng-a, nang ce lä Säthaw tea phai ri ö. Äni lä khimi ce üng ätabung hai muilaw na tea ngärei thung-a täphra haw vi.

Mathai 12:24

Tungaila Pharisai na ma hini phüng thai te kätü-a lä, “Hini khimi lä Belzebul angra mangkhawng üng haidae hai angra na bung mätho haw vi” näkha äma ce tingtawi aethui ö dy.

Mathai 17:5

Tungaila Peterae lä hini lo kä thui te thüng-a khö angnüng kanglung lä tho kha äni ce tea bu pa dy. Tukha khö angnüng thung mang tho te ätüng lä “Hini lä kai ma bälung aevaw saite Kai üng Cäpaw vi. Äni lä kai tea anghawtho hai te vi. Äni üng älo tängai ö” näkha näpa.

Mathai 18:21

Tupyng-a Peterae ma Isu tea ly kha “Areng ä, kai üng äpy ma kai tea hunghö sa dylä, äni tea qeng majetä bälawi ai mei. Qengsäritä bälawi ai mei” näkha düng pa dy.

Mathai 18:35

“Nang ce üng kangby jä-ai sa tämang te bälung khybawi hai bälawi y dylä, Känipre üng kai Pä-ai la nang ce tea sanphrang ma mawsawng tea sa te kätyng sa by vi ai” näkha näpa.

Mathai 23:15

“Pharisai na hai Ubädi särae na nang ce lä tähang si. Nang ce lä khimi kähawi käjüng aesa ö te vi. Nang ce lä mepui hai pangle tui aekae kha khimi lawngtä lä nang ce üng reitae kätyng Säthaw cäphaw he aethawsa ö vi. Khimi lawngtä lä nang ce üng reitae kätyng yng tea la, Säthaw ma nang ce tea ngärei-a dengpy te qawng-a qengnetä ngärei-a dengpy ngece hethang nang ce kätyng käjüng aesa ö hai te vi.

Mathai 23:33

Nang ce lä bärui käsi hai aetawng vi. Bärui cäpi na hai aetawng vi. Nang ce ae-ui y dylä, Säthaw ma ngärei thung-a dengpy te üng aelawi haw y.

Mathai 25:41

“Tupyng-a Kai Sanphrang lä bangrawi mang üng awng saite na tea ‘Säthaw ma nang ce tea tähang käsi py ai. Kai te üng tho pa öng la. Säthaw ma Setan angra hai äma üng äkähui na tähang sa rüng pa saite dungtäsa mai thung-a ly pa öng la’ näkha näpa.

Mathai 26:59

Mäthykung käleng na hai mangtä Judae na üng Sanhendrin kawngci üng khimi angxynlyng na lä Isu bung bädü haw hethang äni üng phüng kaeling thui saite na mäqang ö dy.

Mathai 3:17

Käni mang Säthaw üng ätüng lä “Hini lä kai ma bälung aevaw saite Cäpaw vi. Äni tähang kai lä kawngphi vi” näkha näpa.

Mathai 5:34

Tungaila vaihi nang ce tea kai ma thui dy ‘Älo aedo ea täking ö hang. Känipre hai täking ö hang.’ Känipre lä Säthaw ma pyng saite mityng vi.

Mathai 5:44

Tungaila vaihi nang ce tea kai ma: Nang ma ce üng täre na tea bälung aevaw ö. Nang ce tea mätang bälai-a sa saite khimi na tähang aetang pa ö.

Marka 14:55

Mäthykung käleng na hai mangtä Judae na üng Sanhendrin kawngci üng khimi angxynlyng na lä Isu bung bädü haw hethang sa tämang saite älang hae haetä ha ngaila äte haetä la dang pa ö y vi.

Marka 15:1

Kädang thawde-a mäthykung käleng na lä Ubädi särae na, mätawngky na hai Sanhendrin kawngci üng khimi angxynlyng na hai aeting dawde kha älo aedüng ö dy. Tupyng-a äni ce lä Isu bung mäkhing rang pa. Tukha äni bung Pilata mätawngky tea tha pa ö dy.

Luka 12:5

Tungaila nang ce ri hethang aeteng saite lawngtä phüng kai thui ai. Ätabung bädü pyng ea nang ce bung ngärei-a käde haw saite Säthaw tea ri ö. Kai thui be thele ai. Äni tea ni ri hethang aeteng khaw te vi.

Luka 22:66

Kädang khö aevang ea lä, khimipui thung üng mätawng na hai, mäthykung käleng na hai, Ubädi särae na lä mangtä Sanhendrin kawngci-a aeting ö qu dy. Tukha Isu bung äni ce maw-a nähai pa ö dy.

Johan 11:47

Tupyng-a mäthykung käleng hai Pharisai na lä Sanhendrin kawngci-a aekäcö kha aedüng aethui ö dy. Äni ce ma “Hini khimi lä hi-a, cangxei saite kamarae na sa mang vi. Mä-ai lä ätemakä sa ö ai dy mei.

Johan 15:25

Hini kätyng Caekäcai ping thung-a tärü te lä “Äni ce lä Kai tea esäre hethang äte phüng la awng y käla ma Kai tea esäre ö te vi” näkha näpa.

Johan 7:20

Khimipui na ma “Nang la angra kung te vi. Nang bung bädü hethang aethawsa te lä ämi mei” näpa.

Johan 8:48

Judae khimi na ma “Nang lä Samari khimi hai angra kung saite khimi vi näkha kai ce ma thui te lä tüngkhaw vi” näpa.

Angtawtha 17:18

Epikura üng bälung käcüng aedawng saite hai Satu-i üng bälung käcüng aedawng saite Särae na hai la, Pawlae lä aedüng aethui vi dy. Honi thung üng khimi phütä na ma “Hini lopu lä äte na thui hethang ngai te mei” näkha düng pa. Äkälang khimi na ma “Äni lä ceng kälang na üng angra na phüng thui te ngaw müng” näkha näpa. Ätemakä mei nädylä, Pawlae lä Areng Isu phüng hai äni dü te üng aetha te Angthang Kähawi thui te phüng-a vi.

Angtawtha 22:30

Kädang mang-a lä, Pawlae tea Judae khimi na ma äte sa tämang te hai-a, käsi thui ö te mei näte reisae kälengky lä kähawi-a, mäny he ngai pa vi dy. Tukätephüng-a äni ma Pawlae tea mäkhing saite singqy rui na sö hai pa ea, mäthykung käleng na hai Sanhendrin kawngci üng mätawngky na tea aekäcüng ö hethang älo py pa by vi dy. Tupyng-a Pawlae bung nähai kha äni ce maw-a aedaw hai dy.

Angtawtha 23:1

Pawlae lä Sanhendrin kawngci na tea kheng bädiki ea “Kangby jä-ai na ä, kai lä vaini khytä Säthaw üng maw-a, caiping te bälung kaedawng hai-a awng kha kälu sa te vi” näpa.

Angtawtha 24:20

Honi kätyng y dylä vaihi hi-a awng saite khimi na lä Sanhendrin kawngci maw-a kai awng te kätü-a kai üng sa tämang saite äte awng mei näte thui ö sy.

Angtawtha 4:15

Tupyng-a Judae mätawngky na lä Peterae ni Johan bung kawngci üng ärang mang-a mätho hai kha äma ce tingtawi älo aedüng ö dy.

Angtawtha 5:21

Angtawtha na lä Säthaw üng angtawtha ma thui te kätyng khö aevang ea lä Ingkäcai baesung thung-a ly kha khimi ce tea Isu phüng mätu pa ö vi dy. Mäthykung kälengky hai äma üng rawijae na tyng ea äni ce lä Sanhendrin kawngci-a awng saite Isrelae mätawngky angxynlyng na bung aekäcö hai pa vi dy. Tupyng-a angtawtha na bung nähai hethang Ingkäcai ty saite na bung thawng thung-a mätaw ö dy.

Angtawtha 5:27

Tupyng-a angtawtha na bung Sanhendrin kawngci üng maw-a aedaw hai pa ö vi. Tukha mäthykung kälengky ma lä äni ce tea älo düng pa dy.

Angtawtha 6:12

Hini kätyng äni ce lä khimi ce hai mätawngky na hai, Mosi üng Ubädi särae na tea lä Stephen tea kädawtho rung khytä sa ö vi. Tukha äni ce lä Stephen bung ne kha Sanhendrin kawngci maw-a, nähai pa ö dy.

Angtawtha 6:15

Sanhendrin kawngci-a aety saite angxynlyng na ma Stephen tea kheng khisäli ea äni üng mimai lä, Säthaw üng angtawtha üng mimai hai aetawng te nung ö pa vi dy.

Angtawtha 7:37

Mosi ma ‘Säthaw lä kai kätyng aetawng saite buisaw lawngtä bung mätaw pa ai. Äni lä nang ce ceng thung üng khimi lawng vi ai’ näkha Isrelae khimi na tea thui pa dy.

Pawlae ma Rom märü üng kangkawng tähang tärü saite cae 12:10

Nang ce lä Khristen kangby jä-ai na lawng lawngtä tea lä bälung aevaw ö. Nang ma ce ma lawng lawngtä tea tämö aemäsang ö.

1 Korin 6:6

Hini kätyng sa te jüng-a, Khristen lawngtä lä äma üng kangby jä-ai sa tämang kha cy hethang yng y saite tärae käcei kung tea ly te vi. Yng y saite tärae cei te kung tea ly kha tärae mädü hai ö te vi.

1 Thesalon 4:6

Hini kai ma thui te kätyng-a nang ce lä yng saite kangby jä-ai na tea kaeling kaemae hai sa tämang he kae y. Nang ce tea kai ce lä sädi py kha thui ö pyng te vi dy. Hokä sa saite khimi na tea lä Säthaw ma tärawitha tyng vi ai.

Titas 3:2

Khimi ce phüng käsi thui y hethang äni ce tea thui pa. Äni ce lä khimi qütä tea aede te hai bälung mitang-a aemäneng te hai bälung kähawi-a awng hethang kae.

Hebrai 12:25

Tukätephüng-a thui saite khimi lawngtä üng älo tea tängai y hethang sädi khai ö. Hini älawngpre-a Säthaw üng älo thui saite lawngtä üng lo tea tängai y saite khimi na tea lä Säthaw ma deng py vi. Mä-ai lä Känipre üng hai thui saite Areng üng älo tea khaisö vi dylä, Säthaw ma deng py saite thung üng ämi lä aelawi haw y lyng.

Hebrai 5:9

Säthaw lä äni bung cungrü hai pyng-a, äma üng lo tängai saite khimi angxynlyng na tähang dungtäsa aeqang saite äkung-a äni lä aelawng vi dy.

Jako 2:20

Nang ce lä kangthö na vi. Khimi lawngtä lä Säthaw tea yng kha hawi saite kälu sa y dylä, ävang ting te y vi näte kai ma nang ce tea mätü ai mei.

Jako 3:6

Khimi üng bälai lä mai kätyng vi. Mä-ai üng ätabung kaepreng thung-a bälai lä haidae käsi awng te vi. Honi bälai lä khimi angxynlyng na tea käsi na sa haw te vi. Honi lä maipui angrawng üng tho saite mai hai-a mä-ai üng hing saite angxynlyng na tea kang hai haw te vi.

1 Piter 2:23

Khimi ce ma äni tea käsi prawng te kätü-a, äni lä äte lo käsi haetä la mäthang haile tyng te y vi. Äni lä mätang bälai te kätü-a, khimi ce ma aethüng hai hethang lo thui te y vi. Tungaila äni lä käcüng-a tärae cei saite Säthaw tea aethang khai te kae.

1 Piter 3:9

Nang ce lä käsi sa saite khimi na tea rawithung tha ö hang. Nang ce tea täking saite na tea lä täking haile tyng ö hang. Hini jüng-a, nang ce lä äni ce tea tähang kähawi py pa ö. Ätephüng-a mei nädylä Säthaw lä nang ce bung hini kätyng sa hai hethang re te vi dy. Tudylä, Säthaw lä nang ce tea tähang kähawi py ai mang.

1 Johan 2:9

Khimi lawngtä lä Säthaw üng kaevang kätyng awng te dy näkha äma üng rawijae na tea esäre dylä, käving thung-a awng te kae vi rawng.

1 Johan 3:10

Tukätephüng-a Säthaw üng caw nade na hai Setan angra üng caw nade na näte tea lä hini kätyng-a mäny haw ö vi. Kätüng sa y saite khimi na, yng saite rawijae na tea bälung aevaw y saite na lä Säthaw üng caw nade na y lyng.

1 Johan 5:16

Khimi lawngtä äma üng yng saite rawijae lä Säthaw ma dü te khytä dengpy y saite hunghö tea sa te nung dylä, äni lä Säthaw tea aetang hethang kae. Dü hai saite hunghö sa y saite na tähang hai-a Säthaw lä honi khimi tea hing saite py ai. Dü hai saite hunghö lä awng vi. Honi hunghö sa saite khimi tea hunghö üng lawi hai hethang aetang pa näkha kai lä thui te y lyng.

Judae 1:9

Säthaw üng angtawtha käleng Mikhela mäteng ma hini kätyng sa te y. Äni lä Mosi üng äro aelawng te phüng Setan angra hai älo ae-e hawi te kätü-a, käsi prawng saite älo haetä la thui vawng te y. Tungaila äni ma Setan angra tea “Areng ma nang tea pring te lo thui kae sy” näkha thui kae vi.

Lokphong 20:14

Tupyng-a Säthaw lä dü saite hai Angqaw khaw bung lä mai tuilipui thung-a kädephae vi dy. Hini mai tuilipui lä äbaeni üng dü saite vi.